Kvennalistinn á Akureyri - 01.05.1990, Blaðsíða 8

Frá kosningastjórn
Kosningaskrifstofa Kvennalistans er í Brekkugötu 1,
2. hæð. Hún er opin alla virka daga milli kl. 16 og
18. Síminn er 96-11040.
Kosningasjóður hefur ávísanareikning nr. 110 í Spari-
sjóði Glæsibæjarhrepps, Brekkugötu 1.
Kosningastýra er Vilborg Traustadóttir.
Akureyringar
Lítið inn þegar þið eigið leið um miðbæinn. Kynnið ykkur
stefnuskrá Kvennalistans í bæjarmálum og tjáið ykkur um
það sem ykkur liggur á hjarta um málefni bæjarins. Kosn-
ingastýra skipuleggur sérstaka viðtalstíma við frambjóð-
endur ef óskað er, einnig vinnustaðafundi. Kjörskrá liggur
frammi á skrifstofunni. Öll aðstoð við utankjörstaðaat-
kvæðagreiðslu er veitt þar.
Við erum hressar og kátar á vordögum en tökum með
þökkum öllum vinnufúsum höndum í kosningabaráttunni.
Málmfríður Sigurðardóttir:
Eiga konur eríndi
í bæjarstióm?
Enn á ný kveða konur sér hljóðs við
bæjarstjórnarkosningar á Akureyri.
Á vordögum 1982 komu konur á
Akureyri fram á sjónarsviðið við
kosningar til bæjarstjórnar til að
láta raddir og skoðanir kvenna
Málmfríður Sigurðardóttir.
heyrast. Konur vildu annað gildis-
mat en það sem ríkti. Þær vildu
draga aðstæður kvenna fram í
dagsljósið, gagnrýna aðbúð barna,
unglinga og gamalmenna og koma
með tillögur til úrbóta. Konur vildu
aðra forgangsröð en þeir sem setja
steinsteypubákn, glerhallir og
bruðl ofar mannlegum verðmæt-
um. Konur spurðu: Fyrir hverja er
þetta þjóðfélag, í hvernig samfélagi
viljum við lifa? Konur vildu setja
velferð fólks í öndvegi og koma
konum að til að það mætti takast.
Konur vildu berjast gegn ógnar-
valdi efnishyggjunnar og byrjun
þess var að komast að í sveitar-
stjórnunum, því þar er fjallað um
nánasta umhverfi okkar allra og
tekið á þáttum sem móta lífskjör og
aðstæður kvenna á margvíslegan
hátt — svo sem aðbúnaði barna,
fyrirkomulagi í skólamálum, þjón-
ustu við aldraða, húsnæðismálum.
launakjörum kvenna og atvinnu-
málum. Allt eru þetta mál sem
konur varðar.
Konur hafa sannarlega lært
margt á þeim árum sem liðin eru
síðan þær fóru í framboð. Við höf-
um lært að ekki er einhlítt að
treysta á samstöðu kvenna innan
sveitar- og bæjarstjórna. Flokks-
hollusta ræður oft þó að hagsmunir
kvenna séu í húfi. Við höfum lært
að kerfið er þungt í vöfum, þyngra
en við héldum, og oft er það án
miskunnar. Við höfum lært að þrek
og þrautseigju þarf til að starfa í
sveitarstjórnum, en við höfum líka
iært að það skiptir máli að við séum
þar. Við náum fram einstöku mál-
um, raddir koma fram sem annars
myndu ekki heyrast. karlasjónar-
miðin eru undir stöðugri gagnrýni
og með tímanum hefur það áhrif.
Okkur miðar fram á veg.
Jafnrétti kvenna og karla er lög-
boðið í landi okkar og margir virð-
ast álíta að það ríki i raun. En jafn-
rétti er aðeins í orði — ekki á borði.
Launastefnan í þjóðfélaginu
veldur því að fjölskyldan þarf tvær
fyrirvinnur, ekki síst ef menn gerast
svo djarfir að vilja eiga þak yfir
höfuðið. Flestar konur eru nauð-
beygðar til að vinna utan heimilis,
þær eiga ekkert val.
Kynskiptur vinnumarkaður er
staðreynd og þar eru kvennastörfin
metin til lægri launa en störf karla.
Aðstaða kvenna til vinnu utan
heimilis er mun lakari en karla, enn
eru það þær sem bera ábyrgð á
börnum og fjölskyldulífi. Skortur á
dagvistum og sundurslitinn skóla-
dagur veldur útivinnandi konum
ómældum erfiðleikum og hugar-
angri — en bitnar þó hvað harðast
á börnunum. f þessum efnum ríkir
ekkert jafnrétti.
Nú hefur ríkt samdráttarskeið,
sumir segja kreppa. Á hverjum
bitnar það harðast nema konum?
