Frjáls verslun - 01.05.2007, Qupperneq 57

F R J Á L S V E R S L U N • 5 . T B L . 2 0 0 7 57
Rannveig Rist
forstjóri Alcan á Íslandi
EFTIR BRYNJÓLF BJARNASON
„Við Rannveig Rist höfðum
verið málkunnug um skeið í
gegnum atvinnulífið, meðal
annars Vinnuveitendasam-
bandið á sínum tíma. Hún réð
mig til Símans árið 2002 og
því hef ég unnið mikið með
henni. Rannveig er fljót að átta
sig á stöðu mála. Ég hef oft
gaman að því hvað hún er fljót
að lesa aðstæður og greina
og er augljóslega greind. Hún
hefur líka mikla reynslu og
nýtir hana mjög vel.
Ég hef kynnst henni í fjar-
skiptaheiminum og verkfræði-
menntunin sem hún býr að
hefur augljóslega mikið gildi.
Rannveig er lífsreynd og vann
meðal annars sem vélstjóri á
bátum og togurum um tíma.
Maður finnur oft vel að hún
hefur auðgast af þeirri reynslu.
Hún hefur rutt brautina og
gengið í störf þar sem karl-
menn eru í miklum meirihluta
og verið jafnoki þeirra.
Ég býst ekki við að hennar
líkar séu margir í stöðum fram-
kvæmdastjóra og forstjóra í
álheiminum og held jafnvel að
hún hafi meiri starfsreynslu
í rekstri álvera en margir
þeirra. Hún er yfirleitt fljót að
setja sig inn í hlutina og taka
ákvörðun. Allt þetta gerir hana
að góðum leiðtoga. Rannveig
er mjög ákveðin og varðveitir
vel þann tíma sem hún hefur
með fjölskyldu sinni og lætur
ekkert trufla sig í því.“
– Brynjólfur Bjarnason er forstjóri
Símans.
Rannveig Rist er einn allra
atkvæðamesta kona viðskiptalífs-
ins. Hún er forstjóri Alcan á Íslandi
og varaformaður stjórnar Símans.
Margrét
Kristmannsdóttir
framkvæmdastjóri Pfaff
EFTIR EINAR SVEIN MAGNÚSSON
„Margrét er góður stjórnandi, skipulögð, fylgin sér og
að það er bæði gott og gaman að vinna undir stjórn
hennar. Flestir hafa þá reynslu að það sé gott að leita
til hennar vegna ákveðinna mála þar sem hún gefur sér
alltaf tíma til að kryfja málin. Hún er mjög drífandi,
á gott með að fá fólk til að vinna með sér og stjórna
því. Hún hefur gott auga fyrir því sem gerir fyrirtæki
hennar betra og leggur sig fram við að ná góðum
árangri. Hún gengur í öll verk sem þarf að sinna hjá
fyrirtækinu svo sem á lagernum á álagstímum. Hún á
gott og náið samband við starfsfólk sitt sem gerir hana
að góðum stjórnanda.“
- Einar Sveinn Magnússon er verslunarstjóri Pfaff.
Margrét Kristmannsdóttir er framkvæmdastjóri Pfaff. Hún er
formaður Félags kvenna í atvinnurekstri og situr í stjórn Líf-
eyrissjóðs verslunarmanna.