Árbók VFÍ/TFÍ - 01.06.2004, Blaðsíða 261
Á mynd 6 eru sýndir útreikningar á
langdrægni dæmigerðs WiMAX kerf-
is þegar viðtakandi notar útiloftnet í
2 m hæð frá jörð. Á lárétta ásnum er
fjarlægð milli sendis og viðtækis og á
lóðrétta ásnum er móttekinn merkis-
styrkur inn á viðtækið. Merkis-
styrkurinn er reiknaður fyrir þær
þrjár tegundir (A, B og C) borgarlands
sem að ofan er getið, einnig þegar
órofin sjónlína er milli staða og þegar
Fresnel svæðið er hindrað að hluta.
Láréttu línurnar sýna þann gagna-
hraða sem hægt er að ná við tilsvar-
andi merkisstyrk. Hægt er að lesa út
úr grafinu þann bitahraða sem næst
út úr WiMAX fjarskiptum við þær
misjöfnu aðstæður sem áður er lýst.
Fjarskipti í borgarlandi af tegund B ná
8,3 Mb/s sambandi í um 1,0 km fjar-
lægð milli sendis og viðtækis. Hins vegar næst 37,4 Mb/s samband yfir 2,5 km fjarlægð
þegar Fresnel svæðið er algerlega óhindrað. Það næst 8,3 Mb/s samband í um 7 km fjar-
lægð þegar hindrun er í Fresnel svæðinu að hluta.
Lokaorð
WiMAX er góður kostur til þráðlausra bandbreiðra fjarskipta. Stöðlun tækninnar bendir
til þess að hún verði mun ódýrari en þær lausnir sem hingað til hafa fengist. Sumir hafa
spáð því að mikil uppbygging WiMAX kerfa í borgum muni eiga sér stað á næstu árum.
Hér hefur verið sýnt fram á að til slíkrar uppbyggingar mun þurfa afar margar
móðurstöðvar. Ef menn vilja komast hjá því að nota útiloftnet á viðtökustað margfaldast
fjöldi móðurstöðvanna. Slíkt kerfi getur ekki keppt við ADSL, bæði af kostnaðarástæðum
og af því að yfir 40% heimila hafa þegar ADSL-tengingu. Hins vegar virðist WiMAX vera
álitlegur kostur í flatlendu dreifbýli þar sem stutt er í bandbreiða tengingu. Einnig er
hugsanlegt að nýta WiMAX til að tengja þráðlaus staðarnet inn á bandbreið fjarskiptanet
eða jafnvel sem tengingu fjarlægra GSM-stöðva við fjarskiptanetið.
Heimildir
[1] Intel Technology Journal, volume 08, issue 03, ágúst 2004, ISSN 1535-864X.
[2] http://www.eurescom.de/public/projects/P1400-series/P1446/default.asp.
[3] Timo Smura. Techno-economic analysis oflEEE 802.16a-based fixed wireless access. Helsinki University of Technology,
Department of Electrical and Communications Engineering,Thesis submitted in partial fulfillment of the require-
ments for the degree of Master of Science in Technology, Helsinki, April 27,2004.
[4] IEEE 802.16a-2003 Standard.
[5] V. Erceg et.al. An empirically basedpath loss models for wireless channels in suburban environments. IEEE JSAC, vol. 17,
no.7, July 1999, pp. 1205-1211.
[6] G. Durgin, T.S. Rappaport, H. Xu. 5.85-GHz Radio Path Loss and Penetration Loss Meuasurements In and Around Homes
and Trees. IEEE Trans. on Communic., vol. 46, no. 11, November 1998.
Tækni- og vísindagreinar
2 5 9