Bændablaðið - 18.10.2012, Blaðsíða 24
Páll Kr. Pálsson og Logi Arnar
Guðjónsson keyptu ullarvöru-
fyrirtækið Glófa á Akureyri í
lok árs 2005 og fleiri fyrirtæki í
ullariðnaði árin 2006 og 2007, til
að stækka rekstrareininguna og ná
þannig hagræðingu í rekstrinum.
Fyrirtækið hannar, framleiðir
og selur eigin ullarvörur undir
vörumerkinu Varma en auk þess
framleiðir Glófi ullarvörur fyrir
fjölda hönnuða og fyrirtækja sem
selja undir eigin vörumerkjum.
Framleiðslan á sér stað í þremur
starfsstöðvum fyrirtækisins
í Kópavogi, á Hvolsvelli og á
Akureyri.
„Áhugi minn á framleiðslu úr
íslensku ullarbandi vaknaði árið
2004, í tengslum við verkefni sem
ég vann fyrir Ístex, sem er algert
lykilfyrirtæki varðandi framleiðslu
úr íslenskri ull. Síðan kynntist ég
Loga, sem þá var framkvæmdastjóri
Glófa, og við sáum í því tækifæri
að byggja upp stærra fyrirtæki í
ullarvöruframleiðslu og byrjuðum á
að kaupa Glófa í lok árs 2005. Þá voru
sjö fyrirtæki að framleiða ullarvörur
á Íslandi. Við keyptum síðan meðal
annars Eiríksson, Janus/Tinnu og
Prjónaver á Hvolsvelli til viðbótar.
Við náðum fljótt hagræðingu með
þessum aðgerðum og fundum fyrir
því þegar við komumst vel í gang
að margir hönnuðir höfðu þörf fyrir
þjónustu okkar og áhuga á samstarfi.
Hjálpaði þar mikið að hafa Birgi
Einarsson, prjónameistara okkar,
sem er einn sá færasti á sínu sviði.“
Heildarvelta um 350 milljónir
Fyrirtækið gerði tilraunir með að
fara inn á tískumarkaðinn með
ullarvörulínur, en það tókst ekki
eins og til stóð, m.a. vegna grófleika
íslensku ullarinnar. Nú er áherslan
í eigin framleiðslu á smávörur úr
íslenskri ull, einkum húfur, hárbönd,
sjöl, trefla vettlinga og sokka.
„Það má segja að við séum á
þessum flókna enda á markaðnum
og það er nauðsynlegt að hafa nálægð
við viðskiptavininn til að þróa réttu
hlutina sem virka. Það er ákveðið
pláss á markaðnum fyrir smávörur
og við sjáum mikil tækifæri þar
fyrir Varma-vörumerkið okkar.
Við höfum einnig fengið hönnuði
til liðs við okkur, nú síðast Sigríði
Heimisdóttur vöruhönnuð til að
hanna fyrir okkur mokkavörulínu
sem framleidd er á Akureyri. Þar
sjáum við mikla möguleika með
íslenska lambskinnið bæði fyrir
heimamarkað og útflutning.“
Um 40% af framleiðslu Glófa eru
fyrir hönnuði og fyrirtæki sem selja
undir eigin vörumerkjum og fer það
hlutfall vaxandi. Heildarveltan er í
kringum 350 milljónir.
„Margir hönnuðir leita til okkar en
einnig fyrirtæki sem hafa hönnuði í
vinnu hjá sér og biðja okkur um að
framleiða fyrir sig. Stærsti viðskipta-
vinurinn okkar í dag er Íslendingur
sem er búsettur í Þýskalandi og
selur eigin vörulínu þar í landi undir
merkjum íslensku ullarinnar.“
Fyrirtækið lent í áföllum
Fyrirtækið hefur lent í miklum
hremmingum frá hruni og hefur það
bitnað verulega á rekstrinum.
„Það er mikil samkeppni á þessum
markaði svo þetta er oft á tíðum erfitt
viðskiptaumhverfi. Þó að ferðamönn-
um fjölgi er líka kreppa í útlöndum og
margir á markaðnum með ullarvörur.
Fyrir hrun fjárfestum við mikið og
vorum með töluverðan hluta skulda
okkar í erlendum lánum, þannig að
hrunið kom verulega við okkur. Einnig
urðum við fyrir miklu tjóni þegar
verksmiðjan okkar á Akureyri brann
vorið 2010. Hrunið og bruninn hafa
vissulega sett strik í reikninginn fyrir
okkur en við náum að halda sjó með
frábæru starfsfólki og með því að auka
vöruúrvalið,“ segir Páll og bætir við;
„Við getum framleitt helmingi
meira en við gerum í dag með okkar
tækjakosti, en til að nýta afkastagetuna
til fulls þurfum við fleiri verkefni.
Helstu tækifæri okkar liggja í Varma-
smávörunum og mokkavörulínunni
sem við stefnum á að fara í auknu
með á erlendan markað. En þetta er
erfiður bransi og það kostar umtals-
verða fjármuni, líkast til ekki undir
40 milljónum króna, að hanna og þróa
eina vörulínu með 20 einingum, koma
henni á markað með kynningum og
þátttöku í sýningum innanlands og
erlendis og koma henni í sölu í versl-
unum. Til að slíkt verkefni heppnist
þarf mikla þekkingu í hönnun, fram-
leiðslu og markaðsmálum, auk umtals-
verðra fjármuna. Fáir geta gert það og
það tekur langan tíma að ná árangri.
Þess vegna er gott að eiga samstarf
við hönnuði og sterk fyrirtæki sem
hafa metnað og getu til að vinna með
okkur.“ /ehg
24 Vetrarbúnaður BLAÐAUKI BÆNDABLAÐSINS 18. OKTÓBER 2012
Mikil tækifæri í ullariðnaði
– en áhættan umtalsverð, segja forsvarsmenn ullarvörufyrirtækins Glófa, sem er með starfsstöðvar á þrem stöðum á landinu
Úr verksmiðju Glófa á Akureyri. Myndir / ehg
Saumakona saumar bleika skó, en mokkaframleiðslan fer alfarið fram á
Akureyri.
Sólveig Davíðsdóttir, verkstjóri í verksmiðjunni í Kópavogi, sníðir ermar.
Halldóra Guðmundsdóttir í verk-
smiðjunni í Kópavogi við sníða-
borðið á sínum fyrsta vinnudegi.
Jóna Stígsdóttir saumakona og
Páll Kr. Pálsson, framkvæmdastjóri
og annar eigandi Glófa, Dóróthea
sauma kona í baksýn.
Prjónavélin á fullu.