Litli Bergþór - 01.06.2013, Blaðsíða 49
Litli-Bergþór 49
• Menn úr Sérsveit ríkislögreglustjóra handtóku
þjóf í versluninni Geysi í Haukadal sunnudaginn
21. apríl. Hann hafði stolið fatnaði að verðmæti
um 400.000 kr. Þar sem hann var á reynslulausn
vegna eldra brots, var hann nánast samstundis
settur inn aftur til að afplána það sem eftir var af
þeim dómi.
• Út er komin bók um rúmlega aldarlanga sögu
Ungmennafélags Biskupstungna. Af því tilefni
var haldið útgáfuhóf í Aratungu á sumardaginn
fyrsta sem telst vera afmælisdagur félagsins og
bar uppá 25. apríl í ár.
• Kosningar til Alþingis fóru fram þann 27. apríl.
Í Biskupstungum voru þó nokkrir, mishátt,
á famboðslistum. Á lista Bjartrar framtíðar
mátti sjá Magnús Magnússon á Árbakka í 12.
sæti og Pétur Z. Skarphéðinsson í Laugarási í
heiðurssætinu. Á lista Dögunar var Karólína
Gunnarsdóttir í 7. sæti. Hjá Hægri grænum
var Agla Þyri Kristjánsdóttir í 2. sæti og hjá
Regnboganum hans Bjarna Harðar sem er frá
Laugarási og var í fyrsta sæti, var Sigríður Jónína
Sigurfinnsdóttir í Hrosshaga í 17. sæti. Þá var
Helga Ágústsdóttir burtflutt Tungnakona í 18.
sæti hjá honum. Enginn ofantalinna náði þó inn á
þing.
• Tungnamenn þurfa samt ekki að örvænta þar sem
Björt Ólafsdóttir frá Torfastöðum var kjörin á
þing fyrir Bjarta framtíð, en hún var í fyrsta sæti
fyrir flokkinn í Reykjavík Norður, þannig að við
„eigum“ þingmann í Tungunum og óskum henni
að sjálfsögðu velfarnaðar í því starfi.
• Þórður Halldórsson á Akri var endurkjörinn
formaður Félags framleiðenda í lífrænni ræktun
þann 12. apríl á aðalfundi félagsins.
• Eigendur Garðyrkjustöðvarinnar að Espiflöt buðu
til hátíðar í tilefni 65 ára afmælis stöðvarinnar
þann 1. maí og kom margmenni til að samgleðjast
þeim. Miðvikudaginn 8. maí var opnuviðtal við
eigendurna í Bændablaðinu vegna þessa og þar
kemur fram að fulltrúar þriðja ættliðarins, þau
Axel Sæland og Heiða Pálrún Leifsdóttir eru
að taka við rekstri stöðvarinnar og eru orðin
meirihlutaeigendur í stöðinni.
• Eigendur Ferðaþjónustunnar í Úthlíð hafa
náð samningum við hjónin Höllu Ruth
Sveinbjörnsdóttur og Jón Vigfússon úr
Hafnarfirði um rekstur Ferðaþjónustunnar
í Úthlíð sumarið 2013. Halla og Jón hafa
víðtæka og fjölbreytta reynslu af rekstri
Hvort er hún
þá kölluð Bláskóga-
stjórnin eða Toyota-
stjórnin?
afþreyingarfyrirtækja,
tískuverslunar og
húsasmíði.
• Það má segja að
ný ríkisstjórn hafi
verið mynduð í
Bláskógabyggð. Funduðu
þeir Sigmundur Davíð
Gunnlaugsson formaður
Framsóknarflokks og
Bjarni Benediktsson
formaður Sjálfstæðis-
flokks hér og þar í
sveitarfélaginu, m.a. í
Reykholti í húsi Páls
Samúelssonar, sem er
tengdafaðir Sigmundar.
Þannig að Sigmundur er
að sjálfsögðu tengdasonur
Biskupstungna.
• Steinunn Lilja Heiðarsdóttir frá Höfða,
útskrifaðist 17. maí frá Hótel- og
matvælaskólanum í Kópavogi með hæstu
meðaleinkunn yfir skólann 8,9. Hún fékk þrjár
viðurkenningar fyrir góðan námsárangur.
• Þjóðbjörg Eiríksdóttir frá Gýgjarhólskoti var
með hæstu meðaleinkunn við Menntaskólann að
Laugarvatni þriðja árið í röð með einkunnina 9,9.
• Samþykkt hefur verið að Brunavarnir Árnessýslu
í Reykholti fái núverandi húsnæði áhaldahúss
fyrir sig ásamt aðgengi að fundaraðstöðu og
salernisaðstöðu áhaldahússins.
• Ársreikningar sveitarfélagsins hafa verið lagðir
fram og samþykktir. Þeir sem vilja kynna sér
þá nánar og/eða önnur málefni sem lesa má
um í fundargerðum sveitarfélagsins er bent á
vefslóðina; http://blaskogabyggd.is/Stjornsysla/
fundargerdir/
Samantekt ritstjórn.
Björt Ólafsdóttir frá Torfastöðum, þingmaður Bjartrar
framtíðar.