Árbók VFÍ/TFÍ - 01.06.1998, Blaðsíða 257

Rannsíknastofnun byggingariðnaðarins 255
veri stofnunarinnar, sem steypt var upp
árið 1990 og síðan formlega tekið í notkun
árið 1993.
Með byggingu hljóðversins gjör-
breyttust aðstæður til hljóðtæknilegra
rannsókna. Þar með var unnt að gera
ýmiskonar hljóðmælingar á byggingar-
efnum og byggingarhlutum í sérhönn-
uðum rannsóknarstofum og ennfremur
hávaðamælingar á tækjum og tækni-
búnaði við staðlaðar aðstæður.
Næsta stórbreyting í hljóðtæknimál-
um varð síðan árið 1997, þegar mælibún-
aðurinn var endurnýjaður, en hann var þá
orðinn nokkuð úreltur. Keypt voru mjög
fullkomin mælitæki og óhætt er að segja
að stofnunin geti nú gert allar helstu
hljóðtæknilegar mælingar á byggingar-
efnum, byggingarhlutum og á ýmiskonar
hávaða.
Eins og á öðrum starfssviðum stofn-
unarinnar skiptist starfsemin á hljóð-
tæknisviði m.a. í þjónustuverkefni, erlend
samstarfsverkefni og innlend rannsóknar-
verkefni.
Ný mœlitœki í hljóðveri Rb.
Þjónustuverkefni: Stór hluti af hljóðtæknistarfseminni eru ýmiskonar þjónustuverkefni,
m.a. mælingar í hljóðveri og mælingar á staðnum. Þar má nefna mælingar á lofthljóðein-
angrun eða högghljóðeinangrun, ómtíma eða hljóðdeyfingu og mælingar á hávaða frá
atvinnustarfsemi eða umferðarhávaða.
Þjónustuverkefni geta líka verið útreikningar eða umsagnir um hljóðvist, m.a. varðandi
umferðarhávaða við fyrirhugaðar nýbyggingar, umsagnir um hljóðeinangrun við breytingar
á húsnæði eða mat á hljóðvist sem hluta umhverfismats.
Erlend samstarfsverkefni: Stofnunin tekur árlega þátt í nokkrum erlendum samstarfsverk-
efnum á sviði hljóðtækni, oftast norrænum. Verkefnin eru m.a. á vegum Nordtest og INSTA-
B og einnig hefur nýlega verið tekið þátt í einu SMT-Evrópuverkefni. Sem dæmi um nýleg
erlend samstarfsverkefni má nefna:
Nordtest Samanburðarmælingar á hljóðdeyfum í loftræsikerfum
Nýtt reiknilíkan/gagnabanki fyrir útreikning á hljóðeinangrun skv. EN-12354
Ný mæliaðferð fyrir hljóðstig í herbergjum, sérstaklega lágtíðnihljóð
INSTA-B Nýr samnorrænn staðall fyrir gæðaflokkun á hljóðvist í íbúðarhúsnæði
SMT Samanburðarmælingar á hljóðeinangrun veggja