Jón á Bægisá - 01.12.2005, Qupperneq 56

Þýðingar skólapilta á nítjándu öld
Eftirfarandi þýðingar eru með elstu þýðingum á ævintýrum H.C.
Andersens og sennilega með þeim fyrstu sem til urðu eftir þýðingu Jónasar
Hallgrímssonar á Kjærestefolkene eða Toppen ogBolden með titlinum „Legg-
ur og skel“ sem birtist í Fjölni 1847 eftir að Jónas var látinn.
Þetta eru handskrifaðar þýðingar skólapilta sem eru að streða eins og
allar ritnefndir allra skólablaða við að koma blaðinu sínu út og eru tvö
þekkt skáld þarna í hópnum a.m.k., Kristján Jónsson Fjallaskáld og Gestur
Pálsson. Farin var sú leið við innslátt textans að halda stafsetningu ó-
breyttri og breyta nánast engu og eru allar viðbætur ritstjóra innan horn-
klofa. Yfir- og undirstrikanir eru upprunalegar. Þessir textar hefðu ekki
komist auðveldlega í hendur ritnefndar ef ekki hefði verið fyrir meistara-
prófsritgerð Hildar Halldórsdóttur í þýðingafræði við Háskóla íslands,
H.C. Andersen og íslenskir þýðendur hans. Þar er einnig að finna frekari
upplýsingar um þessar þýðingar skólapiltanna auk annars fróðleiks um
þýðingar á verkum Andersens. Ritnefnd þakkar Lemme Lindu Saukas fyrir
aðstoð við innslátt á textunum.
Úr Bræðrablaði Reykjavíkurskóla 1848-1849
Engillinn
Úr Nye Æventyr eftir H.C. Andersen
(snúið og breytt)
Þegar gott barn deyr, mælti engillinn við dauða barnið, er hann bar það til
himins, kemur í hvert skipti engill guðs niður á jörðina; hann tekur dauða
barnið í faðm sinn, þenur út vængina hvítu og svífur yfir þeim reitum sem
dauða barninu hefur þótt vænst um og tínir sjer blóm sem hann flytur til
Guðs svo þau blómgist þar með meira skrauti en á jörðunni. —
54
á. — Tímarit þýðenda nr. 9 / 2005