Bændablaðið - 18.10.2012, Blaðsíða 14

Bændablaðið | Fimmtudagur 18. október 201214
Nýr forseti Kvenfélagasambands Íslands kosinn:
Niðurskurði á fjárveitingum
ríkisins mótmælt
Kvenfélagasambands Íslands hélt
36. landsþing sitt í Keflavík helgina
28.-30. september. Yfirskrift
þingsins var „Félagsauður og
heilsa hönd í hönd“, sem er tilvísun
í hve heilsusamlegt það er að
taka þátt í félags starfi. Á þinginu
var Una María Óskarsdóttir,
fráfarandi vara forseti KÍ til sex
ára, kosin nýr forseti Kvenfélaga-
sambandsins. Þingið sóttu um 150
konur af landinu auk aðstandenda
þinghaldsins.
Á þinginu voru samþykktar
þrjár ályktanir. Ein þeirra snýst um
niðurskurð á fjárveitingum ríkisins.
Skorar þingið á Alþingi og ríkisstjórn
að endurskoða fjárveitingu til
Kvenfélagasambands Íslands og
Leiðbeiningastöðvar heimilanna. Í
greinargerð með þessari samþykkt
segir:
„Kvenfélagasamband Íslands
var stofnað 1930 og hlutverk þess
er að vera málsvari kvenfélaganna
í landinu. Kvenfélögin starfa um
land allt og gegna mikilvægu
samfélagslegu hlutverki.
Kvenfélagasamband Íslands
rekur Leiðbeiningastöð heimilanna
sem allir geta leitað til sér að
kostnaðarlausu og hefur hún starfað
í 50 ár. Leiðbeiningastöðin rekur
símaþjónustu, heldur úti heimasíðu
og gefur út fræðsluefni. Starfsmaður
í 50% starfi sinnir þessu verkefni.
Frá upphafi hefur ríkisvaldið stutt
myndarlega við þessa starfsemi með
fjár framlögum og þannig gert það
kleift að halda úti þessari þjónustu. Á
síðustu misserum hefur í auknum mæli
verið leitað eftir ráðleggingum hjá
Leiðbeininga stöðinni, innhringingum
hefur fjölgað um 43,7% og samskipti
gegnum heimasíðu aukast jafnt og
þétt. Aðkallandi er að endurnýja
tölvubúnað Leiðbeiningastöðvarinnar.
Kvenfélagasamband Íslands fékk á
fjárlögum árið 2011 kr. 6.000.000 en
árið 2012 er sá styrkur kominn niður
í 1.500.000.
Enginn styrkur fékkst í ár til að reka
Leiðbeiningastöð heimilanna og er því
áfram haldandi rekstur hennar í miklu
uppnámi. Því skorum við á Alþingi
og ríkisstjórn að hækka fjárframlag
til Kvenfélagasambands Íslands
og styrkja á ný Leiðbeiningastöð
heimilanna.“
Í annarri ályktun þingsins voru
allar konur hvattar til að fara
reglulega í krabbameinsskoðun.
Í þriðju ályktun inni er svo fagnað
góðum árangri af forvarnarstarfi
gegn vímuefnum hér á landi meðal
ungmenna.
Í greinargerð með þeirri ályktun
segir að meðal forvarnarverkefna
hafi verið landsverkefnið „BARA
GRAS“ sem fjöldi félagasamtaka
og einstaklinga hafa tekið þátt í.
Verkefnið fólst í að virkja, hvetja
og styrkja foreldra í forvörnum,
en Kvenfélagasamband Íslands tók
virkan þátt í verkefninu. Þingið
hvetur til að öflugu forvarnarstarfi
fyrir ungt fólk verði haldið áfram.
Nýr forseti og varaforseti
Sem fyrr segir var Una María
Óskarsdóttir kosin nýr forseti
Kvenfélagasambandsins en Guðrún
Þórðardóttir var kosin nýr varaforseti.
Þá var Margrét Baldursdóttir gjaldkeri
endurkjörin, Bryndís Birgisdóttir
var kosin meðstjórnandi og Katrín
Haraldsdóttir er ný í varastjórn.
Aðrar í stjórn eru Dóra Ruf ritari og
Rosemarie Brynhildur Þorleifsdóttir
í varastjórn. Skoðunarmenn reikninga
voru kjörnar Birna Hauksdóttir og
Hallfríður Bjarnadóttir. Til vara,
Magdalena Jónsdóttir og Margrét
Samsonardóttir.
Ný nálgun var á hópastarfi
þingsins, svokallað Hugmyndarými
eða Open Space sem Kári Gunnarsson
ráðgjafi stjórnaði. Þingið sóttu um
150 konur af landinu öllu auk
þeirra félagskvenna sem sinntu
gestgjafa vinnu á þinginu, en
Kvenfélagasamband Gullbringu- og
Kjósarsýslu var gestgjafi þingsins.
Náttúran.is hefur þróað og hannað
Lífrænt Íslandskort í prent útgáfu.
Kortið var kynnt á Lífrænu Íslandi
2012 í Norræna húsinu um síðustu
helgi og verður dreift ókeypis á
völdum stöðum. Ráðgert er að
Lífrænt Ísland verði framvegis
gert að árlegum viðburði Samtaka
lífrænna neytenda hér á landi.
