Morgunblaðið - 24.09.1985, Blaðsíða 38

38
MORGUNBLADIÐ, ÞRIÐJUDAGUR 24. SEPTEMBER1985
Morgunbladið/Úlfar Ágústsson
ArkitekUr ad byggingunni eru Kr. Guðmundur Guðmundsson og Ólafur
Sigurðsson. Byrjað var á byggingunni 1979, en eftir að húsið varð fok-
helt, lá vinna að mestu niðri þar til á síðasU ári. Formaður byggingar-
nefndar er Svanhildur Þórðardóttir.
DagheimiH tekur
til starfa á ísafirði
ÍMfirói, 14. september.
DAGHEIMILIÐ og leikskólinn
við Eyrargötu voru sýnd almenn-
ingi í dag, en húsið verður tekið
í notkun nk. þriðjudag.
Upphaflega var gert ráð fyrir
tveim leikskóladeildum og einni
og einni dagheimilisdeild, en
vegna mikillar eftirspurnar um
dagheimilisvistun hefur verið
ákveðið að reka tvær dagheimil-
isdeildir og eina leikskóladeild.
Ekki er þó gert ráð fyrir að leik-
skóladeildin taki til starfa fyrr
en fengist hefur starfsfólk á
hana, en þar vantar nú í þrjár
stöður.
Dagheimilisdeildunum verður
skipt þannig, að á annari deild-
inni verða börn frá 6 mánaða
aldri að þriggja ára, en á hinni
þriggja til sex ára. Opið verður
frá 7.30 til 18.30 þannig að fólk
sem hefur störf kl. 8 getur verið
búið að koma börnunum af sér
og fólk em vinnur til kl. 6 getur
sótt börn sin eftir það.
Að sögn Ragnhildar Sig-
mundsdóttur fóstru og forstöðu-
manns heimilisins, er húsið vel
hannað til starfseminnar, en
búnaður s.s. leikföng er í algjöru
lágmarki þannig að við það þarf
að bæta fljótlega. Þá taldi hún
að leiksvæðið úti væri of þröngt
fyrir svona stóran hóp, en gert
er ráð fyrir um 50 börnum í einu
í vistun. Staðsetning er mjög góð,
milli íshúsfélags Isfirðinga og
gamla sjúkrahússins, og gang-
stígar og ökuleiðir i góðu horfi.
- Úlfar.
Morgunblaðiö/Gfsli Olfarsaon
Forstöðumaður heimilisins er
Ragnhildur Sigmundardóttir. Hún
lærði fóstur í Danmörku, en hefur
starfað við leikskólann í Hnífsdal
sl. tvö ár.
Undirfellskirkja
í Vatnsdal 70 ára
— eftir Hallgrím
Guðjónsson
Gagngerðar endurbætur hafa nú
farið fram á kirkjunni að Undir-
felli í Vatnsdal. Á almennum safn-
aðarfundi, sem haldinn var 13.
mars 1983, var samþykkt með
samhljóða atkvæðum allra fundar-
manna að halda kirkjunni við og
endurbæta hana. í framhaldi af
þessu hafði sóknarnefnd samband
við Þorstein Gunnarsson, sem er
mjög þekktur arkitekt og vinnur
m.a. á vegum þjóðminjavarðar og
húsfriðunarnefndar og hafa allar
endurbætur á Undirfellskirkju
verið unnar undir leiðsögn hans.
Þess má geta að Þorsteinn sér um
endurbætur á mörgum elstu og
merkilegustu húsum hér á landi
eins og Viðeyjarstofu og Nesstofu
að ógleymdri Dómkirkjunni í
Reykjavík.
Undirfellskirkja var mjög farin
að láta á sjá enda reist á árunum
1914-1915 og því sjötíu ára um
þessar mundir. Kirkjan stendur á
lágum hól í vestanverðum Vatns-
dal og telur Þorsteinn að form
kirkjunnar og staðsetning fari vel
saman. Hið sama gildir um sam-
spil kirkjunnar og umhverfisins.
Upphaflegar teikningar að
kirkjunni eru dagsettar „í Reykja-
vík 5. ágúst 1914 fyrir Rögnvald
Olafsson og Einar Erlendsson".
Um þessar teikningar urðu mjög
miklar deilur á sínum tíma, sem
frægar urðu hér um sveitir. End-
uðu þær með því að m.a. var fyrir-
huguðum kjallara sleppt, en í öll-
um öðrum aðalatriðum voru upp-
haflegar teikningar notaðar. Það
sem einkum setur óvenjulegan en
jafnframt glæsilegan svip á kirkj-
una er staðsetning turnsins, en
hann rís í norðvesturhorni og er
honum hliðrað um rúmt fet til
beggja átta frá hliðum aðalhúss-
ins.
f júní 1984 var byrjað á að gera
við múrskemmdir að utan sem
voru orðnar allmiklar. Þá var
mikil vinna við sökkla og tröppur.
Þakbrúnir voru endurnýjaðar þar
sem þess þurfti en annars staðar
gert við. Járn á þaki var allt neglt
upp en súð reyndist ófúin. Þá var
kirkjan öll máluð að utan. Á yfir-
standandi ári hefur verið unnið
að viðgerðum á kirkjunni að innan
og var þeim að fullu lokið í júní
sl. eða ári eftir að byrjað var á
verkinu.
