Árbók VFÍ/TFÍ - 01.06.1998, Blaðsíða 169

Samgöngur og fjarskipti 167
stofnunarinnar en stjórnsýslu- og eftirlitshlutverki var skipað hjá nýrri stofnun, Póst- og fjar-
skiptastofnun. Þessi breyting er í samræmi við alþjóðlega þróun og miðar að aukinni sam-
keppni á fjarskiptamarkaðinum.
Það setti mark sitt á starfsemina að í árslok 1997 slitu Póstur og sími samvistum. Þá var
póstþjónustan skilin frá öðrum rekstri og stofnað nýtt félag, íslandspóstur hf. Samhliða þess-
ari breytingu fékk Póstur og sími hf. nafnið Landssími Islands hf.
Rekstrarafkonia: Rekstrartekjur Pósts og síma hf. árið 1997 voru án fjármunatekna 14.132
milljónir króna. Af því voru tekjur af símaþjónustu 10.784 milljónir króna og tekjur af póst-
þjónustu 3.348 milljónir króna. Afkoma ársins 1997 var vel við unandi en hagnaður af starf-
semi félagsins var 1.955 milljónir króna. Þetta er heldur lakari afkoma en árið 1996 og
skýrist hún af því að fyrirtækið greiðir nú tekju- og eignarskatta skv. almennum reglum.
Arðsemi eigin fjár var 17% sem er áþekkt því sem æskilegt er talið í rekstri annarra evr-
ópskra símafyrirtækja. Þessi arðsemi skýrist af stöðugt vaxandi notkun fjarskiptakerfis sím-
ans og heldur batnandi afkomu af póstþjónustu. Þráðlaus fjarskipti verða stöðugt vinsælli og
að sama skapi mikilvægari í rekstri símafyrirtækja. Þannig fjölgaði GSM-viðskiptavinum
fyrirtækisins um 74% á sl. ári og heildarumferð í því kerfi jókst um 95%. Viðskiptavinum í
fasta símakerftnu fjölgaði einnig nokkuð eða urn 3,5%. Þá varð áframhaldandi aukning í
gagnaflutningum, ekki síst um Internetið.
Fjárfestingar: Fjárfest var fyrir 2.023 milljónir króna. Póstur og sími hf. keypti 25% hlut í
hugbúnaðarfyrirtækinu Margmiðlun hf. Með eignaraðild sinni og samstarfi við Margmiðlun
er verið að styðja við þróun verkefna á sviði rafrænna viðskipta og gagnkvæmrar marg-
miðlunar á Internetinu. Fyrirtækið telur mikilvægt að nýjar þjónustugreinar sem skapa
virðisauka á fjarskiptakerfunum líti dagsins ljós. Með þessu gefst einnig tækifæri til að
stuðla að útflutningi á íslensku hugviti. Samstaif við innlend fyrirtæki er áhugaverður kostur
enda er samkeppni í fjarskiptum helst að vænta erlendis frá.
Markaðsmál: Þróunin í upplýsingaheiminum hefur aldrei verið hraðari og því var vöru-
þróun áberandi á árinu 1997. Sem dæmi um nýja vöru og þjónustu má nefna SMS-skila-
boðaþjónustu í GSM-farsímakerfinu ásamt þróun á greindarþjónustu í almenna símakerfmu:
alnúmeri, plúsnúmeri, vísinúmeri, aðgangsstýrinúmeri og símakosningu. Átak var gert í sölu
talhólfa, sölu samnetstenginga og aukinni áherslu á Internetþjónustu.
Gjaldskrá: Þann 1. apríl 1997 tók gildi ný gjaldskrá fyrir símaþjónustu í samkeppni. Helsta
breytingin var lækkun stofngjalda í GSM- og NMT-farsímakerfunum. Stofngjald fyrir NMT-
farsíma lækkaði um 57% og um 43% fyrir GSM-farsíma. Umtalsverðar breytingar voru
gerðar á gjaldskrá l'yrir póstþjónustu á árinu 1997.
Farsímakerfi: Enn varð metfjölgun GSM-notenda og voru þeir orðnir 40.866 í árslok 1997
og hafði fjölgað um 17.419 á árinu. Farið var að bjóða ýmsa sérþjónustu innan GSM-far-
símakerfisins eins og fasta læsingu í símstöð, gagnaflutning, faxflutning, hópsímtal og sím-
lal bíður. NTM-notendum fjölgaði um 2.025 úr 22.855 í 24.880. Boðkerfisnotendum Ijölg-
aði um 1.533 og var heildarfjöldinn orðinn 12.442.