Frjáls verslun - 01.05.2013, Qupperneq 55

FRJÁLS VERSLUN 5. 2013 55
í kringum aldamótin. Og margir virðast
fara inn til skamms tíma. Hluthafar í
stærstu félögunum eru á bilinu 1.400 til
2.500 og fækkar í flestum tilvikum hratt.
Þann ig virðist sem hluthöfum í Eimskip
hafi fækkað um 40% á fyrstu þremur mán­
uðum ársins og þá uppfyllir Vodafone
varla fjölda lágmarkshluthafa. Öfgakennd
niðurstaða í útboðum TM og VÍS skýrist
einkum af því að gríðarlegt magn króna
er inni í kerfinu. Þegar bankarnir með
sína stóru efnahagsreikninga eru farnir að
keppa við lífeyrissjóði og verðbréfasjóði
í hlutafjárútboðum er auðvitað stutt í að
fjandinn verði laus, sagði verðbréfasali.
Og svo erum við búin að sjá einn
„bömm er“. Líklega verðum við að líta svo
á að viðbrögðin við uppgjöri Vodafone
séu til marks um að markaðurinn sé að
þrosk ast í rétta átt. Markaðsgengið er
komið langt undir útboðsgengi og margir
tilbúnir að losa á þessum gildum. Þetta er
líka gott fyrir fjárfesta sem bíða eftir fleiri
skrán ingarkostum. Það þarf að vera góður
útboðsafsláttur í boði. Í flestum tilvikum
hafa fjárfestar fengið það eins og sést ef við
skoðum gengi Regins sem hefur hækkað
um 60% á því ári sem það hefur verið skráð
á markað.
hvar eru spennandi
félög?
En útboðin hafa sýnt að það er tækifæri
í skráningu. Nú er bara óskandi að fleiri
félög komi á markað en það hefur tekið
sinn tíma að fjölga þeim. Næstu félög eru
ekkert sérstaklega spennandi að sumra
mati. Þá er áhugavert að velta fyrir sér
hlutverki fjármálamarkaðarins hérlendis,
til dæmis hlutabréfamarkaðarins. Öll félög
sem koma á markað eru að selja „gamalt“
hlutafé. Ekkert leitar á markað til að sækja
sér nýtt fjármagn. Fyrirtækja­skulda bréfa ­
markaður liggur enn í skötulíki fyrir utan
sértryggðar útgáfur hjá bönkunum.
Hvar eru vaxtar­ og nýsköpunar­félögin? Hvar eru hin nýju Marel og Össur? – svo gamalkunnar
klisjur séu notaðar. Því miður virðast þeir
sem eru með áhugaverð fyrirtæki, sem eru
tilbúin til að taka vaxtarskrefið, ekki sjá
tækifæri fyrir sér í íslensku kauphöllinni.
Ýmsir gagnrýna varfærni fjárfesta, of mikil
áhersla sé lögð á endurskipulagningu
félaga og að gera þau „skráningartæk“.
Þvert á móti eigi félög að geta notað hluta ­
bréfamarkaðinn til að ráðast í fjárhags ­
lega endurskipulagningu og stjórn endur
skráðra félaga verði að læra að þegar menn
séu komnir inn fyrir dyr kauphall arinnar
taki ekki við kyrrð og ró.
Stefán Broddi Guðjónsson, sérfræðingur
hjá Arionbanka, benti á að skráð félög yrðu
að taka breytingum og bregðast við áreiti
og þeim uppákomum sem flestur rekstur
yrði að þola. Því yrðu stjórnendur þeirra að
vera viðbúnir því að bregðast við til að geta
haldið tiltrú fjárfesta. Hann benti einnig á
að á hliðarlínunni væru miklir fjármunir
og kauphallarfélög yrðu að hafa sig öll við
til að heilla fjárfesta. Þau gætu ekki treyst á
að fjárfestarnir kæmu af sjálfu sér. Það gæti
verið lexía dagsins að þessu sinni.
Reginn:
FoRSKoT regins
Reginn er fyrsta fasteignafélagið til að fara í skrán ingu og það er augljóst
að stjórnendur félagsins
ætla að reyna að nýta sér
þann meðbyr sem skrán -
ingin færir þeim. Lands -
bank inn sópaði þar út fast-
eignum sínum og seldi 75%
af félaginu við skrán ingu og
afganginn nú í byrjun júní
og þá reyndist líka veruleg
umframeftirspurn.
Þó að eftirspurn í upphafs­
útboðinu hafi ekki verið
mikil hefur félagið unnið
sér tiltrú fjárfesta og sjálfs-
traust stjórnenda verið að
aukast. Ferlið allt er rós
í hnappagat Steinþórs
Pálssonar, forstjóra Lands -
bankans, sem sýndi þar
meiri kjark en hinir banka -
stjórarnir með því að ýta
félaginu þetta snemma inn
í Kauphöllina. Fjárfestar
voru tregir í upphafi en
hafa uppskorið um 50%
ávöxtun á einu ári.
Þegar kemur að eignum
þá er Reginn hálfdrætt-
ingur á við Stoðir en er
augljóslega að vinna í að
breyta því og nýlega var
kaupum á fasteignafélag-
inu Summit lokið. Flestir
eru á einu máli um að
stórar eignir eigi enn eftir
að skipta um eigendur
enda bankarnir fráleitt
búnir að ljúka sinni endur -
skipulagningu. Það að
Höfðatorg skyldi vera sett
í sölu er skýrt dæmi um
þetta en sú staðreynd
að slík eign sé komin í
sölumeðferð er vísbend-
ing um að menn telji að
eftirspurn sé eftir slíkum
eignum og þá er líklega
engum kaupendum til
að dreifa nema stóru
fasteignafélögunum.
„Þegar kemur
að eignum þá er
Reg inn hálfdrætt­
ingur á við Stoðir
en er augljóslega
að vinna í að
breyta því og
ný lega var kaup­
um á fast eigna­
félaginu Summit
lokið.“
Elín Jónsdóttir, stjórnarfor­
maður Regins.
ER uppGjÖR VodAFoNE
„bömmer“?
Sérfræðingar á markaði telja sig vera búna að sjá einn „bömm-er“ á markaði
þegar talað er um síðasta
uppgjör Vodafone. Líklega
verðum við að líta svo á
að viðbrögð in við uppgjöri
Vodafone séu til marks
um að markaðurinn sé að
þroskast í rétta átt. Mark-
aðs gengið er nú kom ið
langt undir útboðsgengi og
margir tilbúnir að losa
á þessum gildum. En
auð vitað eru þetta ákveðin
von brigði og stjórnendur
félagsins verða að taka sig
á til að ná aftur trú fjár -
festa. Um leið afhjúpaði
skrán ing félagsins hið
sérkennilega samband
Fram takssjóðs Íslands og
lífeyrissjóðanna (sem eru
eigendur sjóðsins). Fram-
takssjóður seldi nefnilega
lífeyrissjóðunum bréf sín í
Vodafone skömmu áður en
hið slaka uppgjör birtist.
Þótt Framtakssjóðurinn
sýni talsverðan söluhagn að
vegna þessa ríkir ekki mikil
gleði með þessa niðurstöðu
hjá lífeyrissjóðunum. Skyldu
þeir svara í símann næst
þeg ar Framtakssjóður
hringir?
„Markaðsgengið
í Vodafone er nú
komið langt undir
útboðsgengi.“