Fréttablaðið - 30.04.2012, Page 12

12 30. apríl 2012 MÁNUDAGUR
FRÁ DEGI TIL DAGS
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Ólafur Þ.
Stephensen
olafur@frettabladid.is
SKOÐUN
Á Iðnþingi fyrir skemmstu ákallaði starfandi iðnaðarráðherra, Oddný
Harðardóttir, þingheim og bað um stuðn-
ing við stefnu Samfylkingarinnar í Evr-
ópumálum. Orðrétt sagði Oddný: „Sam-
fylkingin hefur – ein stjórnmálaflokka
sem nú sitja á Alþingi – tekið skýra
afstöðu um að stefna skuli að upptöku
evru með inngöngu í ESB.“
Forysta Samfylkingarinnar finnur til
sívaxandi einangrunar með það stefnu-
mál sitt að Ísland skuli inn í Evrópusam-
bandið. Oddný bað um stuðning við stefnu
Samfylkingar með þessum orðum: „Ég
kalla hins vegar eftir enn sterkari stuðn-
ingi frá aðildarfélögum Samtaka iðnað-
arins á þeirri vegferð sem framundan er
við að sannfæra íslenska kjósendur um
mikilvægi þess að við göngum í Evrópu-
sambandið og tökum upp evru.“ Ákall
starfandi iðnaðarráðherra til iðnaðarins
er skiljanlegt í ljósi þess að Samtök iðn-
aðarins hafa löngum stutt Evrópustefnu
Samfylkingar þótt áhöld hafi verið um
hvort iðnfyrirtækin sjálf og forsvars-
menn þeirra styðji pólitík Samfylkingar.
Skömmu eftir Iðnþingið þar sem Oddný
auglýsti einangrun Samfylkingar og ósk-
aði eftir stuðningi við að rjúfa einangr-
unina birtist skoðanakönnun sem tók af
öll tvímæli um afstöðu iðnaðarins. Könn-
unin, sem gerð er af Capacent Gallup
fyrir Samtök iðnaðarins, leiðir í ljós að
68,8% fyrirtækja innan Samtaka iðnaðar-
ins eru á móti aðild Íslands að Evrópu-
sambandinu. Til samanburðar er könnun
sem gerð var fyrir samtökin árið 2007.
Þar sögðust 39,4% vera hlynnt aðild og
43,4% vera andvíg aðild.
Evran, sem löngum hefur verið tromp
aðildarsinna, fær þá útreið í könnun Sam-
taka iðnaðarins að 45% svarenda sögð-
ust á móti því að Ísland tæki upp evru,
en 36,5% sögðust vilja að Ísland tæki upp
evru. Iðnaðurinn hefur snúið baki við
Samfylkingunni sem stendur einangraðri
en nokkru sinni fyrr með ESB-umsókn
í höndunum sem þjóðin vill ekki vita af.
Eina rökrétta niðurstaðan er að aftur-
kalla umsóknina.
Iðnaðurinn staðfestir
einangrun Samfylkingar
M
álefni lögreglunnar hafa verið talsvert í deiglunni
að undanförnu. Ályktun Landssambands lögreglu-
manna á þingi þess um síðustu helgi vakti athygli,
en þar var lagt til að lögreglan í núverandi mynd
yrði lögð niður.
Það er rétt sem Ögmundur Jónasson innanríkisráðherra sagði
hér í blaðinu á laugardaginn, að það er ekki sanngjarnt eða raun-
sætt af lögreglumönnum að gefa í skyn að stofnunin sem þeir
vinna fyrir sé orðin einskis nýt. Hitt er víst að lögreglumenn
hafa mikið til síns máls þegar þeir segja að lögreglan sé fjársvelt
og eigi erfitt með að sinna hlut-
verki sínu svo vel sé.
Nýleg könnun sýnir að
almenningur telur lögregluna
ekki eins sýnilega og áður. Það
er meðal annars rakið til þess
að akstur lögreglubíla hefur
dregizt saman um nærri þriðj-
ung á fimm árum vegna hækk-
andi eldsneytisverðs og niðurskurðar á fjárveitingum. Starfandi
lögreglumönnum hefur jafnframt fækkað talsvert og fjárveit-
ingar til lögreglunnar dregizt saman að raungildi.
Í erfiðu ástandi í ríkisfjármálunum hljóta bæði stjórnendur
og starfsmenn hjá lögreglunni, rétt eins og öðrum ríkisstofn-
unum, að þurfa að spara eins og hægt er og leita allra leiða,
þar með talinna breytinga á skipulagi, til að sinna þjónustu við
borgarana með minni tilkostnaði. Ýmislegt bendir til að þetta
hafi tekizt vel hjá lögreglunni. Það sýna að minnsta kosti tölur
um að skráðum afbrotum hafi fækkað um fjórðung á síðasta ári
frá árinu á undan. Það rakti yfirlögregluþjónn hjá Lögreglunni
á höfuðborgarsvæðinu meðal annars til aukins eftirlits og frum-
kvæðisvinnu lögreglu í samtali við Fréttablaðið.
