Morgunblaðið - 28.02.1984, Blaðsíða 1
48 SlÐUR MEÐ 8 SlÐNA ÍÞRÓTTABLAÐI
STOFNAÐ 1913
48. tbl. 71. árg.
ÞRIÐJUDAGUR 28. FEBRÚAR 1984
Prentsmiðja Morgunblaðsins
Kafbátaleitin
aldrei ákaíári
Sjóherinn hyggst beita marksæknum tundurskeytum
Stokkhólmi, 27. febrúar. AP.
SÆNSKIR hermenn vörpuðu í dag handsprengjum í sjóinn og skutu af
vélbyssum í leitinni að ókunna kafbátnum við Karlskrona, sem hefur staðið
í 18 daga og er nú ákafari en nokkru sinni fyrr.
„Leitinni er haldið áfram af full-
um krafti," sagði Jan-Ake Berg,
talsmaður sænska varnarmála-
ráðuneytisins. „Við verðum reglu-
lega varir við eitthvað í sjónum hér,
sem þar á ekki að vera, og munum
því halda áfram." Nokkra furðu
vakti þegar sænsku hermennirnir
sáust skjóta af vélbyssum í sjóinn
og kasta á hann handsprengjum en
að sögn talsmannsins var það gert
til að verja mannvirki, sem sænski
sjóherinn hefur á þessum slóðum til
að verjast kafbátum.
Berg staðfesti fréttir um að sést
hefði til ókunnra kafara og sagði
jafnframt, að líklega væri þarna á
ferð sérstök sveit, nokkrir dverg-
kafbátar, kafarar og móðurkafbát-
ur, sem biði fyrir utan. „Við getum
jafnvel ekki útilokað aðstoðarmenn
á landi," sagði Berg.
Sænski sjóherinn hefur nú orðið
sér úti um marksækin tundurskeyti
og er talið, að þeim eigi að beita
gegn móðurkafbátnum ef áhöfn
hans reynir að koma dvergkafbátn-
um eða -bátunum til aðstoðar. Leit-
in er sem áður segir mjög áköf og
telja sumir, að stórra tíðinda kunni
nú að vera að vænta.
Þegar sovéskur kafbátur strand-
aði í sænska skerjagarðinum fyrir
tveimur árum hét Olof Palme, for-
sætisráðherra, því, að sænskt land
og lögsaga skyldu „varin með öllum
ráðum. Við munum sökkva erlend-
um kafbáti, sem rýfur lögsöguna, ef
nauðsynlegt þykir". Þegar örygg-
ismálaráðstefna Evrópu var sett í
Stokkhólmi í fyrra mánuði hitti
Palme Gromyko, utanríkisráðherra
Sovétríkjanna, að máli og sagði
hann eftir fundinn, að Gromyko
hefði fullvissað sig um, að Sovét-
menn myndu sýna fullveldi Svía
fulla virðingu.
Blóðugir bardagar geisa nú í Persaflóa-
stríðinu og mannfallið gífurlegt á báða
bóga. Þessi mynd er af írönskum her-
mönnum á gúmbátum einhvers staðar
á ófriðarsvæðinu og yfír höfðum þeirra
sveima þyrlur. Aðrar upplýsingar
fylgdu ekki.
AP
n
Iraskar orrustuvélar
ráðast á Kharg-eyju
Nikósíu, 27. rebrúar. AP.
ÍRASKAR orrustuvélar gerðu í dag
árás á olíuskip við Kharg-eyju,
helstu olíuútflutningshöfn írana,
samtímis því sem harðar orrustur
voru háðar og barist jafnt á landi
sem í lofti. Breska blaðið Observer
hefur það eftir heimildum, að íranir
hafi dregið saman mikið til úrslita-
sóknar gegn írökum.
Talsmaður íraska herráðsins
Þing Norðurlandaráðs sett í Stokkhóhni f gær:
Atvinnuleysismál-
in ofarlega á baugi
Stokkhólmi, 27. febrúar. Frá fréttarit-
ara Morgunblaósins, Magnúsi Sigurðssyni.
ÞING Norðurlandaráðs hófst hér í
Stokkhólmi í morgun. Frú Karin
Söder í forsæti ráðsins setti þingið
með ræðu, þar sem hún bauð gesti
velkomna, en sagði síðan: „Tengsl-
in milli Norðurlandanna eru arfur
sögunnar. Með tilliti til þeirra
takmarkalausu möguleika, sem
tækni nútímans felur f sér, þá
verðum við að leggja enn meira
kapp en nokkru sinni fyrr á að
rækta og varðveita sameiginlega
menningu okkar."
í ræðu sinni fjallaði frú Söder
mikið um atvinnuleysið og sagði
að horfur væru á að 900.000
manns á Norðurlöndum yrðu án
atvinnu á þessu ári. Bitnaði
þetta ekki sízt á unga fólkinu.
