Morgunblaðið - 12.07.1980, Blaðsíða 2
2
MORGUNBLAÐIÐ, LAUGARDAGUR 12. JULI 1980
Ástandið ekki svo
slæmt í áratugi
— segir Matthías Bjarnason um
frystihúsin á Vestfjörðum
— ÁSTANDIÐ í frystihúsarekstri hefur ekki verið svona slæmt í
áratuKÍ ok jafnvel vel rekin hús, sem ekki hafa lent í erfiðleikum, eiga
nú við vanda að stríða, sagði Matthias Bjarnason alþinKÍsmaður er
Mbl. spurði hann um ástand frystihúsa á Vestfjörðum.
Þá furða ég mig á að ráðherrar
skuli telja ísfiskmarkaðinn ónot-
aðan þegar framleiðslan fer ekki
út úr húsunum, en ef til eru fleiri
markaðir þá eigum við ekki að
kasta þeim frá okkur.
— Sum frystihúsin á Vestfjörð-
um hafa staðið framar mörgum
öðrum á landinu þótt finna megi
undantekningar, en ég sé ekki
annað en það sé nú liðin tíð og
ekki minni vandi hjá húsunum á
Vestfjörðum en víðast hvar.
Birgðasöfnunin er ekki allt vanda-
málið, frystiiðnaðurinn er nú rek-
inn með halla og hann hefur orðið
að taka á sig heimatilbúinn vanda,
sem hér hefur verið látinn þróast.
Tilkostnaðurinn vex alltof hratt
vegna rangrar stjórnarstefnu og
þar er verðbólgan erfiðasti vand-
inn. Allar ríkisstjórnir fram til
þessa hafa gert tilraun til að
halda í við verðbólguna, en ég hefi
ekki séð neitt í þá átt hjá
núverandi ríkisstjórn að öðru leyti
en því að atvinnufyrirtækin fá
ekki að hækka þjónustu sína þrátt
fyrir að þau verði fyrir hækkunum
og þar með stefnt í atvinnuleysi.
SÍS styrkir „ár trésins“
Menningarsjóður Sambands íslenzkra samvinnufélaga hefur
gefið 2 milljónir króna vegna „árs trésins“. Formaður sjóðs-
stjórnar Erlendur Einarsson, forstjóri afhenti Oddi Andréssyni,
varaformanni Skógræktarfélags íslands þessa gjöf í gær. Myndin
er tekin við það tækifæri. — Ljósm. Mbl.: Emilía.
Verzlunarráð íslands um 200% hækkun fóðurbætisskatts:
Fyrirsjáanlegur skortur á
eggjum, fugla- og svínakjöti
— auk þess, sem verð mun stórhækka á þessum neyzluvörum
í TILEFNI af setningu bráða-
birgðalaga um 200% fóðurbætis-
skatt sendir Verzlunarráð ís-
lands frá sér svohljóðandi álykt-
un:
Verzlunarráð íslands mótmæl-
ir harðlega framkomnum bráða-
birgðalögum um 200% fóðurbæt-
isskatt, og vill benda á eftirfar-
andi máli sinu til stuðnings:
Þrátt fyrir, að yfirlýstur til-
gangur laganna sé að draga úr
mjólkurframleiðslu er ljóst, að
skattlagning þessi kemur hvað
harðast niður á búgreinum sem
sízt skyldi. Með því að hækka 50%
rekstrarkostnaðar fugla- og svína-
bænda um helming verður núver-
andi grundvelli kippt undan þess-
um búgreinum. Verður slíkt að
teljast afar óeðlileg ráðstöfun í
ljósi þess að þessar þúgreinar hafa
ætíð þurft að taka fulla ábyrgð á
framleiðslumálum sínum án nokk-
urs opinbers stuðnings og því ekki
valdið neinum þjóðhagslegum
vandamálum samfara framleiðslu
sinni.
