Frjáls verslun - 01.05.2007, Qupperneq 20

20 F R J Á L S V E R S L U N • 5 . T B L . 2 0 0 7
Frá: Sigurði Boga Sævarssyni/sigbogi@simnet.is
Sent: Júní 2007
Til: Fólks í viðskiptalífinu
Efni: Áhugaverðar spurningar
TÖLVUPÓSTURINN ...
… TIL ÞORSTEINS MÁS BALDVINSSONAR,
FORSTJÓRA SAMHERJA:
Samherji ákvað að fresta upp-
byggingu fiskvinnsluhúss á
Dalvík. Er nauðsynlegt að stöðva
fjárfestingar í sjávarútvegi vegna
aflaráðgjafar Hafró?
Mögur ár framundan
„Aflaráðgjöfin er eitt sem eflaust verður
deilt um, en það alvarlegasta í þessu
er það ástand þorskstofnsins sem
þarna er boðað. Samkvæmt því eigum
við nokkur mögur ár framundan í þorskveiðinni og þá er kannski
ekki rétti tíminn til að fara í fjárfestingar sem miða að því að vinna
meira magn en verið hefur. Það hefur margoft komið fram að fjár-
festing í bolfiskveiðiskipum hefur verið lítil á Íslandi undanfarin
ár og meðalaldur togaraflotans orðinn mjög hár. Þessi skýrsla frá
Hafró ásamt gríðarsterkri krónu í kjölfar m.a. hárra vaxta mun ekki
auka fyrirtækjum þrótt til nýfjárfestinga. Hinsvegar munu framsækin
fyrirtæki bregðast við þessum aðstæðum líkt og áður og ein leið
væri sameining eða samstarf fyrirtækja með aukinni hagræðingu í
rekstri.“
... TIL LÁRUSAR ÁSGEIRSSONAR,
FORSTJÓRA SCANVAEGT Í DANMÖRKU:
Hvaða þýðingu hafa hin konunglegu heiðursverðlaun
sem Scanvaegt fékk nýlega fyrir framúrskarandi
árangur í útflutningsstarfi?
Mikilvæg verðlaun
„Það er mikill heiður fyrir Scanvaegt
að fá þessu verðlaun. Þetta er
mikilvæg viðurkenning fyrir alla
starfsemi félagsins erlendis og
styrkir enn frekar trúverðugleika
félagsins gagnvart viðskipavinum
og hvetur félagið enn frekar til dáða
í þeim 30 löndum sem félagið
starfar í. Auk þessa hefur þetta
mikla þýðingu í Danmörku gagnvart
núverandi starfsmönnum og áhuga
tæknifólks að vinna hjá félagi sem hefur slíka viðurkenningu. Í
Danmörku er mikil ásókn í gott vinnuafl, atvinnuleysi lítið sem
ekkert í þeim geirum sem félagið sækir í. Verðlaunin eru því mik-
ilvæg til að gera Scanvaegt að enn áhugaverðari vinnustað en
áður.“