Lífræna Íslandskortið er hannað
af Guðrúnu A. Tryggvadóttur,
framkvæmda stjóra Náttúrunnar, og
Signýju Kolbeinsdóttur. Segir Guðrún
að að nauðsynlegt hafi verið að gera
upplýsingar um lífrænan landbúnað
og framboð á lífrænum vörum
aðgengi legri fyrir alla. Upplýsingar
um aðila með lífræna starfsemi hafa
verið framreiddar á ýmsa vegu á vef
Náttúrunnar sl. 5 ár og uppfærðar
reglulega á grundvelli upplýsinga frá
Vottunarstofunni Túni. Ný könnun
Náttúrunnar meðal vottaðra aðila
hefur varpað ljósi á raunverulegt
framboð á lífrænum íslenskum
vörum og eru þær upplýsingar settar
fram á kortinu. Það er ósk útgefanda
að kortið verði til þess að hvetja hið
lífræna Ísland til dáða og djörfungar
á komandi árum.
Lífræna kortið endurspeglar
stöðuna eins og hún er nú haustið
2012. Gögnin er einnig hægt að skoða
á Grænu Íslandskorti og Lífræna
kortinu á vef Náttúrunnar.
Náttúran.is kynnti Lífrænt Íslandskort
Ný stjórn Kvenfélagasambands Íslands.
Þegar skoðaðar eru niðurstöður
jarðvegs efnagreininga frá árinu
2011 má vel sjá þess merki
að sýru stig er víða full lágt, sé
ætlunin að rækta þar gras, græn-
fóður eða korn, og því veruleg
þörf á að kalka.
Í súrum jarðvegi hefur kölkun
oftast úrslitaáhrif á það hvort
sáðgresið endist vel eða illa. Vissu-
lega sprettur gras í súrum túnum en
það er ekki sáðgresið sem menn hafa
kostað til við að sá, heldur er það til
dæmis snarrót, lín gresi og túnvingull
sem hafa tekið yfirhöndina.
Þegar tún og akrar hér á landi eru
kölkuð er langoftast notaður skelja-
sandur sem tekinn er úr fjörum eða
dælt upp af sjávarbotni. Æskilegt er
að skelin í sandinum sé ekki mjög
gróf því þá gætir áhrifanna seinna.
Þegar dreifa á skeljasandi á gróin
tún er yfirleitt ráðlegast að dreifa
því að hausti til, þó áður en jörð
gegnfrýs. Við kölkun í nýræktir og
grænfóðurakra er hins vegar ráðlegt
að kalka á vorin eða a.m.k. eftir að
búið er að plægja til að kalkið tapist
ekki of langt niður í jarðveginn. Gott
er að kalka þegar aðeins á eftir að
herfa/tæta síðustu umferðina. Þá
blandast skeljasandurinn vel við
efsta lag yfirborðsins en liggur
samt ekki ofan á og kemst því síður
í beint samband við köfnunarefni
áburðarins.
Hvað jarðvegsgerð snertir þarf
mun minna af skeljasandi á sand-
jarðveg en á t.d. mýri til að jákvæð
áhrif kölkunar komi fram. Algengt
er að 1-2 t/ha af skeljasandi dugi
á sandjarðveg meðan 4-6 t/ha þarf
af skeljasandi á mýrartún til að
sambærileg áhrif verði og sýrustig
jarðvegsins hækki. Móajarðvegur er
síðan þar mitt á milli.
Við yfirbreiðslu er ekki hægt að
kalka eins mikið og í opna akra, þar
sem sandurinn verður að ná að ganga
niður í svörðinn yfir veturinn. Telja
má að 1,5-3 t/ha sé hæfilegt magn
til að svo megi verða.
Að ýmsu þarf að hyggja þegar
metið er hvort þörf sé á að kalka,
hvaða kalkgjafa sé æskilegast að
nota og hversu mikið. Það getur
því verið ráðlegt að leita aðstoðar
hjá ráðunaut svo sem bestur árangur
náist.
Borgar Páll Bragason,
verkefnastjóri á ráðgjafarsviði BÍ
Er kominn tími til að kalka?
Lífrænt Ísland í
Norræna húsinu
Sunnudaginn 14. október
var opnað eins konar lífrænt
markaðs torg í Norræna húsinu.
Það samanstóð af sýnishornum
afurða frá 18 lífrænum matvæla-
framleiðendum og mál stofum
um t.a.m. sjálfbærni, eiturefna-
lausa ræktun heimagarða, líf-
ræna ylrækt og svínarækt.
Viðburðurinn var skipulagður
af Samtökum lífrænna neytenda
og var afar vel sóttur. Að sögn
Dominique Plédel Jónsdóttur, sem
er í framkvæmdanefnd samtakanna,
voru gestir einstaklega áhugasamir,
forvitnir og jákvæðir. „Það kom
berlega í ljós að eftirspurn eftir
lífrænum afurðum er gríðarlega
mikil. Þar af leiðandi eru mörg
tækifæri til nýsköpunar um land allt
til að svara henni.“ /smh
Myndir / Gissur GunnarssonLífrænt grænmeti frá Akri.
Forsetahjónin og Jóhann Örn
Einarsson frá Organic Lífstíl.
Lífrænt brauð og sultur
frá Sólheimum.