Birtingur - 01.01.1967, Blaðsíða 21

að undanskildum teikningum Halldórs Pét-
urssonar, um þær er ekki einu sinni liægt að
tala. Verk Kristjáns J. Gunnarssonar er á
marga lund hið þarfasta, svo langt sem það
nær. Gallar bókarinnar eru fyrst og fremst
fólgnir í því, hve mikið í hana vantar. Sú
vöntun er ákaflega skaðleg, vegna þess að tæp-
lega er treystandi, að skólaljóð verði gefin út
á ný fyrr en að einum 15 árum liðnum, ef að
vanda lætur. Þá verður Snorri Hjartarson 75
ára, Jón úr Vör hálfsjötugur og „ungu skáld-
in“ farin að nálgast sextugsaldurinn! Svo
tryggilega er fyrir því séð, að unga ísland
stingi sig ekki til blóðs á vaxtarbroddi bók-
menntanna.
Lítum næst í Lestrarbók Nordals. Hún endar
á sögu eftir Kristmann Guðmundsson, höfund
sem er hálfsjötugur að aldri og gaf út fyrstu
bók sína fyrir 44 árum. Þó er nýjasta útgáfa
(6. prentun) Lestrarbókar aðeins þriggja ára
gömul. En hún er óbreytt að efni frá 3. út-
gáfu, sem kom úr prentun fyrir 24 árum. Hér
er ekki verið að láta samtímann trufla sig. Ég
veit þið virðið mér til vorkunnar, þótt ég ræði
alls ekki um þessa bók sem nútímabókmennt-
ir. En rétt er að geta þess, að Lestrarbók Nor-
dals er unglegasta lestrarefni íslenzku mennta-
skólanna!
Af námsskrá í íslenzku til B.A.-prófs við Há-
skóla Islands sé ég, að til 1. stigs eru lesnar
bókmenntir til miðaldar (um 1350). Til 2.
stigs eru lesnar bókmenntir „frá og með róm-
antík til nútímabókmennta (um 1930)“ —
„Jafnframt skal nemandinn fá rækilegt yfirlit
yfir bókmenntasögu þessarar aldar.“ — Lestr-
arefni: „í samráði við kennara." Nánara er
ekki að orði kveðið, svo að erfitt er að átta
sig á kröfunum af námsskránni einni, en ekki
sýnist þó skylt að lesa til prófs bókmenntir
eftir 1930.
Til þriðja stigs eru lesnar bókmenntir „frá
miðöldum, lærdómsöld og upplýsingaröld" og
„Nútímabókmenntir“ (1930—). Hverjar eru
þá þessar nútímabókmenntir? Stefán frá
Hvítadal 4 kvæði, Davíð Stefánsson 10 kvæði,
Jóliannes úr Kötlum 4 kvæði, Jón Helgason 4
kvæði, Tómas Guðmundsson 6 kvæði, Steinn
Steinarr 5 kvæði. Hefur nokkur heyrt þessara
unglinga getið áður? Þá er valin skáldsaga eft-
ir Laxness (mikið var); loks: nemandinn
kynni sér vandlega nokkur ljóð eftir eitt
(undirstrikað í námsskránni) eftirgreindra
skálda: Guðmund Böðvarsson, Magnús Ás-
geirsson, Snorra Hjartarson, Kristján frá
Djúpalæk, Jón úr Vör, Hannes Sigfússon, Ein-
ar Braga, Sigfús Daðason, Jón Óskar, Þorstein
Vaidimarsson, Hannes Pétursson eða annað
nútímaskáld í samráði við kennara — og
birtincur
1?