Peningamál - 01.09.2004, Blaðsíða 86

PENINGAMÁL 2004/3 85
Hinn 18. júní tilkynnti Kauphöllin í Stokkhólmi að
KB banki hf. væri eitt af 13 nýjum félögum í Attract
40 vísitölunni. Val félaga í vísitöluna byggist á veltu
bréfa og verður endurskoðað í árslok 2004.
Hinn 18. júní tilkynnti KB banki hf. að gengið hefði
verið frá útgáfu víkjandi skuldabréfa að fjárhæð um
450 milljónir evra, eða um 40 ma.kr., til fjármögn-
unar á kaupum bankans á FIH. Til eiginfjárþáttar A
töldust 150 milljónir evra en afgangurinn til eigin-
fjárþáttar B.
Hinn 18. júní var tilkynnt að aðild Deutsche Bank
AG London að Kauphöll Íslands hefði verið sam-
þykkt af stjórn Kauphallarinnar.
Júlí 2004
Hinn 1. júlí komu til framkvæmda breytingar á
Íbúðalánasjóði sem samþykktar höfðu verið á
Alþingi 28. maí. Útgáfu hús- og húsnæðisbréfa var
hætt og gefin voru út ný bréf, íbúðabréf sem eru jafn-
greiðslubréf til 20, 30 og 40 ára með tveimur gjald-
dögum á ári. Helstu breytingar voru að lántakendur fá
lán greidd í peningum í stað þess að fá afhent húsbréf.
Samtímis var eigendum helstu flokka húsbréfa og
húsnæðisbréfa boðið að skipta á þeim og íbúðabréf-
um og var eldri bréfum að andvirði 338 ma.kr. skipt.
Hinn 1. júlí lækkuðu vextir á íbúðabréfum Íbúðalána-
sjóðs um 0,3 prósentur, í 4,8%. Hinn 1. ágúst
lækkuðu vextirnir aftur um 0,3 prósentur í 4,5% og
um 0,15 prósentur í 4,35% hinn 1. september. Þessi
mikla lækkun ræðst af lækkandi ávöxtunarkröfu
íbúðabréfa á markaði.
Hinn 5. júlí samþykktu hluthafar í KB banka hf.
hlutafjáraukningu til forgangsréttarhafa að
110.137.128 hlutum. Söluverð var 360 kr. á hlut og
heildarvirði aukningarinnar 39.649.366.080 kr.
Einnig var samþykkt að veita stjórn bankans heimild
til viðbótaraukningar hlutafjár um 110 milljónir hluta
án forgangsréttar.
Hinn 5. júlí var tilkynnt að bankastjórn Seðlabanka
Íslands hefði ákveðið að hækka vexti bankans í end-
urhverfum viðskiptum við lánastofnanir um 0,5 pró-
sentur í 6,25% hinn 6. júlí. Aðrir vextir bankans
hækkuðu hinn 11. júlí.
Hinn 14. júlí var tilkynnt um árlega endurskoðun
gengisskráningarvogar krónunnar í ljósi utanríkis-
viðskipta ársins 2003. Hin nýja vog tók gildi 16. júlí.
Ágúst 2004
Hinn 9. ágúst var hlutafé KB banka hf. í Kauphöll
Íslands hækkað um sem nam kr. 1.101.371.280 að
nafnverði, sem skiptist í 110.137.128 hluti. Skráð
hlutafé félagsins á aðallista Kauphallar Íslands eftir
hækkunina var kr. 5.506.856.400 að nafnverði, eða
550.685.640 hlutir.
Hinn 12. ágúst gerði Íslandsbanki hf. tilboð í hlutafé
Kredittbanken A/S í Noregi á verðinu 7,25 norskar
krónur á hlut. Tilboðið nam rúmum 3,5 ma.kr. fyrir
allt hlutafé í bankanum. Stjórn Kredittbanken mælti
með tilboðinu við hluthafa en það var háð fyrirvara
um samþykki 90% hluthafa og samþykki fjármála-
eftirlita í Noregi og á Íslandi.
Hinn 23. ágúst tilkynnti KB banki hf. að hann hygðist
bjóða viðskiptavinum sínum verðtryggð húsnæðislán
til 40 ára með 4,4% fasta vexti að uppfylltum
ákveðnum skilmálum. Í kjölfarið buðu hinir
viðskiptabankarnir og sumir sparisjóðir og lífeyris-
sjóðir áþekk lán. Vextirnir sem boðnir voru lækkuðu
síðan niður í 4,2% undir lok mánaðarins í kjölfar
útboðs Íbúðalánasjóðs á íbúðabréfum.