Dagblaðið Vísir - DV - 01.08.2008, Blaðsíða 22

„Það er full ástæða til þess að óttast
um framtíð gamalla vegarslóða inn-
an Vatnajökulsþjóðgarðs. Það þarf að
tryggja að leiðum innan þjóðgarðs-
ins verði ekki lokað án rökstuðnings,“
segir Agnes Karen Sigurðardóttir,
framkvæmdastjóri Ferðaklúbbsins
4x4. Hún furðar sig á því að fultrúar
ferðaklúbbsins skuli ekki hafa fengið
sæti í nefnd um samgöngumál innan
þjóðgarðsins. „Við lítum svo á að inn-
an okkar raða sé að finna ómetanlega
þekkingu á ferðaleiðum innan þjóð-
garðsins og við viljum að aðgengi að
þessum fögru svæðum verði tryggt.“
Undir þetta tekur Barbara Ósk Ól-
afsdóttir, meðlimur í 4x4. „Skilaboðin
sem við fáum frá sumum landvörðum
og skálavörðum um þessar mundir
benda til þess að stefnan sé að vernda
fremur meira en minna, án þess að
nægilegur rökstuðningur liggi þar að
baki,“ segir Barbara.
Hálf milljón í sekt
Blaðamaður DV ferðaðist með hópi
jeppafólks á dögunum um slóða sem
liggur fram með norðvesturströnd
Langasjávar á Landmannaafrétti, í átt
að Tungnaárjökli. Starfsmaður Vatna-
jökulsþjóðgarðs beindi orðum sínum
til hópsins og taldi að hér væri um að
ræða utanvegaakstur sem í sjálfu sér
væri skýlaust brot. Sektirnar næmu
hálfri milljón á hvert ökutæki. „Þetta
er viðhorf sem við verðum vör við,“
segir Barbara. „Þess er skemmst að
minnast að í fyrrasumar var þyrla köll-
uð út þar sem jeppamenn höfðu ekið
um fornan slóða. Þeir voru sýknaðir
enda var aldrei um utanvegaakstur að
ræða,“ heldur hún áfram.
Barbara bendir á að fjölmargar af
fáfarnari jeppaslóðum landsins liggi
innan Vatnajökulsþjóðgarðs. Þar gefi
að líta stórbrotna fegurð sem slæmt
væri að hindra aðgang fólks að. Til að
mynda hafi fyrrnefnd slóð meðfram
Langasjó fyrst verið ekin af vatnamæl-
ingamönnum í kringum árið 1940.
Hún hafi verið ekin reglulega síðan.
„Margar af þessum leiðum liggja um
sanda eða undir vatni og eru því á
köflum ógreinilegar,“ bætir hún við.
Óþarfa áhyggjur
Þórður H. Ólafsson, framkvæmda-
stjóri Vatnajökulsþjóðgarðs, segir að
þessar áhyggjur jeppafólks og ann-
arra ferðamanna ættu að vera óþarf-
ar. „Það hafa engar ákvarðanir verið
teknar um að loka leiðum innan þjóð-
garðsins. Á næstu átján mánuðum
verður unnin sérstök verndaráætlun
fyrir garðinn sem svo verður lögð fyrir
Alþingi,“ segir hann. „Það blasir við að
við munum leita eftir skoðunum sem
flestra sem hafa hagsmuna að gæta.
Auðvitað getur komið til þess að ein-
hverjum leiðum verði lokað og aðr-
ar jafnvel lagðar eða opnaðar. Þetta
verður þó aðeins gert með góðum
rökstuðningi.“
Þórður á von á því að þegar þess-
ari vinnu verði lokið verði línurn-
ar hreinar. Allir slóðar ættu að verða
skráðir og þá þurfi enginn framar að
velkjast í vafa um þessar leiðir, hvorki
ferðafólk né landverðir. „Auðvitað
getur það gerst að ágreiningur komi
upp um þessi mál, en það er nokkuð
sem við verðum að vinna úr jafnóðum
og finna lausnir á,“ bætir Þórður við.
Hann segir að þarna verði bæði hesta-
menn, göngufólk og jeppaferðalangar
að koma að málum.
Skráning á leiðum
Meðlimir Ferðaklúbbsins 4x4 vinna
nú að því að skrá hnit á vegaslóðum á
hálendinu í samstarfi við Landmæl-
ingar Íslands. Barbara og Agnes von-
ast til þess að þessi skráning verði til
þess að varðveita sem flesta af þeim
fáfarnari hálendisslóðum sem þær
telja í hættu. „Það má benda á það að
sumar leiðirnar í kringum Jökulheima
verða seint að góðum gönguleiðum
einfaldlega vegna þess að þar er ekk-
ert drykkjarvatn að finna. Þarna verða
gönguhópar því að reiða sig á trúss-
bíla sem flytja vistir á milli áningar-
föstudagur 1. ágúst 200822 Helgarblað DV
ÓTTAST OFVERNDUN SLÓÐA
Meðlimir í Ferðaklúbbnum 4x4 óttast að vegaslóðum í kringum Vatnajökul verði lokað
með tilkomu Vatnajökulsþjóðgarðs. Agnes Karen Sigurðardóttir, framkvæmdastjóri 4x4,
telur að litið hafi verið framhjá sérþekkingu jeppafólks á svæðunum í kringum jökulinn.
Þórður H. Ólafsson, framkvæmdastjóri þjóðgarðsins, segir á hinn bóginn að engum leið-
um verði lokað nema að vel athuguðu máli.
„Sumar leiðirnar í
kringum Jökulheima
verða seint að góðum
gönguleiðum einfald-
lega vegna þess að þar
er ekkert drykkjarvatn
að finna.“
Sigtryggur Ari jÓHAnnSSon
blaðamaður skrifar: sigtryggur@dv.is
Ófærufoss Þokkalegur vegur liggur inn í
Eldgjá. Þar er létt gönguleið að svonefnd-
um Ófærufossi. á leiðinni inn í Eldgjá er
ekið yfir ána Nyrðri-Ófæru. Vaðið er
jeppafært en smærri bílar hafa lent þar í
vanda.
Langisjór umdeildur slóði
liggur meðfram norðvestur-
strönd Langasjávar. sums
staðar er slóðin greinileg en
oft liggur hún úti í vatninu eða
í sandfjörunni og sést þá síður.
Á veiðum Ef vel er að gáð má
hér sjá ferðalang kasta agni
fyrir bleikjuna í Langasjó.
Veiðiréttur í vatninu er leigður
af einkaaðilum. Þar er nokkuð
af vænni bleikju.
um Bárðargötu Hér aka ferðalangar slóðann um Bárðar-
götu sem er meðal fáförnustu leiða innan þjóðgarðsins.
Hágöngur eru í baksýn.
Í Vonarskarði Vegur liggur um Vonarskarð á
milli tungnafellsjökuls og Vatnajökuls. Þar er
náttúrufegurð mikil. Leiðin hentar jafnt fyrir
göngufólk sem vana hesta- og jeppamenn.
staða,“ segir Barbara. Einnig að öku-
hæfir slóðar verði til þess að fleiri geti
upplifað fegurð hálendisins en hörð-
ustu göngujaxlar.
„Það er reyndar algengur mis-
skilningur að stærstu breyttu jepp-
arnir valdi mesta skaðanum í náttúr-
unni. Því er í rauninni öfugt farið og
auðvitað valda þeir engum skemmd-
um sem halda sig innan þeirra fjöl-
mörgu slóða sem til eru á hálendinu,“
segir hún.