Frjáls verslun - 01.07.2008, Qupperneq 40

40 F R J Á L S V E R S L U N • 7 . T B L . 2 0 0 8
Forsíðu grein sprotaFYrirtÆKi
Viðskiptamenntun frumkvöðla
Ef rannsóknir eru einhver vísbending um það sem hægt er að bæta,
þá bendir allt til þess að það sé fyrst og fremst skortur á þekkingu
og skilningi á hvernig reka eigi fyrirtæki sem gerir að verkum að fyr�
irtækjum gengur illa að fóta sig og ná hröðum vexti. Vandamálið er
hins vegar að hefðbundin viðskiptafræðimenntun og MBA�námskeið
koma einungis að takmörkuðu gagni. Langflestar fræðikenningar
snúast fyrst og fremst um stórfyrirtækjarekstur en ekki hvernig eigi að
búa til fyrirtæki og auka vaxtarmöguleika þeirra. Vandamálið er líka
hve fáir geta kennt stefnumótun vaxtarfyrirtækja, ekki bara á Íslandi
heldur á heimsvísu. Rannsóknir eru takmark�
aðar á þessu sviði og fáir ráðgjafar sem hafa
eitthvað annað til brunns að bera en þum�
alfingursreglur þegar kemur að því að gefa
vaxtarfyrirtækjum ráð. Slík hugmyndafræði er
afar takmörkuð.
Það er engu að síður ljóst að með því að
gefa frumkvöðlum betri hugmyndafræði og
tæki og tól sem hjálpardekk er hægt að auka
líkur á því að ekki séu gerð einföld mistök og
að frumkvöðlar hafi hugmynd um hver næstu
skref þeirra í ferlinu eigi að vera. Þetta þarf
hins vegar að vera byggt á einhverju öðru en
gömlum rekstrarhagfræðibókum.
Vandamálið er að það er lítill skilningur á Íslandi á slíkum hug�
myndum, ekki frekar en annars staðar. Í rannsóknum GEM kemur
fram að menntun og þjálfun frumkvöðla er ekki á nægilega háu plani
í nokkru þeirra landa sem taka þátt í rannsókninni til þess að styðja
frumkvöðlastarfsemi. Með því að leggja verulega orku og auðlindir í
viðskiptamenntun fyrir frumkvöðla á Íslandi er hægt að skapa Íslandi
sérstöðu á þessu sviði.
Peningar í hátæknirannsóknir
Það er auðvitað klisja að benda á að það eigi að setja aukið fé í
rannsóknir og styrkja akademíuna þegar kemur að því að ýta undir
nýsköpun og frumkvöðla. Vandamálið er að ekki er alveg beinn og
greiður vegur frá rannsóknum til fyrirtækj�
areksturs. Yfirleitt er sá vegur mjög ógreiðfær.
Fyrirtæki sem byggð eru á flóknum og tíma�
frekum rannsóknum eru jafnan áhættumeiri
en þau sem byggjast á einfaldari viðskipta�
módelum. Ef hugmyndin er hins vegar að
skapa eitthvað í líkingu við Sílikon�dalinn í
Bandaríkjunum er mikilvægt að verulegum
fjármunum verði varið í rannsóknir, miklu
mun meira en er í dag.
Fyrir margt löngu er vitað að íslenska hag�
kerfið er komið á það stig að nýsköpun, tækni
og þekking verða að vera vaxtarbroddarnir og
forsendur hagvaxtar. Með því að tengja betur saman rannsóknir og
frumkvöðlastarfsemi byggða á viðskiptamenntun er hægt að auka lík�
urnar verulega á að til verði fyrirtæki er byggja á þessum rannsóknum.
texti: dr. eyþór ívar jónsson • myndir: geir ólaFsson o.Fl
Gæti Ísland orðið vagga nýsköpunar og frumkvöðla í evrópu? Áhugaverðustu
sprotafyrirtæki Íslands gefa von um að það sé margt áhugavert að gerast í
sprotaumhverfinu. margt þarf hins vegar að breytast til þess að Ísland geti
orðið fremri öðrum evrópuþjóðum. Það er engu að síður hægt. eftirfarandi sjö
áherslur myndu breyta leiknum.
ísland sem
sproTaland evrópu
Það er fyrir margt löngu
vitað að íslenska hagkerfið
er komið á það stig að
nýsköpun, tækni og
þekking verða að vera
vaxtarbroddarnir og
forsendur hagvaxtar.