Læknablaðið - 15.01.2003, Síða 57

UMRÆÐA & FRÉTTIR
/ BARNASPITALI
Aðstaðan batnar umtalsvert
Að sögn Ásgeirs verða legurúm á spítalanum um það
bil 80 talsins sem er svipað og á núverandi barnadeild-
um. Þótt rúmunum fjölgi ekki mun öll aðstaða til að
sinna veikum börnum batna verulega, svo ekki sé
minnst á það hversu miklum framförum allur aðbún-
aður að bömum og aðstandendum þeirra tekur.
Auðheyrt er á honum að mikið hefur verið lagt
upp úr því að gera vist barna og unglinga sem þama
þurfa að dvelja sem bærilegasta. Inni á öllum stofum
eru sófar fyrir foreldra þar sem þeir geta lagt sig yfir
nótt ef svo ber undir. Auk þess eru herbergi á nokkr-
um stöðum fyrir foreldra, meðal annars tvö með eld-
unaraðstöðu þar sem mamma getur eldað grjóna-
grautinn fyrir Nonna sinn. Eitt herbergi er ætlað
unglingum en þar geta þeir tekið á móti gestum. Þar
er allt til alls: sjónvarp, tölva og stereógræjur. „Þau
geta bara lokað að sér og spilað Rammstein," segir
Ásgeir. Við hvert rúm eru líka lagnir fyrir sjónvarp
og tölvu og fyrir yngri bömin er ævintýraherbergi
með tilheyrandi búnaði.
Á spítalanum verður starfræktur grunnskóli og leik-
skóli fyrir böm sem þar dvelja. Kennarar eru starfandi
á Bamaspítalanum og hafa yfir að ráða fjarfundabún-
aði svo bömin geti verið í beinu sambandi við skólann
sinn og fylgst með bekkjarfélögunum. Fjarfundabún-
aður verður einnig fyrir starfsfólk spítalans, til dæmis
lækna sem fara íjómm sinnum á ári á nokkrar heilsu-
gæslustöðvar á landsbyggðinni og geta svo sinnt eftir-
fylgninni með því að vera í ijarfundasambandi.
Smekkvísi og útsjónarsemi
Ásgeir hleður arkitekta hússins miklu lofi en þeir eru
hjónin Sigríður Magnúsdóttir og Hans Olav Ander-
sen á Teiknistofunni Tröð. Hann segir að þau hafi
reynst ákaflega smekkvís og útsjónarsöm enda beri
byggingin þess merki. Undir þau orð er hægt að taka
því húsið er afskaplega fallegt. Veggirnir eru að sjálf-
sögðu flestir hvítir eins og á öðrum sjúkradeildum en
hvíti liturinn er brotinn upp með ýmsu móti, ekki síst
með viði sem er mjög áberandi og notaður á nýstár-
legan hátt. Gluggar eru stórir og standa gjarnan út úr
veggnum sem eykur sjónsviðið verulega.
Margt er athyglisvert í búnaði spítalans. Til dæmis
er loftræstingu þannig háttað að hægt er að stjórna
loftstraumi inn eða út úr herbergjum með því að
mynda ýmist undir- eða yfirþrýsting. Með því móti er
hægt að sporna gegn því að bakteríur berist inn eða
út úr herbergjum.
Ásgeir leggur áherslu á að þótt spítalinn sé vissu-
lega vel búinn sé þar enginn íburður. Hann sýnir blaða-
manni skrifstofur sem eru 11 m2 að stærð og hýsa al-
mennt tvo lækna. „Þetta er fyrst og fremst skynsam-
legt hús fyrir góða starfsemi," segir Ásgeir og full
ástæða til að óska honum og raunar okkur öllum til
hamingju með nýja Barnaspítalann.
Nýja spítalabyggingin er u-
laga og í u-inu er risið
listaverk eftir Sigurð Guð-
mundsson sem hér má sjá.
Þar er stóll sögumannsins
sem kailast á við giugga
inni í spítalanum þar sem
gefur að líta texta úr
þekktum œvintýrum,
Nœturgalanum, Litla
Kláusi og Stóra Kláusi og
fleirum. Við þetta eiga eftir
að bœtast pússaðir nátt-
úrusteinar sem börnum
þykir svo gaman að
strjúka að sögn
listamannsins.
Eins og þessar myndir sýna
er þröngt setinn bekkurinn
á gömlu vökudeildinni og
viðbrigðin verða eflausl
mikil þegar starfsemin fœr
nýtt og rúmbetra húsnœði.
Læknablaðið 2003/89 57