Sveitarstjórnarmál - 01.06.1948, Síða 24

20
SVEITARSTJÖRNARMÁL
Kaupin á ReykjahlíS.
Á s. 1. ári var formlega gengið frá kaup-
unum á Reykjahlíð og hitaréttindum
tveggja nágrannajarða. Hitaveitan hefur
látið fara þar fram boranir með tveim
jarðborum á s. 1. ári, með þeim árangri, að
nú er svo komið, að i Reykjahlíð fást nú í
kringum 50 lítrar á sek. af heitu vatni.
Bæjarráð hefur þegar ákveðið, að leiða
þetta vatn til bæjarins hið allra fyrsta, og
er ekki vonlaust um, að það geti orðið á
næsta hausti, sem þessir 50 ltr. bættust þá
við þá 300 sek. iítra, sem hitaveitan nú
flytur.
JarSeignir bœjarins.
Að hagnýtingu þeirra hefur verið unnið
kappsamlega á s. 1. ári. Mjög mikill skurð-
gröftur og framræsla hefur farið fram á
jörðum bæjarins til undirbúnings frekari
ræktunar.
Á Korpúlfsstöðum var ráðist í gagngerð-
ar endurbætur á fjósinu og er þeim nær
lokið. Fjósið var mjög illa komið, einangr-
un öll ónýt, bæði á útveggjum og lofti,
rafleiðslur og vatnsleiðslur í ólagi og þurfti
því mjög mikilla endurbóta við. Næst verð-
ur hafist handa um viðgerðir á íbúðum á
Korpúlf sstöðinn.
Ennfremur hefur, samkvæmt ákvörðun
bæjarstjórnar, bústofn verið stóraukinn. 1
ársbyrjun 1947 voru nautgripir þar 63 að
tölu, en eru nú 116.
ÚtgerS.
Þann 17. febrúar 1947 lagðist fyrsti ný-
sköpunartogarinn og fyrsti togari Reykja-
víkurbæjar, Ingólfur Ámarson, að landi.
Með honum hófst bæjarútgerð Reykja-
víkur.
Um afkomu þeirrar útgerðar á s. 1. ári
liggja ekki enn fyrir reikningar. Á bæjar-
ins vegum eru fjórir togarar í smíðum, til
viðbótar Ingólfi Arnarsyni, en bæjar-
stjórnin hefur samþykkt að láta af hendi
hinn síðasta.
Strœtisvagnar.
I ársbyrjun var komið í mesta öngþveiti
með strætisvagna, vegna þess að endur-
nýjun hafði ekki fengizt nægileg á þeim að
undanförnu. Var hafizt handa um öflun
nýrra vagna. Hefir það tekizt svo, að á
árinu 1947 bættust við og voru þegar tekn-
ir í notkun 12 nýir vagnar. En auk þeirra
eru 5, sem koma í notkun nú á næstunni.
Að endingu er rétt að taka það fram,
að á síðastliðnu ári keypti bærinn all-
mikið af ýmsum vinnuvélum og tækjum,
sem gerði kleift að framkvæma ýms verk
sem að öðrum kosti hefði verið ófram-
kvæmanleg og dregið hafa úr kostnaði m.
a. við gatnagerð og gert það að verkum að
fljótar hefur unnist.
Bærinn hefur t. d. keypt tvær jarðýtur,
steypublöndunarvél, vélskóflu, dráttarvél-
ar, 14 vagna til götuhreinsunar, bifreiðar
og ýmsar aðrar vélar og tæki.
Menningarráð.
Þessir tveir kaupstaðir hafa þegar kosið
MenningarráS, samkvæmt tilmælum Sam-
bands ísl. sveitarfélaga:
A kraneskau pstaSur:
Guðjón Hallgrimsson, kennara,
Ingunni Sveinsdóttur, frú,
Magnús Jónsson, skólastjóra,
Jónas Márusson, lögregluþjón,
Sigrúnu Ingimarsdóttur, frú.
HafnarfjarSarkaupstaSur:
Benedikt Tómasson, skólastjóra,
Pál Daníelsson, framkv.stj.,
Guðjón Guðjónsson, skólastjóra,
Ingibjörgu Guðmundsdóttur, frú,
Jakobínu Matthiesen, frú.
Vonandi fara fleiri sveitarfélög að dæmi
þessara tveggja og hefji hvert fyrir sig og
sameiginlega, sókn í alhliða menningar-
málum. Þess er nú mikil þörf og gæti með
aðstoð ýmsra áhugamanna og félaga, borið
mikinn árangur.