Frjáls verslun - 01.07.2008, Page 25

F R J Á L S V E R S L U N • 7 . T B L . 2 0 0 8 25
Mentor er fyrirtæki sem á allt sitt undir Internetinu. Samt varð Mentor til áður en Netið var opnað almenningi. Það bendir til að upphafsmenn þessa sprota hafi verið á undan
sinni samtíð.
Mentor rekur upplýsingakerfi fyrir skóla og hefur náð fótfestu
bæði á Íslandi og í Svíþjóð. Og Vilborg Einarsdóttir framkvæmda-
stjóri segir að hugurinn standi til enn frekari útrásar.
Hugmyndin að baki Mentor er að allar upp-
lýsingar um skólastarfið séu aðgengilegar fyrir
kennara, foreldra og nemendur í öruggu kerfi, án
þess að það kosti of mikla vinnu að halda þessum
upplýsingum við og nota þær.
Núna er það svo að um 97 prósent grunn-
skóla á Íslandi nota Mentor. Kennarar skrá þar
inn heimavinnu nemenda, allar tilkynningar,
námsáætlanir og hvar hver nemandi er staddur
í náminu. Foreldrar og nemendur fá aðgang að
sínum síðum með lykilorði. Að jafnaði eru um
8000 notendur inni á hverjum degi.
Grunnskólakennarar skrá sig að meðaltali inn í kerfið tvisvar
sinnum á dag, nemendur oft einu sinni á hverjum degi og foreldrar
einu sinni í viku. Auk grunnskólanna eru 120 leikskólar á Íslandi
tengdir Mentor og öll stærstu sveitarfélögin.
„Við erum með heildstætt kerfi sem er einfalt í notkun,“ segir
Vilborg sem sjálf hefur fylgt þróun Mentors allt frá upphafi um 1990,
fyrst „bara“ sem eiginkona eins stofnandans en frá 2007 sem fram-
kvæmdastjóri.
„Það er mikilvægt að svona upplýsingakerfi séu einföld og fljótlegt
að uppfæra upplýsingar. Annars er þetta ekki notað,“ segir Vilborg.
Hún segir að Mentor hafi náð meiri útbreiðslu en oft er um hlið-
stæð upplýsingakerfi fyrir skóla í öðrum löndum. Ástæðan liggi m.a.
í mjög almennri tölvueign á Íslandi og nettengingu á svo að segja
hverju heimili.
Mentor varð til út úr háskólaverkefni í tölvufræði og var í upphafi
hugsað fyrir stjórnendur skóla eingöngu. Frá árinu 2001 hefur kerfið
hins vegar verið aðgengilegt öllum á Netinu, kennurum, foreldrum
og nemendum.
„Hjá okkur fara rúm 50 prósent af útgjöldunum í þróunarvinnu.
Við erum á fullu að þróa Mentorkerfið og við stefnum á frekari vöxt
í útlöndum,“ segir Vilborg. Núna eru starfsmenn 22 bæði á Íslandi
og í Svíþjóð. Forritarar eru sjö, þar af tveir í Svíþjóð.
„Það er fjölbreyttur hópur sem vinnur hjá fyrirtækinu, ekki bara
tölvufólk heldur einnig kennarar og fólk með menntun á sviði stjórn-
unar,“ segir Vilborg.
Fjármögnun hefur til þessa mest verið úr eigin rekstri auk þess sem
Nýsköpunarsjóður kom inn með fjármagn. Vilborg segir einnig að
styrkir úr Tækniþróunarsjóði hafi skipt miklu fyrir fyrirtækið. Þá eru
frumkvöðlarnir hluthafar í Mentor og einnig lykilstarfsmenn þar.
Vilborg segir að starfsemin nú sé miklu meiri
en frumkvöðlana óraði fyrir á sínum tíma enda
var Netið þá enn ekki til. Núna fara öll samskipti
í Mentor um Netið.
Enn sem komið er hefur Mentor einbeitt sér
að útrás í Svíþjóð. Sænskt fyrirtæki með hliðstætt
kerfi var keypt og síðan hefur verið unnið að
þróun og útbreiðslu Mentors þar. Þá er Mentor
byrjaður að leita fyrir sér um útrás í einkaskólum
í Englandi. Tölvueign er þar mest á heimilum
barna sem sækja einkaskóla. Annars kemur útrás
til hinna norrænu
ríkjanna helst til álita og annarra landa
þar sem tölvur eru á nær hverju
heimili.
Vilborg segir að hlutverk Mentors
sé að auka árangur í skólastarfi, „Ég
held að hlutverkið, sem við höfum
skilgreint og viðskiptahugmyndin séu
eitt og hið sama,“ segir Vilborg.
„Við erum í þessu til langs
tíma og þróunin tekur mið
af því. Þess vegna skiptir
miklu að hafa skýra fram-
tíðarsýn og geta miðlað
henni. Til þess þarf þol-
inmæði og trú á það
sem menn eru að
gera.“
Mentor
vA l dIR S PRO TA R
Við erum í þessu
til langs tíma og
þróunin tekur mið af
því. Þess vegna skiptir
miklu að hafa skýra
framtíðarsýn og geta
miðlað henni.
Vilborg Einarsdóttir hjá þekkingarfyrirtækinu Mentor:
TeNgIR SAMAN
SKóLA Og HeIMILI
Vilborg Einarsdóttir, fram-
kvæmdastjóri hjá Mentor.