Atvinnúleysi á landinu er allt að
helmingi meira meðal kvenna en
karla. Þess vegna lagði þingflokkur
Kvennalistans fram frumvarp á
Alþingi í vetur,' að tilhlutan
Kvennalistans á Akureyri, um að
stofnuð yrði sérstök deild með 200
m.kr. framlagi við útibú Byggða-
stofnunar á Akureyri til að veita
ráðgjöf og aðstoða við atvinnu-
uppbyggingu fyrir konur. Minna
má á að eitt atvinnutækifæri í álveri
er talið kosta um 200 m.kr., en fyrir
viðlíka upphæð er líklegt að leysa
mætti úr atvinnuþörf fjölda
kvenna. Þetta frumvarp hlýturekki
náð fyrir augum ráðamanna sem
telja að með því sé verið að draga
fólk í dilka eftir kynjum. Þeir hafna
þeirri staðreynd að vinnumarkað-
urinn er kynskiptur og þar standa
konur höllum fæti. Úrræði stjórn-
valda í atvinnumálum miðast nær
eingöngu við þarfir karla þótt kon-
ur séu engu síður í fyrirvinnuhlut-
verkinu en þeir.
Er ekki full ástæða fyrir konur að
vekja athygli á hugarfarinu sem
liggur að baki umræðunni um
virkjanir og stóriðju, skilningsleys-
inu á atvinnuþörf kvenna, virðing-
arleysinu fyrir náttúrufari lands
okkar og þeim gæðum sem það býr
yfir? Konur mega ekki láta deigan
síga í baráttunni gegn þessum úr-
eltu viðhorfum.
Þess vegna eiga konur fullt erindi
i bæjarstjórn á Akureyri. Þar, eins
og annars staðar, verða þær að
standa saman og berjast fyrir því að
fá einhverju ráðið um aðbúnað og
lífskjör sín og sinna. Berjast fyrir
því að öll mál séu skoðuð frá sjón-
arhóli kvenna — að rök kvenna
heyrist — að raddir þeirra heyrist.
Enn á ný verða þær að greina sam-
félagið sem við búum í, benda á
kosti þess og galla og lýsa fyrir
öðrum því þjóðfélagi sem þær vilja
sjá — þjóðfélagi sem hverfur frá
rányrkju, mengun og landeyðingu
en byggir á jafnvægi milli nýtingar
og náttúru, þjóðfélagi sem metur af
sanngirni vinnuframlag kvenna og
launar þeim samkvæmt því. Þjóð-
félagi sem hlúir að fjölskyldulífi og
börnum og býr þeim þroskavænleg
skilyrði. Að þannig þjóðfélagi vilja
konur vinna.
Kvennalistinn vill að Akureyrarbær hvetji
fyrirtæki í frumvinnslugreinum til að full-
vinna hráefni sitt til útflutnings og veiti að-
stoð í markaðsmálum.
AKUREYRARBÆR
Skólagarðar
Skráning 10,11 og 12 ára unglinga (árgangar ’78, '79 og
’8o) sem vilja nýta sér aðstöðu í skólagörðum bæjarins
á komandi sumri hefst miðvikudaginn 2. maí.
Skráning fer fram á Vinnumiðlunarskrifstofunni Gránu-
félagsgötu 4, (sími 24169) frá kl. 9-12 og 13-16 alla virka
daga.
Vinsamlegast hafið tiltækar kennitölur umsækjenda og
framfæranda við innritun.
Skráningu lýkur föstudaginn 18. maí.
Umhverfisstjóri.
Unglingavinna
Skráning 13,14 og 15 ára unglinga (árgangur '75, ’76 og
’77) sem óska eftir sumarvinnu hefst miðvikudaginn 2.
maí.
Skráning fer fram á Vinnumiðlunarskrifstofunni Gránu-
félagsgötu 4, sími 24169 frá kl. 9-12 og 13-16 alla virka
daga.
Vinsamlegast hafið tiltækar kennitölur umsækjenda og
framfæranda við innritun.
Skráningu lýkur föstudaginn 18. maí.
Umhverfisstjóri.
Auglýsing um umferð
á Akureyri
Að gefnu tilefni er vakin athygli á eftirfarandi reglum um
umferð í göngugötunni á Akureyri.
öll umferð ökutækja um göngugötuna í Hafnarstræti er
bönnuð, nema takmörkuð umferð vegna vörulosunar og
flutnings á sjúklingum og hreyfihömluðum að og frá
heilsugæslustofnunum. Aksturstefna er frá suðri til
norðurs og til austurs sunnan Ráðhústorgs.
Allar bifreiðastöður í göngugötunni eru bannaðar, nema
fyrir hreyfihamlaða.
Hámarkshraði fyrrgreindra ökutækja um göngugötuna
er 10 km miðað við klukkustund.
Bæjarverkfræðingurinn á Akureyri.
Lóðahirðing
öldruðum og öryrkjum býðst aðstoð við hirðingu og
siátt lóða á komandi sumri.
Þeir sem vilja notfæra sér þessa þjónustu geta fengið
nánari upplýsingar með því að hringja í síma 21281 alla
virka daga milli kl. 10.30 og 12.00.
Þeir sem hafa notið þjónustu áður og óska eftir henni
áfram eru einnig beðnir að hafa samband.
Æskilegt er að þantanir vegna sumarsins þerist fyrir 25.
maí nk.
öldrunardeild.