Neytendablaðið - 01.12.1997, Blaðsíða 24

Lesendur spyrja
Neytendablaðið hvetur lesendur til að senda bréf með spurningum sem
vakna hjá þeim um ýmis neytendamál. Sendið bréfið til Neytendablaðs-
ins, Pósthólfi 1096,121 Reykjavík. Nafn og heimilisfang sendanda þarf að
koma fram en er ekki birt í blaðinu nema þess sé sérstaklega óskað.
Hávaðasama vekjaraklukkan
Um daginn keypti ég vekjaraklukku
handa syni mínum fyrir 4.000 krón-
ur. Þegar klukkan hringdi morguninn eft-
ir kom frá henni mjög hátt og skerandi
ískurhljóð sem vakti alla í húsinu. Það er
enginn takki á klukkunni til að lækka
þetta háa hljóð. Eg fór með vekjara-
klukkuna aftur í búðina og vildi skila
henni, en þá sagði afgreiðslumaðurinn að
ekki væri hægt að skila henni og fá end-
urgreitt þar sem ekkert væri í raun að
klukkunni. Hvað get ég gert?
Svar Neytendablaðsins: Þegar ekkert er
að klukkunni er búðin ekki skyldug til að
taka hana til baka og endurgreiða kaup-
verðið. Á þér sem kaupanda hvflir sú
skylda að skoða vöruna til að vera viss
um að hún sé í rauninni sú sem þú vilt.
Að skipta um skoðun síðar er ekki nægj-
anleg ástæða til að krefjast endur-
greiðslu. Þú hefðir átt að kanna áður en
þú keyptir vekjaraklukkuna hvemig há-
vaða hún gaf frá sér.
Þrátt fyrir þetta skaltu reyna að fara í
búðina og athuga hvort búðin vill skipta
á klukkunni og einhverri annarri vekjara-
klukku, eða þá einhverri annarri vöru. Ef
ekkert er til í búðinni sem þú vilt núna
getur vel verið að búðin fallist á að gefa
þér inneignarnótu.
Má ekki nota
debetkortið
við smærri
upphæðir?
jr
Eg fór um daginn í lítinn sölu-
turn og ætlaði að kaupa mér
sælgæti fyrir 400 krónur. Þegar
ég tók upp debetkortið mitt sagði
afgreiðslumaðurinn að ég gæti
ekki greitt með debetkorti nema
ég keypti fyrir meira en 500 krón-
ur, og þá yrði ég líka að greiða
aukagjald ofan á kaupverðið
vegna debetkortsins. Er þetta lög-
legt?
Svar Neytendablaðsins: Al-
menna reglan er sú að verslanir
geta selt vöru á því verði sem
þeim sýnist og sett skilyrði fyrir
því hvemig hún er greidd. Hins
vegar em þessi vinnubrögð
óvenjuleg og ætti verslunin að
láta fólk vita af þessum greiðslu-
kjömm áður en viðskiptin fara
fram, annars getur hún ekki stað-
ið á þessu. Svona viðskiptahættir
bera ekki vott um að verslunin
vilji stuðla að góðri viðskiptavild
í sinn garð. Eina ráð þitt vegna
þessara viðskiptahátta er að
greiða uppsett verð með öðmm
hætti eða leita viðskipta hjá ann-
ari verslun.
Kápan týndist í fatageymslunni
Dóttir mín fór á skemmtistað og lét
kápuna sína í geymslu í fata-
geymslunni og fékk miða því til stað-
festingar. Þegar hún var á leiðinni út og
hugðist sækja kápuna kom í ljós að hún
var horfín. Starfsmaður í fatageymsl-
unni óskaði þá eftir að fá miðann og
sagðist mundu láta hana vita ef kápan
fyndist. Nú, tveimur mánuðum síðar, er
kápan enn ófundin. Forráðamaður
skemmtistaðarins telur staðinn ekki
bera ábyrgð og vísar til miða sem að
hans sögn hangir uppi í fatageymsl-
unni, en á honum standi að staðurinn
taki ekki ábyrgð ef fatnaður týnist. Er
það virkilega svo að dóttir mín eigi
ekki rétt á bótum, - kápan var tiltölu-
lega ný?
Svar Neytendablaðsins: Yfírlýsingu
um að ekki sé tekin ábyrgð á fatnaði ef
hann týnist á skemmtistöðum, þar sem
boðið er upp á geymslu gegn afhend-
ingu miða, er ekki hægt að taka bók-
staflega, heldur verður að skilja slíka
yfírlýsingu svo að ef það er ekki
skemmtistaðnum að kenna að fatnaður-
inn týnist þá beri eigandi fatnaðarins
tjónið en ekki skemmtistaðurinn. Ef
starfsmaður skemmtistaðar afhendir
hinsvegar fatnað án þess að fá réttan
miða til baka er það á ábyrgð skemmti-
staðarins. Sé stolið úr fatageymslu þar
sem fatnaður er geymdur gegn afhend-
ingu miða verður skemmtistaðurinn
líka að bera ábyrgð á þeirri vanrækslu
starfsmanna sinna að gæta fatageymsl-
unnar ekki nægilega vel. í máli dóttur
þinnar virðist Ijóst að kápan hefur verið
afhent einhverjum öðrum gesti án þess
að hann hefði geymslumiðann, eða að
kápunni hefur hreinlega verið stolið. Á
þessari vanrækslu ber skemmtistaður-
inn ábyrgð.