I hinum almennu umræðum
þingsins í dag urðu margir til
þess að taka í sama streng og frú
Söder og gagnrýna það, hve
haldlítil norræn samvinna hefði
reynzt á þessu sviði. Á síðasta
þingi Norðurlandaráðs var ráð-
herranefndinni falið að gera
áætlun um ráðstafanir gegn at-
vinnuleysinu. Finnst mörgum
fulltrúum að í þessa skýrslu
vanti ákveðnar aðgerðir hér á
þingi Norðurlandaráðs til úrbóta
Myndin var tekin f gær þegar þing Norðurlandaráðs var sett f húsakynn-
um sænska þingsins í Stokkhólmi. Þetta er 32. þing Norðurlandaráðs frá
upphafi. Presscns Bild.
í stað fagurra fyrirheita.
Skýrsla svonefndrar fimm
manna-nefndar var einnig tals-
vert til umræðu hér í dag. Nefnd
þessi var á sínum tíma stofnuð
til þess að endurskoða störf
Norðurlandaráðs og koma með
tillögur til úrbóta, þar sem það
ætti við. Hefur nefnd þessi.lagt
til, að menningarfjárlög Norður-
landaráðs verði sameinuð hinum
almennu fjárlögum ráðsins. Til-
laga þessi hefur hins vegar sætt
talsverðri gagnrýni. Kom fram
sá ótti, að með þessu kynnu of
mikil völd að færast í hendur að-
alritarans og þá yrðu möguleik-
ar einstakra þingmanna til þess
að hafa áhrif á gang mála minni
en áður.
í almennu umræðunum í dag
fluttu 3 íslendingar ræður og
voru það Páll Pétursson, for-
maður íslenzku sendinefndar-
innar, Steingrímur Hermanns-
son forsætisráðherra og Eiður
Guðnason. Almennu umræðun-
um verður haldið áfram aftur á
morgun, þriðjudag, en fjöldi
manna er enn á mælendaskrá.
Sjá frétt frá Norðurlanda-
ráði á bls. 16.
tilkynnti í dag, að íraskar orrustu-
flugvélar hefðu gert árásir á olíu-
skip við Kharg-eyju en sagði ekk-
ert um hverrar þjóðar skipin
hefðu verið. Sagði hann árásirnar
upphafið að aðgerðum til að koma
í veg fyrir olíuviðskipti írana. ír-
anir hafa ekkert sagt um þessar
árásir nú en þeir hafa áður hótað
því að hefna slíkra árása með því
að loka Hormuz-sundi.
Gífurlega harðir bardagar hafa
geisað í allan dag við þjóðveginn
milli borganna Bagdad og Basra
og segja Trakar vígvöllinn þakinn
líkum íranskra hermanna. íranir
hafa sömu sögu að segja nema
hvað þeir snúa mannfallinu upp á
Iraka.
Lundúnablaðið The Observer
hefur það eftir ónefndum leyni-
þjónustumönnum, að íranir séu
nú tilbúnir til að beita nýjum her-
afla 300.000 manna í lokasókninni
gegn írökum. Yrði henni beint
gegn borginni Basra, helstu olíu-
útflutningshöfn íraka, og þjóðveg-
inum til hennar en um hann fara
mestallir hergagna- og liðsflutn-
ingar íraka.
Beirút:
Aðeins franska
gæsluliðið eftir
Beirút, Amman, 27. febrúar. AP.
SÍÐUSTU bandarísku gæsluliðarnir voru í gær fluttir frá Beirút en áður
höfðu Bretar og ítalir flutt sína menn um borð í skip úti fyrir ströndinni. Eru
þá ekki aðrir eftir en Frakkar, sem sýna ekki á sér neitt fararsnið. Yasser
Arafat, leiðtogi PLO, er nú í Amman þar sem hann á viðræður við Hussein,
Jórdaníukonung.
í gær, sunnudag, var lokið við að
flytja bandarísku gæsluliðana um
borð í herskip úti fyrir ströndinni
að undanskildum 100 mönnum,
sem gæta bandaríska sendiráðsins
í Beirút, og 80 hernaðarráðgjöfum,
sem eru líbanska stjórnarhernum
til aðstoðar. Bretar og ítalir hafa
flutt allt sitt lið frá borginni en
þess sjást engin merki enn, að
Frakkar ætli að draga sitt lið á
braut.
Kristnir menn og múhameðs-
trúar börðust í allan gærdag og
fram á nótt. Saudi-Arabar komu á
vopnahléi sl. föstudag en það stóð
aðeins í tvær stundir. Síðan hafa
26 óbreyttir borgarar fallið í
kúlnahríðinni og 90 særst. 1 gær
skutu Bandaríkjamenn af byssum
New Jersey á víghreiður Sýrlend-
inga í fjöllunum fyrir austan Beir-
út en þeir síðarnefndu höfðu þá
nokkru áður skotið að bandarískri
könnunarflugvél.
Yasser Arafat, leiðtogi PLO, á
nú í viðræðum við Hussein Jórd-
aníukonung um samvinnu og sam-
eiginlega stefnu Palestínumanna
og Jórdaníumanna í málefnum
palestínsku þjóðarinnar. Hermt
er, að þeir muni taka upp þráðinn
„þar sem frá var horfið í apríl sl.“
en þess ekki getið hvort rætt verð-
ur um áætlun Reagans, Banda-
ríkjaforseta, um frið í Miðaustur-
löndum.