Peningamál - 01.03.2005, Page 102

P
E
N
I
N
G
A
M
Á
L

2
0
0
5
•
1
102
Hinn 13. janúar var hlutafé í Íslandsbanka hf. hækkað um sem nam
1,8 ma.kr. að nafnverði. Upphaflega voru boðnir út 1.500 milljón
hlutir til forgangsréttarhafa. Vegna umframeftirspurnar var ákveðið
að bjóða 300 milljónir til viðbótar. Söluverð hins nýja hlutafjár var
10,65 kr. á hlut og markaðsvirði útboðsins rúmir 19 ma.kr. Heildar-
hlutafé Íslandsbanka hf. eftir þessa aukningu er 13 milljarðar hluta.
Hinn 20. janúar tilkynnti Landsbanki Íslands hf. að ákveðið hefði verið
að stofna útibú í Bretlandi.
Febrúar 2005
Hinn 3. febrúar staðfesti alþjóðlega matsfyrirtækið Moody’s Investors
Service óbreyttar lánshæfiseinkunnir sínar fyrir Landsbanka Íslands
hf., A3 fyrir langtímaskuldbindingar, P-1 fyrir skammtímaskuldbind-
ingar og C fyrir fjárhagslegan styrkleika. Horfur um breytingar á mat-
inu voru jákvæðar.
Hinn 10. febrúar hækkaði alþjóðlega matsfyrirtækið Standard &
Poor’s lánshæfiseinkunn ríkissjóðs á langtímaskuldbindingum í er-
lendri mynt úr A+ í AA- og fyrirtækið staðfesti einnig lánshæfiseink-
unnina AA+ fyrir langtímaskuldbindingar í íslenskum krónum og A-1+
fyrir skammtímaskuldbindingar í erlendri mynt og íslenskum krónum.
Horfur fyrir matið eru stöðugar. Lánshæfismat Íbúðalánasjóðs var
hækkað samsvarandi en þó með neikvæðum horfum vegna breytinga
sem orðið höfðu á stöðu sjóðsins í kjölfar komu banka inn á fasteigna-
lánamarkað, sem leitt hafði til samdráttar í markaðshlutdeild sjóðsins.
Hinn 17. febrúar var Íslandsbanka hf. veitt leyfi til stofnunar banka af
fjármálaráðuneytinu í Lúxemborg. Ráðgert er að hinn nýi banki taki til
starfa á vormánuðum ársins 2005. Tilgangurinn er að víkka út starf-
semi útibús bankans í Lúxemborg.
Hinn 18. febrúar sendi bankastjórn Seðlabanka Íslands greinargerð til
ríkisstjórnarinnar í tilefni af verðbólgu umfram þolmörk í febrúar. Um
leið var tilkynnt að bankastjórn hefði ákveðið að hækka vexti bankans
í endurhverfum viðskiptum við lánastofnanir um ½ prósentu í 8,75%
frá og með 22. febrúar. Aðrir vextir voru einnig hækkaðir um ½ pró-
sentu frá og með 21. febrúar.
Mars 2005
Hinn 7. mars hækkaði alþjóðlega matsfyrirtækið Moody’s Investors
Service lánshæfiseinkunn sína fyrir Landsbanka Íslands hf. vegna
langtímaskuldbindinga og innlána úr A3 í A2. Um leið staðfesti fyrir-
tækið P-1-einkunn vegna skammtímaskuldbindinga og C-einkunn
vegna fjárhagslegs styrkleika. Horfur um breytingar á matinu voru
stöðugar.
Hinn 15. mars jók Íslandsbanki hf. hlutafé sitt um rúma 134 milljón
hluti að nafnverði. Hinir nýju hlutir voru greiddir út í formi arðs til
þeirra hluthafa sem þess óskuðu á gengi 10,65 kr. á hlut. Skráð
hlutafé félagsins á aðallista Kauphallar Íslands eftir hækkunina nam
13.134.816.315 kr. að nafnverði.
ANNÁLL EFNAHAGS-
OG PEN INGAMÁLA