Árbók VFÍ/TFÍ - 01.06.1998, Blaðsíða 79

Skýrslur hagsmunafélaga TFI 77
Haraldur Sigursteinsson, Óli Jón Hertervig og Gústaf Adolf Hjaltason meðstjórnendur,
Helgi Baldvinsson varamaður og Bjarni Bentsson og Guðjón Arnason endurskoðendur.
Henrý Þór Griinz gekk úr stjórn á miðju tímabilinu þegar hann varð varaformaður TFI.
Mikill tími hefur farið í samningamál hjá stjórninni þar sem stjórnarmenn eru allir í
samninganefndum. Sérstaklega hefur samninganefnd við ríki og borg haldið marga fundi.
Mikið starf hefur verið unnið við útfærslu á nýju launakerfi og samninganefndir KTFI og
SV hafa unnið mikið brautryðjendastarf í þessu máli. Samningar samkvæmt nýju launakerfi
við ríki og borg voru undirritaðir á vormánuðum 1997. Þessir samningar breyta mikið launa-
kjörum tækni- og verkfræðinga hjá ríki og borg. I kjölfar þessara samninga hefur KTFI stýrt
vinnu aðlögunarnefnda sem verið hefur mikil við endanlega útfærslu á samningnum við ríki
og borg.
Gerður var nýr samningur við Launanefnd sveitarfélaga. Samningur þessi var unninn í
samvinnu við SV og höfðu nokkur sveitarfélög bæst við frá því að fyrsti samningurinn var
gerður. Gerðar voru breytingar á samningnum, sem voru mikið til bóta, og var hann sam-
jrykktur með miklum meirihluta atkvæða.
Samningurinn við FRV er enn í gildi og var samið um nokkrar hækkanir launa á verk-
fræðistofum og vonum við að sú hækkun skili sér til fleiri félagsmanna.
Stjórnin ákvað að framkvæma í samstarfi við SV kjarakönnun fyrir árið 1996 og janúar
1997 og var hugmyndin að niðurstöður yrðu gefnar út í sameiningu. Ákveðin vandamál
komu upp í sambandi við frágang á könnuninni og er umhugsunarefni hvernig best verði
staðið að þessum málum í framtíðinni.
Uppi eru hugmyndir um að nýr framkvæmdastjóri TFI og VFI taki að sér að svara fyrir
ákveðna málaflokka sem tengjast kjaramálum og væntum við mikils af því samstarfi.
Við höfum leitað til skrifstofu SV um ýmis mál sem tengjast réttindum okkar manna og
fengið lögfræðiálit í samvinnu við SV, en Lára V. Júlíusdóttir hdl. er lögmaður félagsins.
Einnig höfum við í samvinnu við TFI leitað til Ragnars H. Hall hrl. en hann er lögmaður
þess félags. Lögfræðiþátturinn er sífellt að aukast í starfi félagsins.
Við erum þátttakendur í samningi Samvinnuferða-Landsýn og Flugleiða við stéttarfé-
lögin.
Kjarafélag Tæknifræðingafélags Islands, KTFI
Stefán Ragnarsson formaður
Stjórnendur og sjálfstætt starfandi, STFÍ
Stjórnin hefur haldið stjórnarfundi í húsi TFÍ að Engjateigi 9 og einnig símafundi á starfs-
árinu 1997-1998. Einnig hafa stjórnarmenn skipst á um að silja stjórnarfundi TFI.
Ymsar fyrirspurnir hafa borist til stjórnar frá félagsmönnum. Meðal annars hafa komið
fyrirspurnir um skattamál, dagpeninga, form og atriði ráðningarsamnings fyrir stjórnendur
fyrirtækja ásamt fyrirspurnum um prósentulegar launahækkanir síðustu ára, en nauðsynlegt
er að þessar upplýsingar liggi ávallt fyrir á skrifstofu.
Stjórnin hefur fengið Torfa Markússon hjá Ráðgarði hf. til að gera uppkast að ráðningar-
samningi og gátlista með ýmsum atriðum sem gæti verið ástæða til að hafa með í ráðningar-
samningi, allt eftir því hvers konar starf og stöðu viðkomandi ræður sig í. Félagsmenn geta