Breiðfirðingur - 01.04.1951, Blaðsíða 52

42
BREIÐFIRÐINGUR
frá Hliðsnesi og öðrum bæjum þar flutt á hestvagni að Lundi
og dreift þaðan út um bæinn.
I Lundi byggði Stefán vindmyllu og malaði þar m. a. banka-
bygg og rúg heilan, til þess að fá betra rúgmjöl í brauð og lét
bakara baka úr þessu mjöli brauð, er voru og þóttu betri og
hollari en rúgbrauð úr erlendu „sigtuðu“ mjöli.
Arið 1907 festi hann kaup í Suður-Reykjum í Mosfellssveit
og hóf þar búskap þá um vorið.
Arið 1901 hóf Stefán útgáfu tímarits, er hann nefndi „Hlín“
og kom út til 1905. Þar ritaði hann aðallega um verkleg mál og
benti þar á ýmislegt, sem ekki þekktist þá hér á landi', svo sem
frystingu og kælingu kjöts til útflutnings, sem komst til fram-
kvæmda 25 árum síðar, birti leiðbeiningar um smjörgerð, með-
ferð mjólkur, notkun skilvindu, prjónavéla og annarra heimils-
véla og margt fleira. Var hún mikið keypt út um land og ritaði
hann mest sjálfur í ritið, en auk þess ýmsir aðrir, svo sem Hall-
grímur Jónsson kennari, síðar skólastjóri., Páll Eggert Olason
o. fl. Jafnframt hélt hann ávallt áfram að verzla með heimilis-
og búnaðarvélar og áhöld og fylgdist vel með öllum nýjungum
á því sviði og flutti þær jafnóðum til landsins.
A Reykjum setti Stefán upp kúabú og hafði um 20—30 kýr
í fjósi og var það þá stærsta kúabú á landinu. Seldi hann mjólk-
ina til Reyjcjavíkur og keypti einnig mjólk af nágrannabændun-
um, sem ekki höfðu tök á að flytja mjólkina sjálfir til Reykja-
víkur, því að þá lá enginn akfær vegur lengra upp í Mosfells-
sveit en að Grafarholti. Það var því fyrsta verk Stefáns að láta
ryðja akfæran veg frá Grafarholti og upp að Reykjum, til þess
að geta notað hestvagn til mjólkurflutningsins. Fékk hann Helga
bónda í Reykjahvoli í lið með sér og lögðu þeir veg þennan í
sameiningu, enda hóf þá Helgi mjólkursölu upp úr því og
síðan hver bóndinn af öðrum þar í kring. Aður hafði engin mjólk
verið seld úr Mosfellssveit. Fjölgaði óðum kúm hjá bændum
þar, en þéir fengu markað fyrir mjólkina og má segja, að þetta
væri upphaf kúabúa í nágrenni lleykjavíkur og þar með á Is-
landi.
Á Reykjum gerði Stefán ýmsar endurbætur þau sjö ár, er hann