Breiðfirðingur - 01.04.1951, Blaðsíða 85
BREIÐFIRÐINGUR
75
heilum mannsaldri. Hefði hann ekki fæðst fyrr en íslendingar
höfðu eignazt kaupskip og sigla um öll heimsins höf, hefði hann
áreiðanlega ekki alið allan aldur sinn í Breiðafirði. Saga hans-
hefði þá orðið allt önnur og kannske meiri. Hafi nokkur maður
haft eðli og upplag til þess að:
„fara á brott með víkingum,
stancla upp í stafni
stýra dýrum knerri,
halda svo til hafnar,“
þá var það Pétur Kúld.
Enginn hefði sómt sér betur í brúnni á hinurn glæsilegu ís-
lenku kaupskipum en hann. Enginn verið öruggari stjórnari.
Vöxturinn, yfirbragðið, framkoman, minnti á fyrirmanninn, höfð-
ingjann er svo vel hefði sómt sér meðal þeirra, sem fremstir fóru
og báru fána íslands hæst og lengst um úthöfin.
Pétur Kúld kvæntist 12. desember 1902 Hallfríði Aradóttur
frá Múla í Gufudalssveit, og reyndist hún manni sínum tryggur
og raungóður förunautur til æviloka.
Börn þeirra voru þessi:
Ingólfur, fæddur 1. október 1902, nú sjómaður í Reykjavík.
Agúst, fæddur 2. ágúst 1906, skipstjóri í Flatey á Breiðafirði.
Pétra Sveinsína, fædd 12. október 1910. Hún dó um fermingar-
aldur.
Bræðurnir eru báðir dugnaðarmenn og kippir í kynið um sjó-
mennsku og aflabrögð.
Pétur Kúld lézt að heimili sínu í*Flatey 22. ágúst síðastliðinn.
hann lét ekki eftir sig stór skip, jarðir eða húseignir, né neitt það
sem gerir menn að miklum mönnum í augum fjöldans nú á dög-
um. Og þar hrökk ekki maður úr háu embætti þegar hann fór.
Vegtyllur eða virðingarstöður voru honum engar boðnar um dag-
ana og hann sóttist heldur ekki eftir þeim, En með honum hvarf
af sjónarsviðinu einn sérkennilegasti Breiðfirðingur sinnar sam-
tíðar, sannur fulltrúi horfinnar sjómannastéttar — síðasti víking-
urinn. Og hljótt verður þá orðið um margan samtíðarmanninn,.
þegar Pétur Kúld er alveg gleymdur.
Bergsveinn Skúlason.