Tímarit hjúkrunarfræðinga - 01.02.2013, Blaðsíða 20
Tímarit hjúkrunarfræðinga – 1. tbl. 89. árg. 201316
annast sjúklingana, eru á ganginum
og hjúkra. Ég hafði ekki verið mikið
í hjúkrun við rúmstokk undangengin
ár og var létt stressuð. En ég rúllaði
þessu upp, var alveg frábærlega góður
hjúkrunarfræðingur. Það sögðu sjúklingar
og aðstandendur mér þó kannski
ekki alveg með þessum orðum! Ekki
samstarfsmenn, allra síst yfirmenn, það
er ekki siður þar frekar en hér.
Á Grænlandi má taka til hendinni á mörgum
sviðum. Fyrst ættu Græn lendingar
auðvitað að losa sig við herraþjóðina
Dani en það er annað og flóknara mál
sem ég fer ekki frekar í hér. Og út
með dönskuna og inn með ensku sem
samskiptatungumál í heilbrigðisgeiranum.
Danskan viðheldur þörfinni fyrir Danina
og minnkar getuna til að taka skrefið
og Declare Independence eins og Björk
syngur. Mikið rosalega er danska erfitt
mál að tala. Maður segir til dæmis ekki
helg heldur weekend og annað er ekki til
umræðu hjá Dönunum en mikill meirihluti
starfsfólksins eru Danir. Ég hélt ég væri
nú bara slarkfær í dönsku, tók ágætt
stúdentspróf og kalla ekki allt ömmu mína,
hef oft unnið erlendis. En ég var eins og
ómálga barn þegar ég var að reyna að
gera mig skiljanlega. Best er að tala hratt
og óskýrt, þá lítur út fyrir að maður kunni
málið þar til annað kemur í ljós. Verið
er að reyna að mennta Grænlendinga í
heilbrigðisgeiranum og láta þá taka við,
námið í hjúkrun er til dæmis nýtt, er á
háskólastigi og tekur fjögur ár og skólinn
er í Nuuk.
Á Grænlandi eru grunnlaunin um 40%
hærri en á Íslandi og skatturinn er 42%.
En það er hægt að spara á Grænlandi,
ekki mikið um búðaráp. Þar sem kreppa
er í Danmörku sitja Danir um vinnu á
Grænlandi núna og því ekki auðvelt að
fá vinnu þar að sinni. Vinnan var ótrúlega
mikil ögrun fyrir mig, stundum kveið
ég svo fyrir að fara á vakt að ég missti
matarlystina! Undir lokin kunni ég betur
á kerfið og hvernig hlutirnir gengu fyrir
sig og gat notið þess að hjúkra. Ég var í
fullri vinnu og vann á þrískiptum vöktum
og aðra hverja helgi. Milli þess sem ég
vann á spítalanum tók ég ljósmyndir
(ég var í sumarfríi frá fimm anna námi
í Ljósmyndaskólanum). Myndefnin voru
alls staðar. Ég kynntist ekki mörgum
Grænlendingum og tók því ekki mikið af
myndum af innfæddum. Ég rölti bara um
Nuuk og tók myndir af því sem glöggt
gestsaugað mitt sá. Þegar ég kom heim
til Íslands gerði ég ljósmyndabók úr
efninu. Hana má skoða rafrænt en slóðin
er hér fyrir neðan.
Ég tel stöðuna í heilbrigðismálum Græ n-
lands lýsandi fyrir málefni Grænlendinga
í heild. Heilbrigðiskerfið er upp á danska
vísu, oft afar gamaldags. Mér fannst ég
stundum vinna í heilbrigðiskerfi og hjúkrun
sem ég kynntist á Íslandi fyrir tæpum 30
árum þegar ég útskrifaðist. Því er gott
að minnast þess að okkur hefur tekist
að byggja upp frábært heilbrigðiskerfi á
Íslandi. Við höfum tínt upp það besta úr
heilbrigðiskerfum Skandinavíu, Norður-
Ameríku og Bretlands og sameinað í
góða heild. En eins og allir vita erum
við nú komin að vissum vatnaskilum.
