Fréttablaðið - 15.12.2012, Blaðsíða 129
LAUGARDAGUR 15. desember 2012 | MENNING | 89
Bókin sem breytti lífi mínu fyrst var Litli prinsinn eftir
Antoine de Saint-Exupéry. Þá var ég sjö ára, og ég fékk
hugljómun sem braust út líkamlega eins og gæsahúð,
andköf, alls konar sprengingar innra með mér. Sama
gerðist þegar ég las Ástu Sigurðardóttur 16 ára gömul,
þá breyttist allt. En Litli prinsinn opnaði dyr inn nýjan
í heim og hélt með börnum, ekki fullorðnum. Samt var
þetta fullorðinssaga, en það var verið að skrifa um mig,
úr sálinni á mér, ekki svona barnabók, heldur bara bók
og það gerðist alls konar í henni. Þetta er svipað og
þegar ég las byrjunina á Illsku eftir Eirík Örn Norð-
dahl. Ég varð svo hamingjusöm, allt varð svo auðvelt
og skemmtilegt, mér fannst að ég gæti skrifað þúsund
bækur. En svo las ég tíu blaðsíður í viðbót og þá var
tónninn farinn, hvort sem það var mér að kenna eða
bókinni. En Litli prinsinn er um lítinn prins sem kemur
til að vera eitt ár áður en hann fremur sjálfsmorð. Litli
prinsinn er um sjálfsmorð í fallegum búningi.
TÓNLIST ★★★★ ★
Haukur Tómasson
Flétta
STEF
Haukur Tómasson er eitt af okkar
frambærilegustu tónskáldum. Tón-
listin hans er reyndar ekkert sér-
staklega aðgengileg; maður þarf að
setja sig inn í hana, einbeita sér að
henni, venjast undarlegum hljóm-
um og blæbrigðum. En það er þess
virði. Tónlist getur verið svo mikið
meira en bara einhverjar þægileg-
ar melódíur. Stundum opnar hún
hurð inn í annan heim sem er gjör-
ólíkur hversdagsleikanum.
Einhvern veginn þannig er upp-
lifunin þegar geisladiskur Hauks,
Flétta, er spilaður. Á diskinum
er stórt verk fyrir tvo kóra og
kammersveit. Það var frumflutt á
Listahátíð árið 2011. Nafnið vísar
til þess að textinn er fléttaður úr
ljóðum eftir ýmis skáld. Þau eru
öll innblásin af náttúrunni. Ljóðin
eru eftir Sjón, Pétur Gunnars-
son, Snorra Hjartarson, Hannes
Pétursson og Þorstein frá Hamri.
Tónlistin er sérkennileg, framandi
og dálítið kuldaleg. En hún er líka
heillandi, alls konar myndmál end-
urspeglast í tónlistinni. Andrúms-
loftið er grípandi, maður gleymir
sér auðveldlega við að hlusta.
Flutningur Kammersveitar
Reykjavíkur, ásamt Schola cantor-
um og Mótettukór Hallgrímskirkju
er framúrskarandi undir stjórn
Harðar Áskelssonar. Með geisla-
diskinum er einnig DVD-diskur
með upptöku af frumflutningi
verksins á tónleikum, og þar eru
sömuleiðis viðtöl við Hauk og Hörð
um tónlistina. Óneitanlega auðgar
það upplifunina af tónlistinni.
Jónas Sen
NIÐURSTAÐA: Magnþrungin tónlist
eftir Hauk Tómasson kemur vel út á
þessum geisladiski.
Kuldalegt,
framandi
og heillandi
BÓKIN SEM
BREYTTI
LÍFI MÍNU
Elísabet Kristín
Jökulsdóttir
rithöfundur
Litli prinsinn eft ir Antoine de Saint-Exupéry
Guðrún Ásmundsdóttir leikkona
segir skemmtilega jólasögu í fylgd
tveggja engla sunnudaginn 16.
desember kl. 14 í Ásmundarsafni.
Sagan fjallar um jólasveina,
Grýlu, Jesús og englana sem flytja
guðdómlega tónlist fyrir gestina.
Þetta er falleg og skemmtileg jóla-
stund fyrir unga sem aldna. Höf-
undur er Guðrún Ásmundsdóttir
og með henni eru Monica Abend-
roth hörpuleikari og Alexandra
Chernyshova sópransöngkona.
Aðgangur er ókeypis fyrir börn
undir 18 ára aldri og handhafa
Menningarkortsins.
Jól í Kallafj öllum
á Ásmundarsafni
JÓLASAGA Guðrún Ásmundsdóttir
segir jólasögu í Ásmundarsafni á
sunnudaginn.