Morgunblaðið - 24.04.2007, Blaðsíða 19

hönnun
MORGUNBLAÐIÐ ÞRIÐJUDAGUR 24. APRÍL 2007 19
Sigurður Sigurðarson dýralækn-ir skrifar: „Ég var við útför
Gríms Gíslasonar á Blönduósi og
dvaldi við gröfina hans um stund.
Víða kom hann við sögu. Hann var
traustur bandamaður, ráðhollur,
alltaf heill í viðskiptum, tökin hans
fumlaus, góðviljinn og gleðin
ríkjandi, sannur Íslendingur og
maður, sem gott var að kynnast og
eiga að vini um árabil. Margt var
um manninn við útförina og veður
hið fegursta, stillt og bjart.
„Ógleymanleg stund“, heyrði ég
hjá aðvífandi ferðamönnum úr
öðrum löndum, sem virtu fyrir sér
líkfylgd manna og hesta frá kirkju
til kirkjugarðs.
Genginn er hann Grímur þar,
grúfa yfir sorgirnar.
Allt of snemma frá oss fór
fullhugi í verkum stór.
Minnilegur maður var.
Á marga lund af öðrum bar.
Einar Kolbeinsson bætir við:
Nú er ekki nema von,
þó niðjar tárin felli,
því nú er Grímur Gíslason,
genginn burt af velli.
Lesmál dýrt í lífsins bók,
löngum dyggur skráði,
og ferskeytluna í fóstur tók,
fyrst sem ungur snáði.
Hugsun sína henni fól,
heill með orðgnótt sanna,
vísnagerð því veitti skjól,
á vegferð kynslóðanna.
Áfram feðra arfinn bar,
allmörg kveðin ríma,
íslensk tunga átti þar,
útvörð sinn um tíma.
Öðlingslundin ein og stök,
ætíð sýnd var mönnum,
og gæddi lífsins glímutök,
gleðianda sönnum.
Buðu sálar bestu kjör,
er brautir geystust kunnar,
glettni, ákefð, gáski og fjör,
á grunni alvörunnar.
Minningin er mikils verð, –
metinn verka sinna,
hann sem nýtti sómans sverð,
sigur til að vinna.
Því má hefja þakkarsöng,
er þjóni virðing hæsta,
enda nærri aldarlöng,
ævileiðin glæsta.
VÍSNAHORNIÐ
Minning um
Grím
pebl@mbl.is
NORSKA arkitektastofan Young
Fehn vill færa húsahönnun til fólks-
ins og býður upp á að endurhanna
rými fyrir fólk á 48 klukkustundum.
Allt sem þarf er stafræn myndavél
og tölvupóstur. Í framhaldinu er
hægt að fá húsgögn og innréttingar
heimsendar samkvæmt teikning-
unum.
„Hægt er að senda okkur mynd af
hvaða herbergi sem er í tölvupósti
og við endurhönnum veggi, loft, gólf
og annað. Myndin er send til baka
eftir tvo sólarhringa,“ segir Guy
Fehn arkitekt í samtali við forbru-
ker.no.
Að sögn Fehn er stofa hans fyrst í
heimi til að bjóða upp á slíka sýnd-
arendurgerð húsnæðis á ljósmynd-
um í gegn um tölvupóst. Fyrirtækið
hefur lengi unnið með þrívíddar-
lausnir fyrir nýbyggingar en hóf í ár
að bjóða upp á að endurhanna eldri
rými með aðstoð stafrænna ljós-
mynda.
Þar með er sagan ekki sögð því
Young Fehn hefur gert samninga
við nokkra húsgagnaframleiðendur
um að þeir sendi húsgögnin og inn-
réttingarnar á myndunum heim til
viðkomandi, óski hann eftir því.
„Þannig er óþarfi að kaupa sófa út í
loftið áður en maður sér hvernig
hann tekur sig út í stofunni.“
Hugmyndin að baki er að sem
flestir hafi möguleika á að taka ræki-
lega í gegn hjá sér. „Við náum til
allra, óháð búsetu þeirra,“ segir
Fehn en sem kunnugt er er Noregur
talsvert strjálbýlt land. „Þetta verð-
ur ekki bara fyrir þá sem búa í stór-
borgunum.“ Hann undirstrikar að
um norska hugmynd sé að ræða.
„Það er mikilvægt því þetta getur
fljótt orðið alþjóðlegt verkefni.“
Í febrúar síðastliðnum nýtti fast-
eignasalan Norvik & Partners sér
tæknina til að sýna fram á hvaða
möguleikar byggju í íbúðum sem
hún hafði til sölu.
Sett í stand
gegnum
tölvupóst
Morgunblaðið/Sverrir
Hönnun Hvernig skyldi þessi sóma
sér heima í stofu?
AUGLÝSINGASÍMI 569 1100
 Ársalir - fasteignamiðlun  Ársalir - fasteignamiðlun 
Björgvin Björgvinsson, löggiltur fasteignasali
Ársalir
FASTEIGNAMIÐLUN
Engjateigi 5 105 Rvk
533 4200
ÁRSALIR EHF - FASTEIGNAMIÐLUN
ef þú þarft að selja,
leigja eða kaupa fasteign,
mundu 533 4200 eða
senda okkur póst: arsalir@arsalir.is
ALLT ANNAÐ LÍF! - með vinstri grænum
KRAFTMIKIÐ
SAMFÉLAG
KATRÍN
JAKOBSDÓTTIR
1. sæti Reykjavíkurkjördæmi norður