Þeir sem hafa annast hina ýmsu
verkþætti við kirkjuna eru: Jón
Kr. Jónsson múrari á Blönduósi
sá um alla múrvinnu; Trésmiðjan
Eik á Blönduósi smíðaði og sá um
allt sem að tréverki lýtur; Ingvi
Þór Guðjónsson málarameistari á
Blönduósi sá um alla málningu að
utan og innan.
Rafhitun er í kirkjunni staðsett
undir bekkjum. Gagngerðar end-
urbætur fóru fram á öllum raf-
lögnum í kirkjunni og var það
Gestur Guðmundsson rafvirkja-
meistari á Blönduósi sem sá um
það verk.
Það má ekki gleyma þætti Þor-
steins Gunnarssonar arkitekts og
vil ég hér með koma á framfæri
fyrir hönd sóknarnefndar sérstöku
þakklæti til hans fyrir vel unnin
störf og ánægjulegt samstarf. Um
leið færir sóknarnefndin öllum
þeim sem að þessum endurbótum
hafa unnið alúðarþakkir.
Kirkjan hefur alla tíð verið óaf-
girt og hefur það verið áhyggjuefni
að skepnur hafa óhindrað komist
að henni, m.a. óhreinkað veggi.
Nú hefur fyrrverandi eigandi
Undirfells, Bjarni Hannesson,
gefið fallegan blett úr túni jarðar-
innar sem tengir saman kirkju og
kirkjugarð og er nú i undirbúningi
að girða þetta land. Það verk verð-
ur unnið undir yfirstjórn for-
manns skipulagsnefndar kirkju-
garða, Aðalsteins Steindórssonar.
Fyrir þetta örlæti Bjarna Hannes-
sonar skulu honum hér með færðar
alúðarþakkir. í sumar hefur verið
gert bílastæði við kirkjuna og
akvegur að henni lagfærður.
Á undanförnum árum hafa
Undirfellskirkju borist margar
góðar gjafir og skal fátt eitt af því
talið hér. Ég vil nefna að fjölskyld-
an á Bakka hér í sveit gaf mjög
/ ORUGG"
SKULDABRÉF
/_______1 BOÐI_______________
l&lafnverð hvers bréfs er 100.000 kr.
íílréfin greiðast upp með einni afborgun.
Illréfin eru til 14-64 mánaða.
^jvöxtun umfram verðtryggingu erl2%-16,5%.
ÍWandshankinn ábyrgist endursölu innan eins
mánaðarfrá þvíað honum berstsölubeiðni.
Sölu bréfanna annast Fjármálasvið bankans, Laugavegi7,4. hœð, símar2 77 22og62 12 44.
Par eru einnig veittar nánari upplýsingar.
L
Landsbankinn
Banki allra landsmanna
Hallgrímur Guðjónsson
vandaðar hurðir fyrir kirkjuna
með uppsetningu og öllu tilheyr-
andi.
Fyrir allmörgum árum gaf
Hannes Þorsteinsson heildsali i
Reykjavík fögur ljósatæki í kirkj- .
una, bæði í loft og á veggi, til
minningar um föður sinn, Þorstein
Konráðsson, sem mjög lengi var
organisti í Undirfellskirkju. Nú
hafa kirkjunni borist að gjöf átta
fallegir ljósalampar til viðbótar í
hvelfingu kirkjunnar. Kvenfélag
sveitarinnar hefur gefið bæði
peninga og fagra muni. Öllum
þeim sem hér eru taldir og ekkert
síður þeim sem ótaldir eru skulu
hér með færðar alúðar þakkir.
Altaristafla er eftir Ásgrím mál-
ara Jónsson og er hún jafngömul
kirkjunni, gefin af Ingibjörgu og
Stefáni sem lengi bjuggu á Flögu
í Vatnsdal.
Vegna þeirra miklu endurbóta,
sem hér hefur verið gerð grein
fyrir, er ekki óeðlilegt að fjárhagur
kirkjunnar standi höllum fæti því
sóknin er lítil og gjaldendur fáir,
en lftið er um lán eða styrki úr
opinberum sjóðum til fram-
kvæmda sem þessara. Þess skal
þó getið að ýmsir hafa lagt okkur
lið með fjárframlögum og einnig
með nokkurri sjálfboðavinnu þó
mest hafi munað um óafturkræft
framlag úr Húsfriðunarsjóði kr.
60.000,-. Við höfum þó ekki áhyggj-
ur af fjármálum kirkjunnar því
hún á marga góða stuðningsmenn.
í safnaðarstjórn eru nú: Hall-
grímur Guðjónsson hreppstjóri
Hvammi II form., Reynir Stein-
grímsson bóndi Hvammi I gjald-
keri og Guðrún Bjarnadóttir kenn-
ari Guðrúnarstöðum ritari. Þá má
ekki gleyma sóknarprestinum, sr.
Árna Sigurðssyni, en án hans
hefðu þessar framkvæmdir ekki
gengið eins vel og raun ber vitni
og vill safnaðarstjórn færa honum
alveg sérstakar þakkir fyrir hans
mikla dugnað og áhuga á málefn-
um Undirfellskirkju.
Að lokum skal það sagt að við
sem að þessum framkvæmdum
höfum staðið höfum haft það efst
í huga að við værum að vinna verk,
sem yrði sveitinni okkar og íbúum
hennar til blessunar á ókomnum
árum.
Höfundur er bóndi og hreppstjóri
íHrammi í Vatnsdal A-Hún.
Wterkurog
kJ hagkvæmur
auglýsingamiðill!