Tímarit hjúkrunarfræðinga - 01.02.1999, Blaðsíða 58
Aðalbjörg J. Finnbogadóttir
'HjukruKAY'^ÍH.A
Félags íslenskra hjúkrunarfræðinga
Hjúkrunarþing Félags íslenskra hjúkrunarfræðinga var
haldið föstudaginn 13. nóvember 1998 í Borgartúni 6. Á
þinginu var fjallað um stefnu félagsins í hjúkrunar- og
heilbrigðismálum og kynnt stefna fag- og svæðisdeilda.
Þar voru fluttir fyrirlestrar og unnið í umræðuhópum.
Formaður félagsins, Ásta Möller, setti þingið. Fundar-
stjóri var Hildur Helgadóttir. Erindi fluttu Ólafur Ólafsson,
landlæknir, sem fjallaði um framtíðarskipulag sjúkrahúsa,
Anna Lilja Gunnarsdóttir, forstöðumaður áætlana- og hag-
deildar Ríkisspítala, sem ræddi almennt um stefnumótun,
tilgang og ávinning, og Ásta Möller sem kynnti stefnu-
mótun Félags íslenskra hjúkrunarfræðinga I hjúkrunar- og
heilbrigðismálum.
Eftir hádegi var unnið í umræðuhópum.
Alls tóku þátt í umræðum 6 hópar sem fjölluðu um
stefnu Félags íslenskra hjúkrunarfræðinga í heilbrigðisþjón-
ustu aldraðra, geðheilbrigðismálum, hjúkrun gjörgæslu-
sjúklinga, heilsugæslu, sjúkrahúsþjónustu og hjúkrunar- og
heilbrigðismálum í dreifbýli.
Hver hópur fékk eftirfarandi fyrirmæli varðandi hópvinn-
una: Með hliðsjón af fyrirliggjandi gögnum um stefnu fag-
og svæðisdeilda Félags íslenskra hjúkrunarfræðinga, sem
liggja fyrir hjúkrunarþingi, eru vinnuhópar beðnir um að
fjalla um eftirfarandi spurningar:
1. Hverjir eru 3-5 helstu áhersluþættir eða brýnustu verk-
efni viðkomandi sérsviðs hjúkrunar í nánustu framtíð
þegar tekið er mið af hagsmunum skjólstæðinga?
2. Hvaða leiðir telur hópurinn vænlegastar til árangurs?
3. Hverjir þurfa að koma að þessum verkefnum (félagið,
fagdeildin, samstarfsaðilar, aðrir) og hver yrði verka-
skipting milli þeirra?
Hér á eftir fara helstu niðurstöður hópanna.
Stefna Félags íslenskra hjúkrunarfræðinga í heil-
brigðisþjónustu aldraðra.
Helstu áherslur eða brýnustu verkefni í öldrunarhjúkrun eru:
1. Einstaklingsbundin þjónusta sem tekur mið af þörfum
einstaklingsins og samfélagsins. Að þjónusta sé veitt af
faglegri þekkingu.
2. Stuðla að fræðslu og forvörnum fyrir aldraða.
3. Spítalatengd heimahlynning í tengslum við öldrunar-
lækningadeildir.
4. Leiðbeiningastöð aldraðra á heilsugæslustöðvum.
58
5. Samræming á heimilishjálp og heimahjúkrun.
6. Glæða áhuga hjúkrunarfræðinga á öldrunarhjúkrun og
stuðla að frekari menntun í greininni.
Til að ná sem bestum árangri þarf að fara fram
stefnumótunarvinna þar sem farið er yfir allt þjónustuferlið.
Hver öldrunarstofnun skilgreini þá þjónustu sem hún ætlar
að veita og geri þjónustusamning á grundvelli þess.
Hjúkrunarfræðingar, sem hafa þekkingu á málefnum
aldraðra, vinni að stefnumótuninni á grundvelli rannsókna
og með öðrum fagaðilum. Félagið og fagdeild öldrunar-
hjúkrunarfræðinga og fagdeild heilsugæsluhjúkrunarfræð-
inga yrðu ráðgefandi aðilar.
Stefna Félags íslenskra hjúkrunarfræðinga í geðheil-
brigðismálum.
Helstu áherslur eða brýnustu verkefni í geðheilbrigðismálum:
1. Fjölga hjúkrunarfræðingum í geðhjúkrun.
2. Auka sérhæfða þjónustu við geðfatlaða.
3. Auka fyrirbyggjandi þjónustu, t.d. á heilsugæslu-
stöðvum.
4. Minnka fordóma í þjóðfélaginu.
5. Áfengis- og vímuvarnameðferð.
6. Auka þjónustu í fangelsum.
Til að ná sem mestum árangri þarf að auka menntunar-
möguleika hjúkrunarfræðinga í geðhjúkrun og koma á fót
stöðuheimildum fyrir geðhjúkrunarfræðinga á heilsugæslu-
stöðvum og í fangelsum. Auka þarf fræðslu um geðsjúk-
dóma og geðheilsuvernd, fjölga sérhæfðu starfsfólki og
meðferðarúrræðum fyrir geðfatlaða auk þess að leggja
aukna áherslu á fyrirbyggjandi aðgerðir hjá börnum og
unglingum vegna áfengis- og vímuefnanotkunar.
Eftirtaldir aðilar þurfa að koma að málum auk fagdeild-
ar geðhjúkrunarfræðinga: menntastofnanir hjúkrunarfræð-
inga, heilsugæsluhjúkrunarfræðingar, ýmsir faghópar og
heilbrigðisráðuneytið, félagsmálaráðuneytið, menntamála-
ráðuneytið og dómsmálaráðuneytið.
Stefna Félags íslenskra hjúkrunarfræðinga í gjör-
gæsluhjúkrun.
Helstu áherslur eða brýnustu verkefni í gjörgæsluhjúkrun:
1. Framhaldsnám í gjörgæsluhjúkrun.
Tímarit hjúkrunarfræðinga
1. tbl. 75. árg. 1999