í tilraun sinni til að koma að
einhverju leyti til móts við bænd-
ur í fugla- og svínarækt, hefur
Framleiðsluráð landbúnaðarins
alið af sér afar flókið kerfi
endurgreiðslu og fóðurskömmtun-
ar, sem felur í sér afturhvarf
Selá seld fyrir
350 milljónir kr.
GENGIÐ hefur verið frá sölu á
Selá. skipi Hafskips. til Austur-
landa að sögn Ragnars Kjartans-
sonar. framkvæmdastjóra og
skipið verður afhent kaupendum
um 20. júli n.k.
Söluverð Selár er um 350 millj-
ónir króna á gengi í dag, en skipið
var byggt árið 1966. Skipið er 530
brúttótonn.
Þá má geta þess að Hafskip
mun formlega taka við RO-RO-
skipunum, sem það hefur haft á
leigu undanfarna mánuði, með
haustinu, og verður félagið þá með
sex skip í siglingum.
20—30 ár aftur í tímann. Auk þess
að vera illframkvæmanlegt veldur
þetta kerfi fóðurseljendum stór-
auknu umstangi og kostnaði sem
þeir eiga að bera samfara fyrir-
sjáanlegum samdrætti í sölu og
versnandi afkomu, enda hafa regl-
ur þessar verið útbúnar án sam-
ráðs við þessa aðila. Verður að
telja slíkt óeðlileg vinnubrögð.
Með því að kippa grundvelli
undan framleiðslu eggja, fugla- og
svínakjöts er fyrirsjáanlegur
skortur á þessum neyzluvörum
auk þess sem umrædd skattlagn-
ing mun hafa í för með sér
stórhækkað verð á þessum vörum
til neytenda.
Verzlunarráð Islands ítrekar
því afdráttarlaus mótmæli gegn
því að hægt sé með lagasetningu
að grafa undan afkomu heilla
atvinnugreina og tefla í tvísýnu
lífsafkomu fjölda aðila, sem, á
engan hátt geta talist eiga þátt í
því vandamáli sem umræddri
lagasetningu er ætlað að leysa.
Verzlunarráðið skorar því á ríkis-
stjórnina að hún taki setningu
bráðabirgðalaga um 200% fóður-
bætisskatt til tafarlausrar endur-
skoðunar með það fyrir augum, að
fella niður skattinn í núverandi
mynd.
Sölumiðstöð-
in fær lóð
í Bretlandi
SÖLUMIÐSTÖÐ hraðfrysti-
húsanna hefur fengið út-
hlutað lóð í Bretlandi fyrir
starfsemi sem fyrirtækið
ákvað á síðasta aðalfundi
sínum að hefja þar í landi.
Er þar um að ræða lóð undir
frystigeymslu og fisk-
vinnsluaðstöðu.
Að sögn Guðmundar H.
Garðarssonar blaðafulltrúa
SH hefur Sölumiðstöðinni
borist skeyti um lóðaúthlut-
unina í Grimsby, en undir-
ritun samninga hefur ekki
farið fram. Að henni frá-
genginni hefjast fram-
kvæmdir. Kvað hann fyrst
myndu reista verða frysti-
geymslu og síðar húsnæði
undir aðra þá starfsemi sem
ráðlegt þætti að fara út í í
Bretlandi, en SH seldi þar í
fyrra 15 þúsund tonn.
Eimskipafélagið sel-
ur Álafoss og Kljáfoss
AÐ SÖGN Harðar Sigurgestssonar. forstjóra Eimskipafélags íslands,
eru sölusamningar nú á lokastigi varóandi sölu á tveimur skipum
félagsins, Álafossi og Kljáfossi, og verður væntanlega frá þessum
samningum gengið í næstu viku.
