Peningamál - 01.02.2001, Side 57

56 PENINGAMÁL 2001/1
Um miðjan maí tilkynntu tveir af yfirlýstum við-
skiptavökum ríkisskuldabréfa Verðbréfaþingi Íslands
með eins mánaðar fyrirvara að þeir hyggðust hætta
viðskiptavakt.
Júní 2000
Hinn 2. júní tók Íslandsbanki-FBA hf. formlega til
starfa.
Bandaríska matsfyrirtækið Moody´s Investors
Service gaf Íslandsbanka-FBA hf. einkunnina A2
fyrir langtímaskuldbindingar, Prime-1 fyrir skamm-
tímaskuldbindingar og C fyrir fjárhagslegan styrk.
Hinn 7. júní undirritaði Lánasýsla ríkisins samning,
að undangengnu útboði, um samningsbundna við-
skiptavakt ríkisverðbréfa við Kaupþing hf., Búnaðar-
banka Íslands hf., Íslandsbanka-FBA hf. og Spari-
sjóðabanka Íslands hf. Frá undirritun samningsins
hafa áðurnefndir aðilar heimild til að kalla sig viður-
kennda viðskiptavaka ríkisverðbréfa. Í samningnum
eru skilgreindar skyldur viðskiptavaka varðandi
framsetningu tilboða á VÞÍ og hámarksbil milli
kaup- og söluávöxtunar. Þá mun Lánasýslan greiða
viðskiptavökum veltuþóknun fyrir viðskiptavaktina.
Í samningnum eru skilgreindir 4 markflokkar ríkis-
skuldabréfa, þrír verðtryggðir og einn óverðtryggður.
Lánasýslan skuldbatt sig jafnframt til þess að bæta
upplýsingagjöf.
Hinn 19. júní hækkaði Seðlabanki Íslands vexti sína
um 0,5 prósentustig.
Íbúðalánasjóður gerði samning við Landsbanka
Íslands hf. og Búnaðarbanka Íslands hf. um við-
skiptavakt með húsbréf. Frá undirritun samningsins
hafa áðurnefndir aðilar heimild til að kalla sig viður-
kennda viðskiptavaka með húsbréf og húsnæðisbréf.
Íbúðalánasjóður stóð með sama hætti að vali
viðskiptavaka og Lánasýsla ríkisins, og er samningur
sjóðsins að öllu leyti hliðstæður samningi Lánasýsl-
unnar. Þá tilkynnti Íbúðalánasjóður að hann myndi
framvegis leitast við að miðla með reglubundnum
hætti til markaðarins upplýsingum sem áhrif geta
haft á verðmyndun skuldabréfa.
Hinn 30. júní veitti viðskiptaráðherra samþykki sitt
fyrir samruna Samvinnusjóðs Íslands hf. og Fjár-
vangs hf. í Frjálsa fjárfestingarbankann hf. sem er
lánastofnun skv. lögum nr. 123/1996.
Júlí 2000
Hinn 6. júlí tilkynnti Sparisjóðabanki Íslands hf.
Seðlabankanum að hann hefði ákveðið að hætta þátt-
töku á millibankamarkaðnum fyrir gjaldeyri. Upp-
sögnin tók gildi mánuði síðar.
Hinn 13. júlí var millibankamarkaði með gjaldeyri
lokað milli kl. 10 og 12 að ákvörðun viðskiptavak-
anna á markaðnum. Ákvörðunin var tekin vegna
mikilla viðskipta og snöggrar lækkunar á gengi krón-
unnar um morguninn.
Hinn 18. júlí hófust viðskipti með hlutabréf DeCode
Genetics á Nasdaq.
Hinn 18. júlí var tilkynnt um meirihlutakaup Lands-
banka Íslands hf. í breska fjárfestingarbankanum The
Heritable and General Investment Bank Ltd. (HGI).
Hinn 20. júlí var gengisskráningarvog breytt í ljósi
samsetningar utanríkisviðskipta á árinu 1999. Taflan
hér ofar á síðunni sýnir hina nýju vog og breytingu
frá fyrri vog.
Ágúst 2000
Hinn 8. ágúst hætti Sparisjóðabanki Íslands hf. við-
skiptavakt á millibankamarkaði með gjaldeyri.
Ný gengisskráningarvog (%)
Byggt á viðskiptum 1999
Út- Inn- Breyting
Lönd flutn- flutn- Meðal- frá fyrri
Mynt ingsvog ingsvog tal vog
Bandaríkin ............ USD 25,57 24,95 25,26 0,57
Bretland ................ GBP 15,14 13,58 14,36 1,36
Kanada.................. CAD 1,83 1,02 1,42 0,09
Danmörk............... DKK 8,41 9,37 8,89 0,52
Noregur................. NOK 6,85 8,37 7,61 0,26
Svíþjóð.................. SEK 2,58 5,57 4,07 0,35
Sviss...................... CHF 3,16 1,06 2,11 -0,39
Evrusvæði ............. EUR 32,21 30,64 31,43 -2,92
Japan..................... JPY 4,25 5,44 4,85 0,16
Norður-Ameríka ................... 27,40 25,97 26,68 0,66
Evrópa.................................. 68,35 68,59 68,47 -0,82
Evrópusambandið ................ 58,34 59,16 58,75 -0,69
Japan.................................... 4,25 5,44 4,85 0,16
Alls ....................................... 100,00 100,00 100,00 0,00