Stjórnmálamönnum fyrir hrun, í hruninu
og eftir hrun er að takast að ganga milli
bols og höfuðs á fjöregginu okkar allra.
Tilgangur þessara skrifa var fyrst og
fremst að koma á framfæri hvað það er í
raun frábært að vera hjúkrunarfræðingur
frá Íslandi. Menntunin í hjúkrunarfræðinni
er til fyrirmyndar hvað undirbúning snertir
og starfið í heilbrigðisgeiranum veitir
dýrmætt veganesti. Þetta hefur gert mér
kleift að takast á við svo margt í mörgum
löndum í hjúkrun, meðal annars að vinna
og taka ljósmyndir á Grænlandi.
Nokkrar áhugaverðar netslóðir:
Heilbrigðismál á Grænlandi: http://www.
peqqik.gl/.
Fjarlækningar: http://www.peqqik.gl/
Telemedicin.aspx.
Ljósmyndabók um Grænland: http://www.
blurb.com/b/2877554-min-nuuk.
Stjórn Rannsóknarsjóðs Ingibjargar R. Magnúsdóttur vill
vekja athygli lesenda á að gott sé að hafa sjóðinn í huga
við ýmis tækifæri. Markmið sjóðsins er að efla rannsóknir í
hjúkrunar- og ljósmóðurfræðum og veitir sjóðurinn styrki til
hjúkrunarfræðinga og ljósmæðra í doktorsnámi.
Rannsóknarsjóður Ingibjargar R. Magnúsdóttur var
stofnaður 29. júní árið 2007 af Ingibjörgu R. Magnúsdóttur
og Rannsóknastofnun í hjúkrunarfræði. Ingibjörg er
fyrrverandi námsbrautarstjóri námsbrautar í hjúkrunarfræði
við HÍ og fyrrverandi skrifstofustjóri í heilbrigðis- og
tryggingamálaráðuneytinu. Hún hefur verið einn ötulasti
talsmaður hjúkrunarmenntunar á Íslandi og var ein þeirra
sem stóð að stofnun námsbrautar í hjúkrunarfræði við
Háskóla Íslands 1973.
Rannsóknarsjóður óskar eftir styrkjum
Frá því sjóðurinn var stofnaður hefur verið úthlutað úr
honum fimm sinnum og hafa alls þrettán doktorsnemar
hlotið styrki. Styrkþegar 2012 voru Marianne E. Klinke,
Rannveig J. Jónasdóttir og Þórunn Scheving Elíasdóttir og
fengu þær samtals eina milljón króna.
Til þess að hægt sé að úthluta árlega þarf fé. Hægt
er að styrkja sjóðinn með ýmsu móti, til dæmis vegna
árgangaafmæla eða útskriftar. Fjárhæðir má leggja inn
á bankareikning 0513-26-004057. Kennitala sjóðsins er
571292-3199. Einnig er hægt að kaupa minningarkort
og tækifæriskort. Nánari upplýsingar veitir Margrét
Björnsdóttir, verkefnastjóri Rannsóknastofnunar í
hjúkrunarfræði, í síma 525-5280.
Öruggari öryggishnappur
Hjúkrunarfræðingar alltaf á vakt
Öryggismiðstöðin er eini þjónustuaðili öryggishnappa
sem er með hjúkrunarfræðinga í stjórnstöð á símavakt
allan sólarhringinn. Hjúkrunarfræðingar eru til ráðgjafar
fyrir hnapphafa auk þess að vera stuðningur við
öryggisverði í útköllum. Einnig fylgir hverjum nýjum
hnappi reykskynjari sem er beintengdur stjórnstöð
Öryggismiðstöðvarinnar.
Ef þú ert með hnapp frá öðrum þjónustuaðila, er einfalt að skipta. Hringdu í síma
570 2400 og kynntu þér málið.
Sími 570 2400 · oryggi.is
Stöndum vaktina allan sólarhringinn
PI
PA
R\
TB
W
A
•
S
ÍA
•
1
11
02
1
Heimaþjónusta HjálpartækiFerðaþjónusta Aðlögun húsnæðis Öryggishnappur