Birtingur - 01.01.1967, Blaðsíða 26
Paavo Kintala
fráskilinn maður og á son, mæðginin voru í ,
Stokkhólmi en sonurinn kemur til föðurins í
Finnlandi og býr hjá honum, feðgunum mis-
tekst að ná sambandi, og sonurinn verður til
þess að brjóta gegn þeim lögum sem faðir
hans hafði alla tíð varið, harmleikurinn undir
lokin verður ógnarþung byrði á ritstjóranum
og sprengir hinar síðustu borgaralegu blekk-
ingar. Kihlman er talinn stílsnillingur á
sænsku, hann er miskunnarlaus uppreisnar-
maður en rannsókn hans er ekki grimmdar-
leg heldur heiðarleg, manni finnst þessi mað-
ur ekki komast hjá því að skrifa; og þegar
hann þykist ætla að hætta að skrifa af því
hann hafi ekki ráð á því, þá trúir maður því (
svona rétt mátulega að hann meini nokkurn
skapaðan hlut með því annað en pína pen-
inga út úr því opinbera. Hin sagan, Made-
leine segir frá þrem manneskjum og er sögð
í fyrstu persónu: drykkjumaður gengur upp í
sjálfum sér og alkóhólvöktum ofskynjunum,
taugaveikluðu ofnæmi sínu og tekur ekki eftir
því hvernig hann hrekur eiginkonuna sem
hann elskar frá sér og hrindir henni í faðm
vinar síns með því að gera hana að vitni nið-
urlægingar og vesaldóms hans undir hrammi
Bakkusar, eyðileggur allt; Kihlman lýsir hug-
arheimi þessa manns snilldarlega; ég efast um
að öllu raunsærra sé sagt frá alkóhólista ann- 1
ars staðar í Norðurlandabókmenntum; mér
24
BIRTINGUR