Litli Bergþór - 01.06.2013, Blaðsíða 7
Litli-Bergþór 7
Aratunga nýrisin.
var ég síhringjandi í þau í tíma og ótíma þegar mig allt
í einu vantaði að vita einhvern hlut. Alltaf var mér vel
tekið og aldrei báðu þau mig að hætta þessu bannsettu
áreiti bæði kvölds og morgna og um miðja daga.
Svo kom það í minn hlut að raða myndum upp
í bókina. Allir voru sammála um að hafa mikið
af myndum enda segir ein mynd meira en ellefu
hundruð orð. Ritnefndin var mikill haukur í horni
við myndasöfnunina og Svava sendi mér til dæmis
mörghundruð myndir frá Litla-Begga undir lokin sem
hún skannaði sjálf á einum eða tveimur dögum. Þær
fylltu í eyðurnar og komu sér afskaplega vel.
Svava gerði ýmsar athugasemdir við handritið og
þótti höfundurinn stundum ekki segja nógu vel frá
konum. Og ég sem taldi mig góðan
feminista skammaðist mín niður
í tær og betrumbætti textann eftir
bestu getu. Sigríður í Arnarholti
tók að sér að lesa síðustu próförk
áður en handritið fór í prentun og
hún var sama sinnis í sambandi
við kvennamálin. Flestar hennar
athugasemdir voru teknar til greina
og alltaf batnaði handritið. Hún
hafði ekki mikinn áhuga á íþróttum
og hnýtti óspart í þessa miklu
tölfræði sem ég hafði svo gaman af
að setja upp. Samt hafði hún tekið
þátt í Þriggjafélagamóti í slagveðri
um haust og lýsti því skriflega á
nöturlegan hátt. Ég greip tækifærið
og setti þessa frásögn hennar inn í
söguna sem varð bara litríkari fyrir
bragðið
Aratunga stærsta
verkefnið
Félagsmál, íþróttir og leiklist
eru fyrirferðarmest í sögunni
og svo er fjallað um helstu
merkismenn félagsins í sér-
stökum rammagreinum. Það
er alltaf álitamál hverjir eiga
heima á slíkum stalli svo ég
spurði engan mann álits en
ákvað þetta bara sjálfur. Þá
tók ég mið af því hverjir mér
sýndist hafa starfað mest
og best fyrir félagið í ljósi
heimilda sögunnar.
Annar kaflinn náði frá
kreppuárunum og þar til
Aratunga var risin. Margt
hefur ungmennafélagið innt
vel af hendi en Aratunga er
tvímælalaust þess langstærsta
verkefni. Þar tóku allir
sveitungar höndum saman
og reistu þetta glæsilega
hús í mikilli sjálfboðavinnu.
Þetta gjörbreytti starfsemi
ungmennafélagsins og þriðji kaflinn sem heitir
einfaldlega, Í Aratungu, fjallar fyrst og fremst um
hinar gjörbreyttu og bættu aðstæður til félagslífs í
sveitinni með tilkomu félagsheimilisins.
Íþróttir og andblær tímans
Íþróttafólk og íþróttir eiga sína lakari og betri
daga. Glíma, sund og frjálsíþróttir hafa átt sín
gullaldartímabil og aðrar greinar hafa komið og farið.
Dæmi um íþróttir sem hafa sprottið upp og síðan
horfið eru karate, ju-jitsu, borðtennis og badminton
og jafnvel frjálsíþróttir hafa stundum gufað upp en
úr þeim geira kom einn mesti íþróttagarpur félagsins,
fyrr og síðar, Jón H. Sigurðsson í Úthlíð.
Ritnefndin. Standandi frá vinstri: Helgi Kjartansson, Jens Pétur Jóhannsson,
Sveinn Sæland og Gunnar Sverrisson. Sitjandi: Margrét Sverrisdóttir, Svava
Theodórsdóttir og Ingibjörg Sigurjónsdóttir.