Sveitarstjórnarmál - 01.06.1948, Síða 48

44
SVEITARSTJÓRNARMÁL
1 töluliðum greinarinnar er lagður rammi um það, hvað megi taka upp í slíka
samþykkt. Nefndin vill ætla, að þar sé hvergi farið út fyrir anda og tilgang útsvars-
laganna, en hitt má vera, að þar gætu fleiri málsatriði komið til greina.
Um 15.—16. gr. (áður 19.—20. gr.)
Óbreyttar að öðru leyti en því, að niður er felld lokamálsgrein 20. gr. um að hjón,
foreldrar eða börn megi ekki sitja saman í niðurjöfnunarnefnd. Er hvort tveggja,
að ekki blasir við, hver hætta mundi af slíku stafa, og svo hitt, að ekki er sýnilegt,
hvernig því mætti afstýra, að lögleg kosning gæti fallið þannig, enda brestur alveg
ákvæði i núgildandi útsvarslög um, hver ætti að víkja sæti, ef svo bæri undir.
Um i 7. gr. (áður 21. gr.).
Óbreytt að öðru en því, að felldur er niður íhlutunarréttur sýslunefnda um,
hvenær niðurjöfnun útsvara fari fram í hreppum.
Um 18. gr. (áður 22. gr.).
Óbreytt, nema felld er niður tilkynningarskylda til kæranda og fyrirhugaða
hækkun á útsvari hans, þó kært hafi til lækkunar.
Um 19. gr. (áður 23. gr.).
Hér er bætt inn ákvæðum um, að yfirskattanefnd sé skylt að senda viðkomandi
niðurjöfnunarnefnd, í tæka tíð áður úrskurður gengur, tilkynningu um, frá hverj-
um kæra hefur borizt, svo hún geti haft aðstöðu til málsvarnar. Jafnframt er lagt
fyrir niðurjöfnunarnefnd, sem er málsaðili um útsvarkæru, að senda yfirskatta-
nefnd öll þau gögn, er hún kann að krefja um og málið varða.
Um 20. og 21. gr. (áður 24. og 26. gr.).
Óbreyttar.
Um 22. gr. (áður 25. gr.).
Nefndin leggur hér til, að aukaniðurjöfnun geti farið fram hvenær sem er á
árinu, enda sýnir reynsla, að atvik geta krafizt þess. Töluliðirnir skýra sig sjálfir
með tilvísunum í fyrri frumvarpsgreinar.
Um 23. gr. (áður 27. gr.).
Hér er um þá eina efnisbreytingu að ræða, að fyrri gjalddagi útsvara er settur
næsta virkan dag eftir birtingu útsvarsskrár. Er lagt til, að þetta ákvæði nái jafnt
til hreppa og kaupstaða, en á því hefur verið nokkur skilsmunur.
Um 24. gr. (áður 28. gr.).
Hér er lagt til að orða nokkru skýrar og víðtækar niðurlagsmálsgreinina, er
snertir viðlög við því, ef greiðslufall verður á útsvari eða útsvarshluta.
Um 25. gr. (áður 29. gr.).
Hér er lagt til að bæta við staflið h. ákvæði um skyldu kaupgreiðanda til að
tilkynna niðurjöfnunarnefndum strax og utansveitarmaður ræðst til vinnu hjá hon-
um. Að öðru leyti er greinin óbreytt.