Dagblaðið Vísir - DV - 09.01.2008, Blaðsíða 4

Fréttir DV
4 MIÐVIKUDAGUR 9. JANÚAR 2008
.A
Vilja ekki flug-
stöð í Vatnsmýri
Samtök um betri byggð skora
á borgarstjórn Reykjavíkur að
slíta samstarfi við samgöngu-
yfirvöld ríkisins um svonefnda
samgöngumiðstöð í Vamsmýri.
Vilja samtökin meina að þarna
sé um að ræða flugstöð en ekki
samgöngumiðstöð. Hún falli ekki
að almenningssamgöngum í
höfuðborginni og muni tefja enn
frekar fyrir flutningi flugvallarins
úr Vatnsmýri. Aukþess sé fórn-
arkostnaður vegna tafanna mikill
eða um þrír og háifur milljarður
á ári. Reykvíkingar samþykktu
í atkvæðagreiðslu árið 2001 að
flugvöllurinn færi úr Vatnsmýri
fyrirárið 2016.
Götur verða að
hraðbrautum
Fulltrúar Sjálfstæðisflokks
í umferðarráði Reykjavíkur
mótmæltu því í gær að ákveð-
ið hefði verið að setja allt að
þriggja metra háar hljóðman-
ir meðfram hluta Mildubraut-
ar annars vegar og Kleppsveg-
ar og Sæbrautar hins vegar.
Þetta segja þeir breyta útliti
og útsýn í borginni og gera
göturnar líkari hraðbrautum
í erlendum stórborgum en
Reykjavík eins og hún er í dag.
Ákvörðunin var ekki rædd
í umhverfisráði og gerðu sjálf-
stæðismenn athugasemd við
það. Fulltrúar meirihlutans
svöruðu því til að vegna nýs
hlutverks umhverfis- og sam-
gönguráðs þyrfti að endur-
skoða verkefnaskiptingu og
verkferla.
Ótæk hækkun
fyrir öryrkja
„Við teljum þetta ótæka hækk-
un," segir Sigursteinn Másson, for-
maður Öryrkjabandalags íslands,
og mótmælir bandalagið hækkun
á gjaldtöku fýrir læknisþjónustu
og heilsugæslu örykja um allt að
70 prósent f yfirlýsingu sem Ör-
yrkjabandalagið sendi frá sér er
skorað á heilbrigðisráðherra að
endurskoða ákvörðunina og lækka
eða fella niður gjaldtöku á alla
sem þurfa á þjónustu heilsugæslu-
stöðva og sjúlo-ahúsa að halda.
Komugjöld öryrlq'a og aldraðra á
heilsugæslustöðvar voru hækkuð
samhliða því að komugjöld barna
voru felld niður.
Nýtteyðublað
vegna Ástþórs
Dómsmálaráðuneytið hefur
látið hanna sérstakt eyðublað fyrir
forsetakosningar. Það verða allir
þeir að nota sem safna stuðnings-
yfirlýsingum fyrir hugsanleg for-
setaefni.
Eyðublaðið er kynnt til sögunn-
ar fáeinum dögum eftir að Þór-
unn Guðmundsdóttir, fyrrverandi
oddviti yfirkjörstjómar í Reykjavík
norður, gagnrýndi Ástþór Magnús-
son, fyrrverandi forsetaframbjóð-
anda, fyrir óskýra undirskriftalista.
LEIÐRÉTTING
Rangt var farið með nafn
ungu móðurinnar á forsíðu
DV í gær. Hún heitir Aldís Júlí-
usdóttir.
Hilmar Ragnarsson bjargaði kærustu sinni og tveimur börnum úr banvænum eldi. Eft-
ir að hann var búinn að tryggja öryggi fjölskyldu sinar gleypti eldhafið hann og lét hann
þá lífið. Góðvinur fjölskyldunnar er búinn að safna tæpri milljón fyrir fjölskylduna en
konan er í áfalli eftir atvikið. Hún er útskrifuð af spítala eftir að hún fékk reykeitrun.
VALUR GRETTISSON j -f
bladamadui skrifar. valum dv.is " 1
„Hann er hetja!" segir Róbert Guð-
mundsson, fjölskylduvinur Hilmars
Ragnarssonar, sem bjargaði kærustu
sinni og börnum úr brennandi hús-
inu í Tunguseli í fyrradag. Konan fékk
reykeitrun en er kominn út af spítala.
Björgunarafrek Hilmars er magnað
en með snarræði sínu tryggði hann
kærustu sinni og börnum líf. En eld-
hafið gleypti Hilmar með þeim af-
leiðingum að hann lifði ekki af og
komst aldrei út úr húsinu. Upptök
eldsins eru til rannsóknar en talið er
að kviknað hafi í út frá kerti.
Eldhafið gleypti hann
„Hann vaknaði við eldinn og vakti
kæmstu sína og henti henni beinlínis
út úr herberginu," segir Róbert en
mikill eldur var í svefnherbergi
þeirra. Svo mikill var eldurinn að
honum tókst aðeins að bjarga henni,
því um leið og hún komst út greip
eldhaf Hilmar. Kona Hilmars sýndi þá
snarræði og náði í börnin sín tvö og
reyndi að komast út. Hún komst fram
á stigaganginn en þar var reykjarkófið
of mikið. Á elleftu stundu var henni og
börnunum bjargað af slökkviliðinu.
