Bændablaðið - 18.10.2012, Blaðsíða 19
19Bændablaðið | fimmtudagur 7. júlí 2011
Kornræktin í Dalsmynni
Í Dalsmynni í Eyja- og Miklaholts-
hreppi á Snæfellsnesi hefur
kornrækt verið stunduð frá árinu
2004. Síðustu árin hafa 18-22
hektarar lands verið settir undir
þessa ræktun. Fyrst og fremst er
ræktað fyrir búið sjálft, en þar er
kúabúskapur aðalbúgreinin. Um
50-60 tonn af korni fara í búið sjálft
á ári.
Svanur H. Guðmundsson er bóndi í
Dalsmynni. „Sáðkorn kostar á bilinu 120-
150 kr./kg. Á hvern hektara eru notuð
um 200 kg, svo kostnaður nemur nálægt
30 þúsund krónum á hvern hektara – sé
sáðkornið keypt. Byggið sem við erum að
rækta kostar okkur um 30-40 kr./kg á góðu
ári. Þegar við vorum að byrja í kornræktinni
nam allur kostnaðurinn við ræktunina
álíka miklu og einungis sáðkornið núna.
Olíu- og áburðarkostnaður hefur líka
margfaldast. Það er því nokkur áhætta í
því fólgin að rækta bygg.
Að sama skapi er ávinningurinn miklu
meiri af eigin ræktun, því kjarnfóður
hefur einnig hækkað mjög mikið.
Það minnkar áhættuna verulega ef
við náum sáðbyggi úr eigin ræktun,
auk þess sem við höfum verið að nota
búfjáráburð í meiri mæli með smá viðbót
af köfnunarefnisáburði.“
Svanur segir að þetta ár sé það besta frá
því hann hóf að rækta bygg. „Við gátum
sáð því fyrsta upp úr miðjum apríl og
þrátt fyrir þurrkana hafa mýrarakrarnir
komið einstaklega vel út í sumar. Þetta
haust erum við að ná um fjórum til fimm
tonnum af hektara, en erum kannski að
fara niður undir tvö tonn í verstu árum.
Við erum fimm bændur sem störfum
saman í félagi sem heitir Yrkja ehf. og
rekur þurrkstöðina auk ýmissa tækja. Við
leggjum allt bygg inn hjá félaginu, sem
sér um þurrkunina. Við kaupum það svo
út aftur sem við ætlum til eigin nota en
félagið selur hitt.
Stærsti kaupandinn er svínabú í
nágrenninu sem kaupir byggið laust og
óvalsað. Aðrir smærri kaupendur kaupa
byggið valsað í 500 kg sekkjum. Sumir
félaganna rækta eingöngu bygg til sölu.“
Óvenju snemma var byrjað að þreskja korn á svæðinu þetta árið, í lok ágúst, og þeirri vinnu var í
raun lokið í september. Hér er yngri bóndinn í Dalsmynni, Atli Sveinn, undir stýri á þreskivélinni.
Myndir / smh
Dælt úr þreskivélinni í vagninn.
Hafursfellið er hér til vinstri á myndinni en á milli vagnsins og þreskivélarinnar sést heim að Dalsmynni. Mynd / smh
Kornið var allt vel þroskað. Fór inn
í þurrkstöð með um 82% þurrefni,
sem er mjög gott að sögn Svans.
Myndir / smh Sekkjun Mynd / DalsmynniVölsun Mynd / Dalsmynni
Keyrt með kornið í þurrkstöðina.