Kljáfoss verður seldur aðila
London og verður skráður undir
sýrlenzkum fána, en Kljáfoss er
eitt elzta skip félagsins, smíðaður
árið 1957. Kljáfoss verður afhent-
ur í lok mánaðarins. Kljáfoss er
499 brúttótonn að stærð, eða 1065
svokölluð dauðvigtartonn. Sölu-
Ekki á óvart
— segir formaður BSRB
— VIÐ teljum að sjálfsögðu
að viðræðurnar eigi að halda
áfram og að hér sé ekki um
neitt úrslitaboð að ræða, en
töldum okkur vera að stíga
skref í áttina til samninga,
þótt ég telji þá ekki hafa
verið komna á lokastigið.
sagði Kristján Thorlacius,
formaður BSRB, í samtali við
Mbl. í gær, er hann var
inntur álits á greinargerð
fjármálaráðherra við tilboði
BSRB.
— Mér komu viðbrögð ráð-
herra ekki á óvart, en ég tel að
við getum haldið áfram við-
ræðum. Það er búið að ræða
mikið um hvers kyns réttinda-
mál og félagslegu hliðina, en
við vorum svo til ekki byrjaðir
að ræða um launaliðinn og því
áreiðanlega mikið starf eftir
áður en samningar takast.
EINS og skýrt er frá í baksíðufrétt í blaðinu í dag beið sjötugur
maður bana i umferðarslysi á gatnamótum Elliðavogar og
Langholtsvegar i gær. Myndin sýnir slysstað. — Ljósm.: Július.
verð skipsins er í kringum 75
milljónir króna, en í því sambandi
ber að hafa í huga að hann verður
seldur fyrir mikla yfirferð og
endurnýjun. Kljáfoss hefur und-
anfarin ár verið í siglingum til
Weston Point í Bretlandi,
Álafoss verður seldur til fyrir-
tækis á Kýpur, en hann var
smíðaður árið 1971 og keyptur til
félagsins 1974. Álafoss er 499
brúttótonn að stærð, eða 1290
dauðviktartonn. Hann er nýkom-
inn úr mikilli endurnýjun og
yfirferð og söluverð hans er í
kringum 600 milljónir króna. Að
undanförnu hefur Álafoss verið í
siglingum til Svíþjóðar og Noregs
og fyrir hann mun koma annað
skip af sömu stærð. Hann verður
væntanlega afhentur í næsta
mánuði. Þá má þess geta, að önnur
tvö skip til viðbótar hafa verið á
sölu undanfarið og verður unnið
að þeim málum áfram.
Slysavarnafélag íslands:
Allir gúmbátar verði
búnir neyðartalstöðvum
„Á SÍÐASTA aðalfundi Slysa-
varnafélagsins voru dregin
saman i eina tillögu þau sjón-
armið sem komið hafa fram um
öryggisútbúnað á fiskiskipum,“
sagði Ilannes Þ. Ilafstein fram-
kvæmdastjóri Slysavarnafélags
íslands í samtali við Morgun-
blaðið í gær. „Tillagan er í
þremur liðum og er á þá leið að
öllum gúmbátum sé pakkað i
fíberglasshylki, verði húnir
sjálfvirkum sleppikrókum sem
opnast þegar bátur er kominn á
ákveðið dýpi og séu lika hand-
stýrðir, og að allir gúmbátar
verði búnir sjálfvirkum neyðar-
sendi sem sé pakkað með þeim.“
sagði Hannes. „Þannig að kom-
ist enginn að bátunum þá á
sjálfvirki sleppikrókurinn að
virka þannig að bátarnir fljóti
upp, neyðarsendingar byrji
strax og auðveldi þannig leit að
bátnum.“
Á undanförnum árum hafa
hin ýmsu félagasamtök ályktað
um þessi mál. auk Slysavarnafé-
lagsins. Má þar nefna sjóslysa-
nefnd og félagasamtök sjó-
manna. Framangreind tillaga
sem samþvkkt var á síðasta
þingi SVFÍ var unnin upp úr
þessum ályktunum og henni
beint til samgönguráðuneytis-
ins.