Þau sluppu með reykeitrun.
Gæludýrin dóu
„Tjónið er hrikalegt, hún missti
allt," segir Róbert, en auk Hilmars
misstu þau gæludýrin sín tvö, kött og
hamstur. Að sögn Róberts er konan
í andlegu áfalli eftír atburðinn og
missinn. Það er ljóst að mikið gekk á
þegar eldurinn kom upp.
Sjálf treystí konan sér ekki til þess
að tala við blaðamann eftír áfallið.
Gríðarlegur samhugur
„Söfiiunin er komin fram úr
björtustu vonum," segir Róbert en
síðdegis í gær var söfnunarfé fyrir
fjölskyldu konunnar að nálgast eina
milljón króna. Að sögn Róberts hefur
verið gríðarlegur samhugur á meðal
almennings eftír að eldurinn kom upp
enda brann allt inni sem fjölskyldan
áttí. Róbert segir peningana munu
nýtast vel enda eiga börnin engin föt
né skjól. Verið er að vinna í því að
finna húsaskjól fyrir ekkju hetjunnar
og bjóst Róbert við að það myndi
bjargast á einn eða annan hátt.
Eldurfrá kerti
Slökkvilið höfuðborgarsvæðis-
ins kannar tildrög eldsins en talið er
að kertí hafi verið orsökin. Hugsan-
legt er að eldurinn hafi átt sér upp-
tök í íbúð Hilmars og fjölskyldu en
ómögulegt er að segja til um það.
Ekki er talið að um íkveikju hafi verið
að ræða. Alls var bjargað tólf einstakl-
ingum en Kristrún Grétarsdóttir, íbúi
sem var bjargað á körfubíl slökkvi-
liðsins, sagði íbúa harmi slegna eftir
Hilmar Ragnarsson Bjargaði fjölskyldu
sinni úr eldhafi og hlaut hetjulegan
dauðdaga eftir að kona hans og börn
voru kominn úr lífshættu.
atburðinn. Sjálf vaknaði hún við reyk-
skynjara klukkan sex um morguninn
og tókst að komast út á svalir ásamt
bróður sínum og móðir.
Fyrir þá sem vilja styrlqa fjölskyldu
Hilmars er bent á reikning sonar
þeirra, undir númeri 113-05-066351
með kennitölunni 190796-3029.
BJARTSÝNN FYRIR EVRÓPUMÓTIÐ
„Stemningin í hópnum er mjög góð og ég
hef ekki áhyggjur af því að gengi okkar á þessu
móti um helgina hafi haft neikvæð áhrif," seg-
ir Alfreð Gíslason, landsliðsþjálfari íslands í
handbolta. fslendingar undirbúa sig nú fyrir
Evrópukeppnina sem hefst 17. janúar í Nor-
egi. ísland tók þátt í fjögurra landa móti í Dan-
mörku um helgina. Þar mætti liðið Norðmönn-
um, Dönum og Pólverjum. íslendingar töpuðu
fyrir Pólverjum og Dönum en gerðu jafntefli
við Norðmenn. „Við spiluðum að mörgu leyti
mjög vel og það var margt jákvætt að sjá í þess-
um leikjum. Mér finnst það ekki skipta höfuð-
máli að niðurstaðan hafi verið eitt stig í neðsta
sæti," segir Alfreð.
Þjóðirnar sem fslendingar öttu kappi við
eru allar mjög hátt skrifaðar á styrkleikalista Al-
þjóðahandknattleikssambandsins. íslendingar
töpuðu með einu marki fyrir Dönum rétt eins
og á Heimsmeistaramótinu fyrir ári. Pólverjar
lögðu fslendinga í fyrsta leik mótsins 35-31 en
leikurinn gegn Norðmönnum endaði 28-28.
„Norðmenn unnu mótið og eru mjög sterkir.
Við áttum að vinna bæði Norðmenn og Dani
að mínu matí. Vissulega er margt að laga en
ég held að þetta sé allt á leið í rétta átt og liðið
er í mjög góðu standi," segir Alfreð en hann
gagnrýndi dómgæsluna í mótinu og sagði að
nokkuð hefði hallað á íslenska liðið.
Lykilmaðurinn Alexander Petterson meidd-
ist á ökkla á mótinu en Alfreð segist ekki hafa
neinar áhyggjur af honum. „Hann bólgnaði að-
eins upp á ökklanum en hann er farinn að æfa
aftur." Næsm leikir fslands eru gegn Tékkum í
Laugardalshöllinni um helgina en það eru síð-
ustu leikir íslands fyrir EM. Eftir að þeim leikj-
um lýkur mun endanlegt val á hópnum sem fer
á EM liggja fyrir. einar@dv.is
BÆTIFLAKI
(slenska landsliðið vann ekki leik á fjögurra þjóða móti í
Danmörku um helgina.
✓
Jákvæður Alfreð segir að íslendingar hafi leikið vel í
Danmörku um helgina. Hann er nokkuð bjartsýnn
fyrir Evrópumótið sem hefst 17. janúar.