Þjóðlíf - 01.07.1988, Qupperneq 69

UPPELDI
Þorbjörn Broddason í fræðsluráði. Áður fyrr var Reykjavík í forystuhlutverki í skólamálum, en nú er annað uppi.
Skólamál í Reykjavík
Duttlungar og pólitísk nærsýni
— Ég sé ekki fram á framfarir í skólamálum í Reykjavík meðan
Ragnar Júlíusson er formaður Fræðsluráðs borgarinnar, — eða til
ársins 1990, segir Þorbjörn Broddason, sem rekur í viðtalinu sögu og
undirrót þeirra deilna sem sett hafa svip sinn á stjórnun skólamála
höfuðborgarinnar síðustu misseri:
Segir Þorbjörn
Broddason dósent
og nefndarmaður
í Frœðsluráði
Reykjavíkur
— Upphaf þessara deilna má rekja til árs-
ins 1982, þegar Áslaug Brynjólfsdóttir var
ráðin fræðslustjóri í Reykjavík af þáverandi
menntamálaráðherra Ingvari Gíslasyni.
Nokkrir umsækjendur voru um starfið m.a.
Sigurjón Fjeldsted. Hann fékk 4 atkvæði í
Fræðsluráði en Áslaug aðeins 3 (þá sátu 7
manns í fræðsluráði en hefur síðan verið
fækkað í 5). Áslaug var yfirkennari í Foss-
vogsskóla og settur skólastjóri um tíma en
Sigurjón var skólastjóri Hólabrekkuskóla.
Bæði voru reyndir kennarar og stjórnendur
og báðum var vel treystandi til þessa starfs.
Eg studdi Áslaugu m.a. vegna hins merki-
lega brautryðjendastarfs sem hún hafði átt
hlut að í Fossvogsskóla, en einnig vegna þess
i að mér fannst ástæða til að fela konu þetta
forystustarf. Áslaug er fyrst kvenna fræðslu-
stjóri hér á landi —.
Með ráðningu Áslaugar kallaði mennta-
málaráðherra yfir sig reiði Davíðs Oddsson-
ar, borgarstjóra.
Síðan þetta gerðist hafa staðið stöðugar
skærur sem hafa orðið skólamálum í Reykja-
vík mjög dýrkeyptar. í stuttu máli sagt hefur
verið svo þrengt að Áslaugu Brynjólfsdóttur
að það hefur háð henni stórlega í daglegu
starfi.
Reykjavík dregst aftur úr
— Hér áður fyrr var Reykjavík í forystu-
hlutverki hvað varðaði nýjungar í kennslu-
háttum og námsefni. Hér voru nýjar aðferðir
65