Þjóðmál - 01.09.2013, Blaðsíða 58

Þjóðmál haust 2013 57

því miður, ekki fremur en flest ríki ESB .
Nú er evrusamstarfið algerlega undir
Þjóðverjum komið — og því er rétt að líta
á það í stuttu máli hvers vegna „Evrópa þarf
að tala þýzku“ til að myntsamstarfinu verði
bjargað .
Samkeppnishæfni
Á fundum æðstu ráðamanna Evrópu sam ­
bandsins hamrar forysta Þýzkalands á nauð­
syn þess að ESB­ríkin auki sam keppnis­
hæfni sína til að evran fái staðizt til lengdar .
Sé starfsmannakostnaður á staðlaða virðis­
einingu (e . unit labour cost) settur á 100
árið 2000 er hann nú 105 hjá Þýzkalandi,
122 hjá Bandaríkjunum, 125 hjá Spáni,
128 hjá Frakklandi, 135 hjá Ítalíu og 137
hjá Bretlandi . Framleiðniþróunin hefur á
þennan mælikvarða orðið með hrikalega
misjöfnum hætti sem augljóslega leiðir til
gríðarlegs samkeppnisforskots Þýzkalands,
en lönd utan evrunnar geta haldið sér á floti
um sinn með gengislækkun .
Það hefur komið fram að Boris Johnson,
borgarstjóri Lundúnaborgar, er hrifinn
af Þjóðverjum nútímans og vill að Bretar
taki þá að sumu leyti sér til fyrirmyndar .
Hann segir ekki nokkra ástæðu til að óttast
Þjóðverja . Lítil viðkoma þeirra undirstrikar
að slíkt mat er rétt . Meginmarkmið Þjóðverja
með öllum þessum ESB­bægslagangi er að
koma Evrópu í forystu sæti heimsins hvað
samkeppnishæfni varð ar. Þess vegna vilja
Þjóðverjar halda í Breta innan ESB og fá
hreyfanlega Pól verja inn í evrusamstarfið til
að vega upp á móti stöðnuðum Frökkum . Að
líkja Boris Johnson við Neville Chamberlain,
þegar þessir tveir menn komu af fundum
með gjörólíkum leiðtogum Þjóðverja við
ósambærilegar aðstæður, eins og fyrr ver­
andi ritstjóri Morgunblaðsins hefur ritað á
Evrópuvaktinni, er óboðlegt .
Árangurinn af umbótum Þjóðverja á
hagkerfi sínu síðan um síðustu aldamót er
mikill . Til marks um það er að atvinnuleysið
var þá á meðal hins versta í iðnríkjunum
en nú er atvinnuleysið aðeins 5,4% og á
meðal hins lægsta sem þekkist . Atvinnuleysi
ungs fólks er aðeins 8%, helmingur á
við Bandaríkin og aðeins þriðjungur
meðaltalsins í Evrópu .
Árið 2003 lækkuðu jafnaðarmenn skatta
og losuðu um ýmis höft á vinnumarkaðin­
um sem hömluðu nýráðningum og upp­
sögnum . Fulltrúar starfsmanna í stjórn­
um fyrirtækjanna eru taldir hafa haldið
aftur af launakröfum sem eflt hefur sam­
keppnishæfnina . Á tímabilinu 2001–2010
hækkuðu laun að meðaltali aðeins um 1,1%
á ári að nafngildi, sem þýðir að laun stóðu
í stað að raungildi, en kaupmáttur jókst
hins vegar vegna skattalækkana . Í anda
Boris Johnson eigum við Íslendingar að
Á rangurinn af umbótum Þjóðverja á hagkerfi sínu síðan
um síðustu aldamót er mikill . Til
marks um það er að atvinnuleysið
var þá á meðal hins versta í
iðnríkjunum en nú er atvinnuleysið
aðeins 5,4 % og á meðal hins lægsta
sem þekkist . . . Árið 2003 lækkuðu
jafnaðarmenn skatta og losuðu um
ýmis höft á vinnumarkaðin um sem
hömluðu nýráðningum og upp­
sögnum . . . Á tímabilinu 2001–2010
hækkuðu laun að meðaltali aðeins
um 1,1% á ári að nafngildi, sem
þýðir að laun stóðu í stað að
raungildi, en kaupmáttur jókst hins
vegar vegna skattalækkana .