Tímarit Máls og menningar - 01.03.1992, Síða 21

og honum er stungið inn. Kata fær taugaá-
fall og lendir á spítala. Síðan er farið mjög
hratt yfir sögu og talað um hvað allt hafi
verið erfitt og hvað Kata sé lokuð, hafi
mikla minnimáttarkennd og finnist hún
misheppnuð í útliti. En eftir u.þ.b. 20 blað-
síður er Kata komin í sumarvinnu, fer svo
á þjóðhátíð í Eyjum og sér þar spænskan
draumaprins og síðan er sagan eins og æv-
intýri og verður mjög svo reyfarakennd. í
ljós kemur sem sagt að alvöru pabbi Kötu
er ríkur og fallegur og býr á Spáni þar sem
hann á glæsilega villu. Þangað fara Kata og
mamma hennar og nú verður Kata eins og
prinsessan í ævintýrinu. Henni býðst þátt-
taka í tískusýningum því eftir allt er hún
gullfalleg og spænski draumaprinsinn úr
Eyjum birtist og sá er nú ekki slorlegur.
Lesandi þarf ekki að kvíða því að gömul sár
ýfist upp því Nic býður Kötu bara út að
borða og horfist í augu við hana og kyssir
hönd hennar og fylgir henni svo heim í
höllina þar sem pabbi og mamma eru farin
að draga sig saman.
í síðustu bókinni er Kata komin yfir tví-
tugt, orðin tískusýningardama að atvinnu
og býr á Ítalíu. Fjölskylda og vinir á Italíu
hafa áhyggjur af því að hún sé einmana og
því að hún binst ekki neinum karlmanni.
Mann grunar að eftir allt sitji ljótir atburðir
æskuáranna í henni. Það reynist þó ekki
vera aðalatriðið, heldur hefur Kata fyrir
misskilning afneitað draumaprinsinum Nic
sem hún heldur að hafi svikið sig. Tilvilj-
unin er þeim þó hliðholl sem fyrr, þau rekast
hvort á annað á götu í Róm og tekur nú
völdin svo reyfarakennd og hröð atburðarás
að með ólíkindum er. Elskendumir hafa rétt
náð saman og Kata fengið nistið sem er
ættargripur Nic þegar hún þarf í sýningar-
ferðalag með tískusýningarhópnum. Þeir
sem hún hélt vini sína, lauma eiturlyfjum í
farangur hennar og hún er tekin saklaus af
spænskum tollvörðum og dúsar í ógeðslegu
fangelsi á Spáni í 10 daga. Rétt sloppin út
lendir hún í hræðilegu bílslysi og missir
minnið og skaddast í andliti og dvelur í
heilan mánuð á spænsku sjúkrahúsi þar sem
enginn veit hver hún er. Á meðan leitar Nic
eins og vitlaus maður að henni og finnur að
lokum með hjálp nistisins góða — og mátti
þó ekki miklu muna.
Það þarf sem sé ekki að kvarta um að
söguefnið sé hversdagslegt og óspennandi
en trúverðugt er það ekki, svo ekki sé meira
sagt. Það getur verið allt í lagi að skrifa
ótrúlega reyfara fyrir unglinga sé það vel
gert en því er ekki að heilsa hér. En þó svo
að margt sé gagnrýnisvert í þessum bókum
vil ég einkum gagnrýna þær vegna þess að
grunnhugmynd þeirra er mjög alvarleg, þ.e.
kynferðisleg misnotkun á barni og ung-
lingi. Það er síðan svo langt frá því að
höfundur vinni úr henni af nokkurri ábyrgð
eða alvöru sem hugsast getur. Mér fínnst
ákveðið siðleysi að leyfa sér að skrifa ástar-
og spennusögu á þessum grunni og að ekki
megi sætta sig við að unglingum sé boðið
upp á svona nokkuð.
Heilbrigðir unglingar stunda
íþróttir
Þorgrímur Þráinsson hefur skrifað þrjár
bækur um vinina Kidda, Tryggva og Skapta
þar sem Kiddi er aðalpersóna. Sú fyrsta,
Með fiðring í tánum (1989), fjallar um
Kidda, sumarið sem hann er fjórtán ára.
Hann dreymir um að verða fótboltahetja en
er ekki nógu góður, Tryggvi er betri. Kiddi
fer í sveit um sumarið og æfir sig mikið með
TMM 1992:1
11