Frjáls verslun - 01.05.2007, Page 41

F R J Á L S V E R S L U N • 5 . T B L . 2 0 0 7 41
Þórunn
Guðmundsdóttir
lögfræðingur
EFTIR HELGA JÓHANNESSON
„Sennilega kynntist ég Þórunni árið 1986. Ég var þá
enn í námi í lagadeild, en fastagestur á lögfræðistof-
unni sem Þórunn var á og nú heitir LEX. Eftir að ég
útskrifaðist úr lagadeild árið 1988 fór ég að vinna á
þessari sömu stofu. Við höfum því unnið saman og
verið vinir í um það bil 20 ár.
Þórunn er glaðlynd, dugleg, trygg og heiðarleg og
gaman að vera með henni. Einnig er gott að leita í
smiðju til hennar, því hún er fordómalaus um menn
og málefni. Þórunn er líka mjög góður lögmaður
og traustur bakhjarl fyrir sína skjólstæðinga. Hún
hefur húmor fyrir sjálfri sér og býr yfir mörgum fleiri
kostum, sem ég hef ekki talið upp. Þar að auki er hún
haldin þó nokkrum göllum, sem ég hirði ekki um að
nefna, enda smávægilegir í samanburði við kostina
og ekki við hæfi að telja slíkt upp í svona drottning-
arviðtali.
Það sem hefur helst auðveldað henni að ná árangri
á sínu sviði er heiðarleiki og dugnaður.“
– Helgi Jóhannesson er hæstaréttarlögmaður og starfar
með Þórunni á Lex.
Þórunn Guðmundsdóttir er á meðal kunnustu lögfræðinga
landsins og var áberandi sem einn verjanda í upphaflegu
ákærunni í Baugsmálinu. Hún sinnur lögfræðistörfum
fyrir Björgólf Thor Björgólfsson hér heima og er m.a.
varamaður í stjórn Straums-Burðaráss.
Dorrit Moussaieff
skartgripasali í London
Dorrit Moussaieff er ekki aðeins frú forseta Íslands heldur
er hún mikil athafnakona á sviði skartgripasölu í London.
Moussaieff ættin er á árlegum lista Sunday Times yfir ríkustu
fjölskyldur Breta. Sem forsetafrú er hún mikið innan um helstu
viðskiptaforkólfa landsins og þannig hefur hún óbein áhrif í
óformlegum samræðum. Dorrit er íslenskur ríkisborgari og
íslenskur skartgripasali í London. Hún fer inn á listann okkar.
Sigrún Guðjónsdóttir
framkvæmdastjóri Innn
Sigrún Guðjónsdóttir er fram-
kvæmdastjóri eins helsta fyrirtækisins
á sviði veflausna; Innn. Takið eftir;
með þremur ennum. Fyrirtækið hefur
hannað vefsíður fyrir mörg af þekktustu
fyrirtækjum landsins og sérhæfir sig í
hugbúnaðargerð, vefvinnslu og ráðgjöf.
Sigrún tók smávægilegt hliðarspor frá
Innn fyrir nokkrum árum þegar hún tók
við starfi framkvæmdastjóra Tæknivals.
Guðbjörg Matthíasdóttir
Ísfélaginu Vestmannaeyjum.
Guðbjörg Matthíasdóttir er aðaleigandi
að Ísfélagi Vestmannaeyja og Trygg-
ingamiðstöðinni, TM. Hún er stjórnarfor-
maður Ísfélagsins og situr í stjórn TM.
Þrátt fyri mikil umsvif hefur hún sig lítið
í frammi á opinberum vettvangi.