Frjáls verslun - 01.07.2008, Síða 30

30 F R J Á L S V E R S L U N • 7 . T B L . 2 0 0 8
Forsíðu grein SPROTAFYRIRTÆKI
Sprotafyrirtækið CRI – eða Carbon Recycling International – er komið að þeim mörkum í vexti sínum að búið er að undirrita samstarfssamning um byggingu verksmiðju. Getur fræðileg
hugmynd og tæknileg útfærsla orðið að veruleika?
Andri Ottesen er framkvæmdastjóri CRI á Íslandi. Hann segir
þetta um markmið fyrirtækisins: „Við ætlum að vera leiðandi í
heiminum við að þróa tækni sem nýtir og umbreytir koltvísýrings-
útblæstri yfir í nýtanlegt hráefni og búa þannig til eldsneyti á bensín
og díselbíla og önnur farartæki, án þess að breyta þurfi á neinn hátt
gangverki bílsins.“
Hér er því verið að leita leiða til að draga úr losun gróðurhúsa-
lofttegunda – mengunar sem talin er orsök hlýnunar loftslags á jörð-
inni. Hugmyndin sjálf er gömul. Það hefur verið vitað í meira en
hundrað ár að ef menn blanda saman vetni og koltvísýringi verður
úr því metanól. Hjá bandarísku geimferðastofnuninni, NASA, hefur
verið hannað ofurlítið orkuver sem á að nota kolvísýring á stjörnunni
Mars og vatn, rafgreint á staðnum með sólarorku, til að senda litla
geimflaug aftur heim til Jarðar.
Hjá CRI er búið að endurhanna þetta orkuver í margfaldri stærð.
Og þetta er arðbært ef olíuverðið er hátt en hægt að
fá ódýra orku til rafgreiningar á vatni.
Og þeir hjá CRI hugsa hátt. Andri segir að ef tíu
ára áætlanir fyrirtækisins ganga eftir sé reiknað með
að minnka og endurnýta koltvísýringsútblástur um
allt að 24 milljón tonn og umbreyta því í 10 milljarða
litra af endurnýjanlegum orkugjafa fyrir farartæki.
RCI er íslenskt-amerískt fyrirtæki. Það hefur und-
irritað samstarfssamning við Hitaveitu Suðurnesja um
að reka verksmiðju sem breytir koltvísýringsútblæstri
frá jarðvarmavirkjuninni við Svartsengi í metanól,
fljótandi eldsneyti fyrir bíla og önnur farartæki. Þetta verður fyrsta
verksmiðja sinnar tegundar í heiminum.
Árleg afkastageta verksmiðjunnar, sem staðsett verður á yfir-
ráðasvæði Hitaveitu Suðurnesja á Svartsengi, verður 4,5 milljón lítrar
af metanóli.
Verksmiðjan mun hefja framleiðslu á síðari hluta næsta árs og
umbreyta daglega um 18 tonnum af CO2 í um 12.500 lítra af
bílaeldsneyti. Samstarfssamningurinn gerir einnig ráð fyrir að Hita-
veita Suðurnesja og CRI muni í sameiningu reisa aðra verksmiðju á
Reykjanesi árið 2011 með tuttugfaldri afkastagetu Svartsengis-verk-
smiðjunnar eða um 100 milljón lítra af metanóli á ári, með orkuþörf
upp á 50 MW.
Andri segir að árangur fyrirtækisins hafi vakið athygli í Bandaríkj-
unum þar sem mönnum frá fyrirtækinu var sérstaklega boðið að
halda fyrirlestur á árlegum stefnumótunarfundi Vís-
inda- og tækniráðs Bandaríkjanna (National Science
Foundation).
Þá hafa fulltrúar orku- og vísindaráðs og orku-
og umhverfisráðs neðri deildar Bandaríkjaþings
heimsótt fyrirtækið og buðu í kjölfarið að kynna
árangur og stefnu fyrirtækisins fyrir Bandaríkjaþingi.
Þá hefur K C Tran, forstjóri CRI, fengið Cobb-
verðlaunin fyrir að stuðla að bættum samskiptum
Íslands og Bandaríkjanna.
Helstu aðstandendur fyrirtækisins eru Lands-
bankinn, Olís, Hitaveita Suðurnesja, Mannvit og bandaríski fjár-
festingasjóðurinn Focus Group. Einnig eru einstaklingar á bak við
fyrirtækið.
Fyrir ráðgjafaráði fyrirtækisins eru Georg Olah, nóbelsverðlauna-
hafi í efnafræði, Þorsteinn Sigfússon, handhafi hinna rússnesku
orkuverðlauna, og Sigurður P. Magnússon fjárfestir. Fyrirtækið er
ungt að árum og var stofnað í mars 2006 af þeim Friðriki Jónssyni,
Art Schullenberger, Oddi Ingólfssyni og KC. Tran.
Carbon Recycling International
vA l dIR S PRO TA R
Andri Ottesen hjá Carbon
Recycling International:
ORKAN
eNDURNýTT
Á BÍLINN
„Leiðandi í heim-
inum við þróun
tækni sem nýtir og
umbreytir koltvísýr-
ingsútblæstri í
nýtanlegt hráefni.“
Andri Ottesen er framkvæmdastjóri CRI á Íslandi.