Tímarit lögfræðinga - 01.12.1998, Blaðsíða 27

Sigurður Líndal er prófessor við
lagadeild Háskóla íslands
Sigurður Líndal:
HVERS VEGNA VAR STAÐARHÓLSBÓK
GRÁGÁSAR SKRIFUÐ?
EFNISYFIRLIT
1. KONUNGSBÓK - STAÐARHÓLSBÓK
2. RITUNARTÍMI STAÐARHÓLSBÓKAR
3. LÖGFESTING JÁRNSÍÐU 1271-1273
4. RITUN STAÐARHÓLSBÓKAR OG LÖGFESTING JÁRNSÍÐU
5. LÖGGJAFARSTARF í NOREGI
6. RITUN STAÐARHÓLSB ÓKAR OG ENDURSKOÐUN LÖGGJAFAR
7. STAÐARHÓLSBÓK OG JÓNSBÓK
8. STAÐARHÓLSBÓK OG SÍÐARI AFRIT GRÁGÁSARTEXTA
1. KONUNGSBÓK - STAÐARHÓLSBÓK
Samkvæmt heimildum sem teljast öruggar voru lög fyrst skráð á Islandi vet-
urinn 1117-18. Verkið var hafið að Breiðabólsstað í Vesturhópi, bæ Hafliða
Mássonar, og texti sá sem þá var ritaður er í Grágás kallaður skrá sú „er Hafliði
lét gera“, en hefur á síðari tímum gengið undir heitinu Hafliðaskrá. Líklegt er
þó talið að eitthvað hafi verið skráð fyrr. Tíundarlögin frá 1096 og sáttmáli ís-
lendinga við Ólaf helga um rétt Islendinga í Noregi eins og hann var svarinn
árið 1083 hafa verið nefnd sem dæmi.
Eins og vænta má fjölgaði skrám smátt og smátt og sundur dró með textum
þótt kjarninn væri sá sami. Tvær heillegar skrár hafa varðveitzt - Konungsbók
sem ber skrásetningarauðkennið Gks. 1157 fol. og Staðarhólsbók sem skráð er
279