Bjarmi - 01.04.1996, Blaðsíða 3

s
Abyrgðin
Staldrað
i við
Kristnar kirkjur og samtðk hafa í aldanna rás lagt áherslu á ýmiss konar hjálparstarf
samhliða boðun kristinnar trúar. Peir eru til sem telja óeðlilegt að blanda þessu tvennu
saman og stundum heyrast raddir í þá veru að verið sé að kaupa fólk sem býr við
frumstæðar aðstæður til kristinnar trúar. Gegn slíkum röddum má benda á að allt frá upphafi
hefur það verið hluti af boðun fagnaðarerindisins að liðsinna þeim sem eru hjálparþurfi. Jesús
sjálfur gerði allt þrennt, prédikaði, kenndi og læknaði (Mt. 4:23). Það hefur kirkja hans gert æ
síðan. Jesús sendi lærisveina sína út með orðunum: „Þér munuð verða vottar mínir í Jerúsalem og
allri Júdeu, í Samaríu og allt til endimarka jarðarinnar" (Post. 1:8). Að vera vottur Jesú Krist
merkir að halda áfram verki hans, að boða fagnaðarerindið í orði og verki.
Kristin trú felur óhjákvæmilega í sér umhyggju fyrir náunganum. Oft vitnum við í tvöfalda
kærleiksboðorðið: „Elska skalt þú Drottin, Guð þinn, af öllu hjarta þínu, allri sálu þinni, öllum
mætti þinum og öllum huga þínum, og
náunga þinn eins og sjálfan þig“ (Lk. 10:27).
Boðorðið, sem Jesús lýsir æðst allra
boðorða, felur í sér að heilsteypt trú á Guð
og kærleikur til hans leiðir af sér kærleika til
náungans. Þess vegna er hjálparstarf
eðlilegur þáttur í lífi kristins manns.
Nú getum við spurt eins og lögvitringurinn: „Hver er þá náungi minn?“ (Lk. 10:25-37). Jesús
svaraði þeirri spurningu ekki beint heldur sagði söguna um miskunnsama Samverjann. í lok
hennar er spurningunni snúið við: „Hver þessara þriggja sýnist þér hafa reynst náungi þeim
manni, sem féll i hendur ræningjum?11 Lögvitringurinn svaraði og sagði: „Sá sem miskunnarverkið
gjörði á honum.“ Jesús sagði þá við hann: „Far þú og gjör slikt hið sama“.
Við viljum oft velja hvern við köllum náunga okkar. Stundum heyrist sagt í tengslum við
safnanir til hjálparstarfs erlendis að nær væri að hjálpa þeim sem eru hjálparþurfi hér innanlands.
Auðvitað er mikilvægt að hjálpa þeim sem eru hjálparþurfi í næsta nágrenni
okkar. En Jesús bendir okkur á að við getum ekki ákveðið fyrirfram hverjir
teljist í hópi náunga okkar og hverjir ekki. Málið snýst um að reynast góður
náungi hverjum þeim sem er hjálpar þurfi og við getum rétt hjálparhönd.
Kristið hjálparstarf er mikilvægt. Það er eðlilegur hluti af fagnaðarerindinu og
því að vera kristinn. Hjálparstofnanir og kristniboðssamtök eru nauðsynlegur
farvegur til að skipuleggja hjálpina, auka samtakamátt og tryggja að andleg og
líkamleg hjálp komist til skila. Ábyrgð þeirra sem
stjórna slíkum stofnunum og samtökum felst í því að
það takist ætíð sem best. En slíkar stofnanir leysa
okkur, sem köllum okkur kristin, ekki undan
ábyrgðinni. Öll berum við ábyrgð á því að reynast
góður náungi þeim sem á hjálp okkar þurfa að halda.
Hjálparstofnanir og kristniboðssamtök eru farvegur fyrir okkur til
að koma hjálp til skila í samvinnu með öðrum. Þess vegna
hljótum við að leggja okkar af mörkum á vettvangi þeirra um leið
og einstaklingarnir allt í kringum okkur eru köllun frá Guði til að
þjóna honum með því að sýna þeim kærleika og umhyggju.
P m; ii |
tf.
tv
•í.

,áfe jjW/
H ■ "

fíllrriái
Kristilegt tímarit
Útgefendur: Kristilega skólahreyfingin,
Landssamband KFUM og KFUK og
Samband íslenskra kristniboðsfélaga.
Ritstjóri: Gunnar J. Gunnarsson.
Ritnefnd: Benedikt Arnkelsson,
Guðmundur Karl Brynjarsson, Kjartan
Jónsson og Þórunn Elídóttir.
Afgreiðsla: Aðalskrifstofan, Holtavegi 28,
pósthólf 4060,124 Reykjavík,
sími 588 8899, bréfsími 588 8840.
Árgjald: Kr. 2.700,- innanlands,
kr. 3.200,- til útlanda. Gjalddagi 1. mars.
Verð í lausasölu kr. 500,-
Útlitshönnun og aðstoð við útgáfu:
SALThf-Tómas Torfason.
Ljósmyndir: Magnús Fjalar
Guðmundsson o.fl.
Prentun: Borgarprent.
Efni:
Staldrað við:
Ábyrgðin................................ 3
Sigurður Grétar Sigurðsson;
Hjálparstarf erlendis.................. 4
Innlit:
KSS 50 ára............................. 9
Menning:
Narnía.................................12
GunnarJ. Gunnarsson:
Fataskipti.............................15
Tómas Torfason:
Tækniframfarir skapa ný tækifæri.......18
Um víða veröld.........................20
Kristniboð:
Guð elskar þetta fólk..................22
Viðtal:
6500 ungmenni á ráðstefnu..............24
Kjartan Jónsson:
Hvað er sjamanismi?....................26
Um víða veröld
Óttablandin gleði í Kairó..............28

íris Kristjánsdóttir
Frelsið....................................30