Tölurnar sýna hins vegar líka að kynferðis- og fíkniefna-
glæpum fjölgar þótt öðrum brotum fækki. Lögreglumenn geta
sömuleiðis bent á tölur um að árásum á þá sjálfa fjölgar og harð-
ara ofbeldi er beitt í undirheimunum. Það tengist bæði vaxandi
fíkniefnaneyzlu og -viðskiptum og skipulagðri glæpastarfsemi,
sem hefur haslað sér völl hér á landi.
Skoðanakönnun meðal lögreglumanna sýnir að þeir óska eftir
að fá tæki sem auðvelda þeim að verja sig fyrir árásum. Meiri-
hluti lögreglumanna vill rafbyssur og sumir vilja skotvopn, sem
geymd yrðu í læstum hirzlum í lögreglubílum. Þörfina fyrir þessi
tæki rökstyðja lögreglumenn meðal annars með því að vegna
niðurskurðar séu þeir oftar einir á ferð.
Ögmundur ráðherra segist reiðubúinn að skoða þessar hug-
myndir, en er efins um að rétt sé að vopna lögregluna frekar.
Draga verður í efa að almennur stuðningur sé við að lögreglan
sé vopnuð við sín daglegu störf. Það væri talsvert hátt gjald að
greiða fyrir að lögreglumenn væru orðnir of fáir til að hægt væri
að tryggja öryggi þeirra með öðrum leiðum.
Eitt verða yfirvöld að hafa í huga þegar metið er hvort gengið
hefur verið of langt í niðurskurði hjá lögreglunni. Að gæta laga
og reglu og öryggis borgaranna er verkefni ríkisvaldsins númer
eitt. Með öðrum orðum hlýtur að þurfa að skera niður alls staðar
annars staðar áður en skorið er niður hjá lögreglunni.
Lögreglan kvartar undan fjárskorti:
Verkefni nr. eitt
ESB
Ásmundur
Einar Daðason
alþingismaður
og formaður
Heimssýnar
Fráleit tenging
Geir H. Haarde var gestur Sigurjóns
M. Egilssonar á Sprengisandi í gær.
Þar sagði Geir það „aldeilis fráleitt“
að tengja virkjanaframkvæmdir á
Austurlandi við bankahrunið. Þó þarf
ekki að leita lengra en í skýrslu rann-
sóknarnefndar Alþingis til að finna
nokkur orð um þetta efni. Þar segir
að hið opinbera hafi aukið þenslu
með stóriðjuframkvæmdum fyrir
austan og látið undir hælinn
leggjast að grípa til mótvæg-
isaðgerða: „Ráðstafanir hins
opinbera í þeirri uppsveiflu
sem varð í aðdraganda falls
bankanna urðu til þess að
auka á þensluna.“
Stoltur af verkunum
Geir sagðist líka stoltur af skattalækk-
unum sem hann stóð fyrir sem
fjármálaráðherra. Um þær segir í
rannsóknarskýrslunni: „Áhrif þeirra
voru enn auknar framkvæmdir, aukin
eftirspurn og meiri þensla. Af skýrslu
Geirs H. Haarde fyrir rannsóknar-
nefndinni má ráða að hann hafi gert
sér grein fyrir óæskilegum áhrifum
skattalækkana við þessar aðstæður.“
Nú virðist Geir annarrar skoðunar.
Gegn orðaöfgum
„Það getur verið erfitt fyrir
miðjuflokk sem byggir á
rökhyggju að
láta rödd
sína heyrast hátt og skýrt í því
ölduróti orðræðu og öfga sem
harðindin skapa.“ Þetta sagði
Sigmundur Davíð Gunnlaugsson,
formaður Framsóknarflokksins í
upphafi ræðu sinnar á miðstjórnar-
fundi á laugardag. Skömmu síðar
sagði hann í viðtali við RÚV að ríkis-
stjórn Jóhönnu hefði skapað meira
efnahagstjón en hrunið sjálft gerði.
Það er spurning hvort Sigmundur
Davíð ætti að lúta eigin ráðum um
öldurót öfgaorðræðunnar, eða
er hann með reikninga sem
sýna að Jóhanna og Steingrímur
hafi toppað þessa a.m.k. tæpu
8.000 milljarða sem töpuðust í
hruninu? kolbeinn@frettabladid.is