Kvennalistinn á Akureyri - 01.05.1990, Blaðsíða 7
Sigurlaug B. Arngrímsdóttir:
Líknaimeðferð
Hin síðari ár hefur umræða um
viðhorf og umönnun dauðvona
sjúklinga aukist mjög meðal starfs-
fólks heilbrigðisstétta og almenn-
ings. Erlendis hafa risið sérstakar
stofnanir eða deildir sem þjóna
eingöngu dauðvona sjúklingum.
Ástæður þessarar þróunar eru
margar. Það að eitt sinn skal hver
deyja vitum við öll og er eðlilegur
hluti af lífinu. sem oft er erfitt að
skilja. Vegna þeirrar þjóðfélags-
breytingar sem orðin er, deyr fólk
sjaldnast í heimahúsi eins og oft var
hér á landi áður fyrr. Stofnanir og
starfsfþlk hefur tekið að sér um-
önnun fólks sem er að lifa sína síð-
ustu daga, mánuði eða ár. Líknar-
meðferð bvggist á ákveðnum við-
horfum um hvernig skuli með-
höndla, annast og umgangast
dauðvona fólk. Með líknarmeðferð
er átt við heildræna meðferð sjúkl-
inga og aðstandenda þeirra, sem
felur í sér m.a.:
a) markvissa einkenna meðferð
samkvæmt nvjustu þekkingu á
hverjum tíma.
Sigurlaug B. Arngrímsdóttir.
b) andlega. félagslega og trúarlega
umönnun.
c) stuðning til að takast á við
sjúkdóm og sorg fyrir og eftir
missi ástvinar.
d) stuðning til að sjúklingur geti
dvalið á eigin heimili ef hann
óskar og aðstæður leyfa, þannig
að hann geti tekið sem virkastan
þátt í lífinu þrátt fyrir sjúkdóm
og yfirvofandi dauða,
e) friðsælan dauðdaga með virð-
ingu og reisn,
f) stuðning við starfsfólk er annast
skjólstæðinga.
(Úr starfsreglum
fyrir Ráðgjafanefnd
um Líkn.)
Flestir þeir sem hafa hugleitt
þessi mál eða kynnst þeim af eigin
raun vita hve mikilvægt það er
hvernig dauðvona fólki og að-
standendum þeirra er sinnt við
þessar erfiðu aðstæður.
Mikill áhugi er hjá starfsfólki í
heilbrigðiskerfinu að geta veitt
góða þjónustu í anda líknarmeð-
ferðar, en grundvöllur þess er að
geta annast dauðvona sjúklinga í
heimahúsi þegar þeir velja að
dvelja heima í styttri eða lengri
tíma. Til að slíkt sé framkvæman-
legt þarf að fá stöðu fyrir heima-
hlvnningu við Heilsugæslustöðina.
Frá Hitaveitu Akureyrar
vegna rafhitaðs húsnæðis
Hitaveitan vill minna á afslátt sem veittur er á orkugjöldum þeirra er breyta úr
rafhitun í hitaveituhitun. Sérstaklega vill hitaveitan benda á aö því fyrr sem
tengst er hitaveitunni, þeim mun meiri veröur heildarafslátturinn. Einnig er bent
á aö húsnæðisstofnun veitir hagstæð lán til framkvæmda þegar breytt er úr
rafhitun í hitaveituhitun.
Allar nánari upplýsingar fást á skrifstofu Hitaveitu Akureyrar,
Hafnarstræti 88b. Sími 22105.
BS-nám í búvísindum
Við Hvanneyrarskóla í
Borgarfirði er boðið
upp á 3 ára
(90 eininga) nám í
búfræði á háskólastigi.
Námið: Miðast við þarfir þeirra kvenna og karla, er
vilja búa sig undir að stunda ráðgjöf, kennslu og
rannsóknir í ýmsum greinum landbúnaðar, eða
annast önnur ábyrgðar- og stjórnunarstörf í þágu
hans.
Inntökuskilyrði: Stúdentspróf eða sambærilegt
framhaldsnám, svo og búfræðipróf, er stúdentar
geta lokið á einu ári.
Viðfangsefni: Undirstöðunám í líf- og efnafræði
landbúnaðar, hagfræði og aðferðafræðum. Fræði-
legt og hagnýtt nám í jarðyrkju, gróðurrækt og
landnýtingu, fóðurfræði og fóðuröflun, landbún-
aðartækni og hinum ýmsu greinum búfjárræktar,
svo sem nautgripa-, sauðfjár- og hrossarækt, fisk-
og loðdýrarækt, alifugla- og svínarækt. Rekstrar-
fræði, markaösfræði og bústjórn.
