Skólavarðan - 01.08.2003, Blaðsíða 19
tveir uppeldismenntaðir starfsmenn
og einn leiðbeinandi. Auk þess er
einn garðyrkjumaður í hlutastarfi við
leikskólann. Þótt leikskólanum sé skipt
upp í vöggustofu og leikskóla er opið
á milli deilda og mikill samgangur.
Þessi samgangur auðveldar að-
lögun barna frá vöggustofu yfir í
leikskólann. Vöggustofubörnin fá
heitan mat í hádeginu og hluti af
leikskólabörnunum eru í fæði, aðrir
koma með nestispakka.
Uppeldismarkmið leikskólans eru
að þroska persónuleika barnanna
svo þau verði sjálfstæð, gagnrýnin,
umburðarlynd og ábyrgir samborgarar.
Lögð er áhersla á að börnin beri
virðingu fyrir og hafi skilning á
menningu annarra þjóða ásamt danskri
menningu og siðum. Áhersla er lögð
á að skapa börnunum gott rými til
leikja, sýna frumkvæði og láta ljós sitt
skína á eigin forsendum. Börnunum
er kennt að leysa deilur og rökstyðja
skoðanir sínar. Unnið er markvisst
með málörvun. Aðferðir sem notaðar
eru til að ná þessum markmiðum eru
„Félagsleg samskipti“ (vöggustofa) og
„Stig fyrir stig“ (leikskóli). Þess má geta
að leikskólinn stendur við hlið Vestre
fangelsisins í Kaupmannahöfn. Til að
gæta fyllsta öryggis eru myndavélar
úti við sem fylgjast með allri umferð
í kring um fangelsið og tvöföld há
vírgirðing á milli.
Til gamans má geta þess að hægt
er að nálgast ársplan fyrir Den
integrerede institution Ryesgade 22 á
vefslóðinni www.daginstitutioner.kk.
dk og einnig upplýsingar um Enghave
Remise Enghavevej 88 og Fredens
Sogns Menigheds Bhv. Ryesgade 68.
Starfsfólk leikskólans Sólvalla
hefur farið í kynnisferðir árlega frá
árinu 1994 og skoðað marga leikskóla
hérlendis en þetta er í fyrsta skipti sem
við förum út fyrir landssteinana. Þessar
ferðir hafa víkkað sjóndeildarhringinn
hjá okkur og skilið eftir mikinn lærdóm
fyrir utan hvað þær hafa góð áhrif á
starfsandann í leikskólanum.
SAMVINNA MILLI SKÓLASTIGA
Á ársfundi skólamálaráðs KÍ sem
haldinn var í apríl sl. var fjallað um
fljótandi skil skólastiga og tengsl skóla
og atvinnulífs. Meðal annars voru
haldin erindi um samstarf leikskóla
og grunnskóla, sem víða er farið að
þróa og formgera meira en áður var.
Í fyrra birtist grein í Skólavörðunni
um samstarf leikskóla og grunnskóla
í Breiðholti í Reykjavík, að þessu sinni
kíkjum við til Grundarfjarðar og fáum
heimamenn til að segja okkur hvernig
þeir brúa bilið.
Í vetur eins og síðustu ár hafa
leikskóli og grunnskóli unnið
markvisst að því að brúa bilið á milli
skólastiganna tveggja, til að auðvelda
nemendum skólaskiptin. Í byrjun
september 2002 hittust skólastjóri
leikskólans, kennari elstu barna
leikskólans og aðstoðarskólastjóri,
sérkennari og kennari 1. bekkjar
grunnskólans á fundi og gerðu áætlun
fyrir vetrastarfið.
1. Í október fór leikskólakennari
í heimsókn í 1. bekk til að fylgjast
með starfinu þar. Síðan komu
grunnskólakennari og sérkennari til
að fylgjast með starfi elstu nemenda
leikskólans.
2. Nemendum leikskólans var boðið
í skoðunarferð um grunnskólann í
janúar þar sem skólastjóri tók á móti
þeim og sýndi þeim skólann.
3. 1. bekk var boðið á þorrablót
í leikskólanum þar sem nemendur
leikskólans skemmtu með leik og söng
og boðið var upp á þorramat.
4. Í mars voru „skiptiheimsóknir“,
þ.e. helmingur elstu nemenda
leikskólans fór í grunnskólann og
helmingur nemenda 1. bekkjar fór í
leikskólann og voru þessar heimsóknir
með viku millibili.
5. Leikskólanemendum var
boðið á skemmtun hjá 1. bekk í
grunnskólanum þar sem vetrarstarfið
var kynnt, farið var í leiki og skemmt
sér á útileiksvæðinu og í lokin voru
bornar fram veitingar undir berum
himni.
6. Hluti af samstarfinu var að börnin
mættu í vorskóla dagana 12. – 16. maí
frá kl: 13:00 - 15:00 og fór kennslan
fram í húsnæði grunnskólans. Þeir
sem sáu um kennsluna í vorskólanum
voru leikskólakennari, væntanlegur
kennari 1. bekkjar og sérkennari
grunnskólans.
Í vetur var fundað reglulega um
samstarfið, það metið og síðan breytt
og bætt eftir þörfum. Á lokafundinum
var rætt um mikilvægi þessa samstarfs
og hvað það auðveldar nemendum
skólaskiptin og eykur á öryggi þeirra.
Samstarfshópurinn er ánægður með
hversu vel hefur gengið að brúa bilið
og heldur ótrauður áfram á sömu
braut.
Útskrift frá leikskólanum
Það er stór stund þegar eitt
skólastig er kvatt og annað tekur við.
Miðvikudaginn 28. maí útskrifuðust
elstu nemendurnir (21 barn, f. 1997)
frá leikskólanum Sólvöllum. Þar
með lauk skólagöngunni á fyrsta
skólastiginu. Útskriftin fór fram í
Samkomuhúsinu, nemendur fengu
hatta sem þeir höfðu málað, möppur
sem innihalda ljósmyndir af þeim í leik
og starfi, sjálfsmyndir og teikningar
af fjölskyldum þeirra fyrir hvert ár
sem þeir hafa verið í leikskólanum.
Einnig verkefni sem þeir unnu í
„elstubarnastundum“ í vetur. Eftir
útskriftina var farið í skrúðgöngu út í
veitingahúsið Kaffi 59 þar sem boðið
var í flatbökuveislu. Daginn áður fóru
þessir nemendur ásamt kennurum í
útskriftarferð út í Sandvík þar sem þeir
voru allan daginn í blíðskaparveðri og
undu sér við leiki, sull og gönguferðir.
Með kveðju frá Leikskólanum
Sólvöllum og Grunnskólanum í
Grundarfirði
Brúum bilið, samstarf Leikskólans Sólvalla
og Grunnskóla Grundarfjarðar
DANMERKURHEIMSÓKN
19