Tíminn - 07.10.1987, Blaðsíða 3

Miðvikudagur 7. október 1987
! Tíminn 3
Borgarráö:
Mikligarður
fær tíu ár
Mikligarður fær framlengingu á
rekstrarleyfi til tíu ára fyrir stór-
markað sinn í Holtagörðum. Petta
var niðurstaða borgarráðs í gær, en
þar voru málefni Miklagarðs til
umræðu. Mikligarðurfékk ásínum
tíma fimm ára rekstrarleyfi frá
þáverandi vinstri meirihluta borg-
arstjórnar. Borgarstjórn endurnýj-
aði það leyfi til tveggja ára rétt
fyrir síðustu kosningar.
Margir í hópi sjálfstæðismanna
hafa haft horn í síðu Miklagarðs á
þeim forsendum að stórmarkaður-
inn sé staðsettur á hafnarsvæði og
þar ætti ekki að vera verslunar-
starfsemi. Nú virðast þær raddir
hafa hljóðnað. Núverandi rekstrar-
leyfi gildir til ársloka 1988, þannig
að ef borgarstjórn staðfestir
ákvörðun borgarráðs mun Mikli-
garður eiga möguleika á að starfa
á hafnarsvæðinu all til loka ársins
1998 ef aðstandendur markaðsins
kjósa það. -HM
Gunnar Bjarnason formaður samtakanna „Skynsemin ræður“ bendir yfir hluta Trabantflotans, sem Gunnar
líkir VÍð stóðrétt. (Timamynd Pélur)
Trabant:
Er eins og hestur
- en hneggjar ekki
„Þetta er eins og stóðrétt í Lýt-
ingsstaðahreppi. Fimmtíu Tabantar
sem bíða þess að eigendurnir sæki
þá,“ sagði Gunnar Bjarnason
hrossaræktarráðunautur um Tra-
bantana sem lagt hafði verið í portið
hjá Ingvari Helgasyni og biðu eftir
því að Bifreiðaeftirlitið liti á vélbún-
aðinn áður en kaupendurnir gætu
ekið heim á langþráðum Trabant.
Gunnar sem er formaður samtaka
Trabanteigenda „Skynsemin ræður“
hefur átt Trabantbifreið í áraraðir,
líkir þeim við hesta og segir metnað
sinn fyrir Trabantbifreiðinni svipað-
an og metnað fyrir reiðhest sinn.
Ingvar Helgason hefur nú selt 200
Trabantbifreiðir á þessu ári og eru
fjölmargir á biðlista eftir bílum,
enda verðið á þeim nánast hlægilegt.
Næsta sending mun koma til landsins
eftir einn og hálfan mánuð, alls 50
bílar. Því lítur út fyrir að 250 nýjar
Trabantbifreiðir komi á göturnar á
þessu ári. -HM
Hvalavinir vilja rannsókn:
Hvalur hf. greiði
skemmda bílsímann
Hvalavinafélagið hefur farið fram
á það við Rannsóknarlögreglu ríkis-
ins að hún hefji opinbera rannsókn
á atvikinu þegar starfsmaður Hvals
hf. skar á burðarólar birgðapoka og
öryggislínu hvalavinanna sem tóku
hvalbát í gíslingu í Hvalfirði fyrir
skömmu.
Auk þess fer Hvalavinafélagið
fram á það við Hval hf. að þeir greiði
skaðabætur sem nemur tjóni því
sem þeir urðu fyrir þegar þeir hlekkj-
uðu sig fasta við hvalbát í Hvalfirði.
Tjónið fólst aðallega í brotnum bíl-
síma sem þeir tóku á leigu f þeim
tilgangi að tala við samstarfsmenn
sína í landi.
Rannsóknarlögreglan hefur sent
ríkissaksóknara málið til umsagnar.
Slíkar skaðabætur yrðu væntanlega
fjármagnaðar með sölu á hvalkjöti!
-SÓL
Erfiöleikar Kaupfélags V-Barðstrendinga:
Greiðslustöðvun
til 2. janúar nk.
Kaupfélag Vestur-Barðstrendinga
á Patreksfirði hefur átt í miklum
erfiðleikum að undanförnu, en hefur
nú fengið grciðslustöðvun til 2.
janúar nk. Höfuðorsök erfiðleik-
anna er talin vera bygging sláturhúss
sem boðið var upp á nauðungarupp-
boði sl. vetur, auk þess sem fleiri
verslunarferðir til Reykjavíkur gera
sitt ógagn.
Framkvæmdastjórn Sambandsins
samþykkti nýverið á fundi sínum að
afskrifa hluta af skuld kaupfélagsins
við sig til að stuðla að því að komist
verði hjá gjaldþroti. Um er að ræða
rúmar 30 milljónir, en heildarskuld
kaupfélagsins við Sambandið er um
70 milljónir. Afskriftir þessar eru þó
háðar því að aðrir lánardrottnar
afskrifi skuldir kaupfélagsins í sama
hlutfalli. -SÓL
Skotveiðifélag Reykjavíkur:
Námskeið í
rjúpnaveiði
Skotveiðifélag Reykjavíkur og
nágrennis efnir til tveggja kvölda
námskeiðs í rjúpnaveiði fyrir byrj-
endur í kvöld og annað kvöld og
fer það fram í félagsheimilinu
Veiðiseli Skemmuvegi 14 í Kópa-
vogi.
I kvöld verður m.a. fjallað um
stofnstærð rjúpunnar, hvar veiða
megi rjúpu og hvernig skuli haga
ferðum til fjalla að vetrarlagi. Ann-
að kvöld verður fjallað um vopn og
aðferðir við að veiða rjúpu, skyndi-
hjálp, hvernig búnaður og klæðn-
aður sé hentugur fyrir rjúpnaveiði
og svarað fyrirspurnum. Um leið
vill Skotveiðifélagið minna alla á
að virða rétt landeiganda og skjóta
aldrei á heimalandi án leyfis og að
kynna sér friðunarlöggjöfina, hvar
skjóta megi rjúpu og fleira.
Raðgreiðslur V/SA-, ódýr
og þægilegur greiðslumáti
Léttið greiðslubyrðina með mánaðarlegum raðgreiðslum VISA í allt að 12 mánuði
vegna stærri viðskipta eða við greiðslu eftirstöðva ferðakostnaðar.tryggingagjalda o.fl.
Raðgreiðslur eru ódýrari greiðslumáti en venjulegir afborgunarsamningar og til
muna þægilegri, bæði fyrir kaupanda og seljanda.
Með Raðgreiðslum VISA bjóðast þér ferðir og ferðalög, heimilistæki,
tryggingar, sportvörur, hljómtæki, húsgögn, byggingavörur, Ijósmyndavörur,
tölvubúnaður, skrifstofutæki, steypa og jafnvel bílar. Fleiri og fleiri fyrirtæki
bjóða nú þennan þægilega greioslumáta.
Þægindi og þjónusta eru aðalsmerki VISA. Korthafar VISA þekkja eftir-
farandi hlunnindi. Ferðaslysatryggingu, sjúkratryggingu (erl.), viðlaga-
þjónustu (erl.), bankaþjónustu (erl.), hraðbankaþjónustu (erl.), gisti-
þjónustu, vildarkjör, tímaritið VILD.
Nú eiga korthafar VISA enn fleiri
kosta völ.
VISA:
Boðqreiðslur,
Raogreiðslur,
Símgreiðslur.
V/SA
STYRKTARADILI ÓLYMPÍULIÐS ÍSLANDS