Fjórðaársnám: Nemendum gefst kostur á viðbót-
arnámi; sérhæfðu 30 eininga námi og rannsóknar-
þjálfun, sem skipulagt er við búvísindadeild (BS
120).
Aðstaða: Nemendagarðar og heimavist, fjölbreytt-
ur búrekstur og tilraunir í jarðrækt og búfjárrækt,
nábýli við aðrar búfræðistofnanir, rannsóknastof-
ur, gróðurhús og bókasafn. Leikskóli og grunnskóli
er á staðnum; 14 km í næsta kaupstað.
Umsóknir: Sendist til skólastjóra Hvanneyrarskóla.
Þeir sem hyggjast hefja nám við deildina nú í haust
(15. sept.) skulu senda skriflegar umsóknir sínar
fyrir 10. júní nk. studdar nauðsynlegum prófskír-
teinum. Allar nánari upplýsingar um búvísinda-
námið eru veittar á Hvanneyri.
Bændaskólinn á Hvanneyri - búvísindadeild
311 - Borgarnesi - sími 93-70000
FJÓRÐUNGSSJÚKRAHÚSIÐ
Á AKUREYRI
Fjórðungssjúkrahúsið
á Akureyri
Lausar eru til umsóknar fastar stöður og afleys-
ingastöður HJÚKRUNARFRÆÐINGA á:
Barnadeild.
Handlækningadeild,
Gjörgæsludeild,
Skurð- og svæfingadeild,
Lyfjadeild,
Geðdeild.
Byrjunartími: Strax eða eftir samkomulagi.
Aðiögun: Deildarbundnar aðlögunaráætlanir.
Boðið er upp á einstaklingsbundnar brautir fyrsta
starfsárið.
Upplýsingar gefa hjúkrunarframkvæmdastjórar,
Svava Aradóttir og Sonja Sveinsdóttir, alla virka
daga á milli kl. 13.00 og 14.00
FJÓRÐUNGSSJÚKRAHÚSIÐ
Á AKUREYRI
Laus er til umsóknar ein staða trésmiðs
á Fjórðungssjúkrahúsinu á Akureyri.
Staðan veitist frá 1. júní n.k. Nánari upplýsingar um
nám og fyrri störf, sendist Halldóri Jónssyni fram-
kvæmdastjóra fyrir 20. maí n.k.
Fjórðungssjúkrahúsið á Akureyri.
Bæjarfógetinn á Akureyri og Dalvík
sýslumaðurinn í Eyjafjarðarsýslu
Auglýsing
um utankjörfundar-
atkvæðagreiðslu
Utankjörfundaratkvæðagreiðsla vegna sveitar-
stjórnarkosninga 26. maí 1990 hófst 31. mars sl.
Kosið er á skrifstofu embættisins að Hafnarstræti
107, Akureyri, 3. hæð, alla virka daga á venjulegum
skrifstofutíma frá kl. 9:30 til kl. 12:00 og kl. 13:00 til
kl. 15:30 svo og kl. 17:00 til 19:00 og kl. 20:00 til kl.
22:00. Laugardaga og sunnudaga kl. 13:00 til kl.
16:00 svo og 24, maí (uppstigningardag).
Á skrifstofu embættisins í Ráðhúsinu Dalvík er
kosið kl. 16:00-18:00 alla virka daga svo og kl.
11:00-12:00 á laugardögum svo og á öðrum tímum
eftir samkomulagi við Gíslínu Gísladóttur, fulltrúa á
Dalvík.
Kosið er hjá hreppstjórum eftir samkomulagi við
þá.
Kjósendur eru sérstaklega hvattir til að nota
tímann utan hins venjulega skrifstofutíma,
því þá má vænta skjótari þjónustu.
Akureyri 5. maí 1990.
Bæjarfógetinn á Akureyri og Dalvík,
sýslumaðurinn í Eyjafjarðarsýslu.
Eftirtaldir
aðilar
styrktu útgáfu
blaðsins
MOL&
SANDUR HF.
v/Súluveg
Pósthólf 618 - Akureyri
Sími (96)21255
Bólstrun
Björns
Sveinssonar
Geislagötu 1, sími 25322.
Akureyringar!
Munið sameiginlega
framboðsfundinn
föstudagskvöldið
18. maí
í Alþýðuhúsinu
kl. 20.30.
KVENNALISTINN - 7