Skólavarðan - 01.08.2003, Blaðsíða 27
KONUR Í FRÆÐSLUSTÖRFUM ÞINGA
Dr. Lynne Scholefield hélt mjög spennandi fyrirlestur um
þroskatækið ENNEAGRAM sem er nútímasambræðingur
úr ýmsum ævafornum viskubrunnum. Oscar nokkur
Ichazo frá Bólivíu kom speki sem hann hafði viðað að sér
víða að undir einn hatt og stofnaði Aricaskólann í Chile til
að kenna fræðin. Þetta var um miðja síðustu öld.
táknaðar með örvum, sem vísa til þess
í hvaða átt einstaklingurinn ferðast
þegar hann er undir álagi og þegar
hann nýtur velgengni og er öruggur
með sig. Samkvæmt líkaninu tekur
hver og einn neikvæða eiginleika
frá tiltekinni annarri persónugerð
á álagstímum og sækir jákvæða
eiginleika til hinnar þriðju gerðar á
góðum tímabilum. Kannski er ofrausn
að tala um persónugerð því flokkunin
lýsir fremur þeirri lífssýn sem menn
velja sér á þröskuldi fullorðinsára, en
inn í það val spilar reyndar skapgerð
viðkomandi.
Lynne kynnti í lok fyrirlestrar síns
helgarnámskeið sem hún heldur um
ENNEAGRAM fræðin í gömlu sloti í
Englandi, ásamt með tveimur öðrum
konum, þar af er önnur nunna. Nunnan
sú er víst ótrúlega fundvís á að skera
sig úr í hópi annarra nunna þrátt fyrir
að þær séu allar klæddar eins, enda
„fjarki“, þ.e. í flokki númer fjögur, sem
hjá Lynne og fleirum er kallaður „The
Tragic Romantic“, en einstaklingarnir
í honum eru þekktir fyrir að vera
„soldið spes“ eins og Helga Braga
orðar það í ostaauglýsingu. En að öllu
gamni slepptu þá er ENNEAGRAM
miklu meira en bara partíleikur og
víða um heim er fólk farið að nota
þetta greiningar- og þroskatæki í
ýmsu skyni, til að velja í kviðdóm,
skapa trúverðugar sögupersónur og
skilja þennan erfiða í fjölskyldunni svo
einungis fátt eitt sé nefnt. Fyllilega
þess virði að kíkja á … og auðvelt að
sökkva sér ofan í, enda upphaflega
ættað frá Austurlöndum eins og Feng
Shui, búddisminn og jógað.
keg
27