Litli Bergþór - 01.06.2013, Blaðsíða 9
Litli-Bergþór 9
Bergþóri hafa birst frábær viðtöl við
Tungnamenn og svo er þar að finna
fréttir af starfi ungmennafélagsins
á sviði íþrótta, leiklistar og
nefndu það bara, hverju sem er.
Litli-Bergþór er nefnilega miklu
meira en ungmennafélagsblað,
hann er sveitarblað sem stendur
vel fyrir sínu. Um tíma var hann
kallaður Afréttarblaðið vegna
margra greina sem áhugamenn
um hálendið skrifuðu og birtu
þar. Svo fékk hreppsnefndin eina
blaðsíðu til að byrja með til að
segja frá sínum málum. Blaðsíðum
hreppsnefndarfrétta fjölgaði
með árunum en þegar þær voru
í þann veginn að yfirtaka blaðið
var mönnum nóg boðið og hentu
þeim út. Þá kom í ljós að fréttabréf
sveitarfélagsins var hinn rétti
vettvangur.
Úr leikritinu Er á meðan er. Gunnlaugur Skúlason, Jónína Jónsdóttir
og Sigurður Þorsteinsson.
sýningu til jafnaðar. Sem er alveg prýðilegt því fæstir
urðu þeir átta á leiksýningu Tungnamanna í Garðinum.
Líklega hafa allir heimamenn verið á sjó.
Forystufólk
Eitt af því sem einkennir sögu Ungmennafélags
Biskupstungna er þessi fjölmenni hópur af góðu
forystufólki í félaginu, samanber ritnefndina. Allar
götur frá stofnun félagsins hafa ótrúlega margir
félagslega þroskaðir einstaklingar starfað innan þess.
Það sýnir sig kannski best í því að hver formaður
þurfti ekki að sitja nema tvö til fjögur ár. Þá var hægt
að velja nýjan formann sem gaf þeim fyrri ekkert
eftir. Í mörgum öðrum félögum hefur maður séð
formenn sitja í áratug eða tvo, aðallega vegna þess að
aðra jafn góða var ekki að hafa. En það verður samt
ekki vandalaust að taka við formennskunni af Helga
Kjartanssyni.
Fyrstu árin voru konur áberandi í starfi félagsins
og nú á seinni árum hafa þær verið fjölmennar í
forystusveitinni. Gott foreldrastarf í sambandi við
íþróttirnar hefur vakið athygli út fyrir landsteina
Biskupstungna og þannig mætti endalaust telja fram.
Ég vil gjarnan þakka öllu því góða fólki sem var
mér til aðstoðar í þessu verki og vona að þarna sé að
finna flest það sem máli skiptir í sögu Ungmennafélags
Biskupstungna. Saga félagsins er samofin sögu
sveitarinnar og nú fá allir ungir og gamlir Tungnamenn
tækifæri til að kynna sér hana. Þetta var skemmtilegt
verkefni, ég þakka fyrir mig og óska ungmennafélaginu
til hamingju með þann stórhug sem það sýndi við
útgáfu sögunnar. Og nú er ekkert annað að gera, góðir
Tungnamenn, en að eignast bókina og lesa hana. Sjón
er sögu ríkari.
Jón M. Ívarsson
Litli-Bergþór var mér mikil uppspretta heimilda.
Ég fékk eitt sett í hendurnar frá félaginu og hef
sennilega flett því öllu í gegn svona hundrað sinnum.
En það borgaði sig því þar var margt bitastætt að finna.
Stundum féll maður í þá freistni að birta orðrétt góðar
klausur úr Litla-Begga en ef ég hefði komið með
allt sem mér þótti athyglisvert hefði bókin orðið 500
blaðsíður. Það er líka vandi að takmarka sig.
Léttleikandi Tungnamenn
Ég var svo ljónheppinn að sjá með eigin augum
Lénharð fógeta og Er á meðan er, sem eru meðal
fyrstu leikritanna eftir að Aratunga kom til sögunnar.
Þetta eru hreint ógleymanleg stykki en Tungnamenn
komu með þau niður í Félagslund á sínum tíma fyrir
hálfri öld eða svo. Maður sér þessa snillinga ennþá
fyrir sér, til dæmis Hrein Erlendsson þegar hann tók
heljarstökkið í átökum við Jóhann í Holtakotum. Svo
komst ég að því að leiklistin hefur stöðugt haldið áfram
að vaxa í Biskupstungum. Síðustu áratugina undir
handleiðslu Guddu á Tjörn og Egils á Hjarðarlandi.
Þau sögðu mér margt skemmtilegt af leikmálum en
sumt varð ég að geyma hjá mér því það var eiginlega
of skemmtilegt. Sagan af því þegar félagarnir settu
óblandað viský í pelann hjá Agli og Brynjari á Heiði
fékk þó að fara í bókina enda í sjálfu sér jafn blásaklaus
og hrekkjusvínin þóttust vera eftir leiksýninguna.
Leikdeildin er eitt af flaggskipum félagsins og
það eru ótrúlega margir Tungnamenn sem hafa sýnt
leikræn tilþrif á senunni í Aratungu en allt byggist
þetta á frábærri forystu Guðnýjar og Egils svo ekki
sé nú talað um hvað þeim hefur tekist að halda vel á
fjármálunum. Það er auðvitað bara afreksverk. Ég tók
saman tölfræði um leiklistina og tókst að setja saman
lista yfir öll leikrit í Aratungu ásamt umfangi sýninga
og áhorfendafjölda. Ég sé það núna að ég hef gleymt að
telja saman áhorfendur en þeir munu alls vera 23.569
á 252 sýningum sem gerir tæplega 100 áhorfendur á