Börn og menning - 01.04.2012, Blaðsíða 30

Börn og menning
Ótrúlega fáar frumsamdar bækur hafa
komið út undanfarin ár sem eru beinlinis
ætiaðar unglingum. Við lauslega athugun
á Bókatíðindum frá árinu 2010 kom í Ijós
að um fimm bókatitla var að ræða. En
nú verður breyting á, því að framsæknar
konur vilja ráða bót á þessum skorti. í
apríl 2009 skrifuðu þær stöllur Marta Hlín
Magnadóttir og Birgitta Elín Hassell ritgerð
til B.Ed.-gráðu í grunnskólakennarafræðum
við Háskóla íslands, menntavísindasvið.
Ritgerðina kalla þær „Bókabeituna" og er
í henni lýst tilraun til að fá unglinga til að
lesa meira. „Framkvæmd Bókabeitunnar er
í stuttu máli þannig að nemendur fengu
að heyra sýnishorn úr sex bókum án þess
að fá að vita nöfn bóka eða höfunda. Hver
þátttakandi valdi sér eitt sýnishorn og skilaði
úr því ritunarverkefni."1 Tilraunin gafst vel
og höfundar ákváðu að þróa hugmyndina
áfram í meistaranámi sínu. Nú hafa Birgitta
Elín og Marta Hlín stofnað bókaútgáfu
undir heitinu Bókabeitan. Samkvæmt vef
útgáfunnar er markmið hennar eftirfarandi:
Ætlunin er að bjóða upp á fjölbreytt
og vandað lesefni. Fyrst og fremst
með útgáfu frumsaminna barna- og
unglingabóka og þýðingum og útgáfu
á erlendu efni fyrir börn og unglinga
með sérstaka áherslu á fantasíur og
spennusögur. Bækurnar skulu vekja
og viðhalda athygli og áhuga lesenda,
vera þægilegar aflestrar en jafnframt
vandaðar og á góðu máli. Ævintýra-,
spennu-, hryllings-, drauga-, galdra-
og bækur sem er lítið af ( íslenskri
bókaflóru fyrir unglinga fá sérstaka
athygli til að byrja með.2
Fyrstu bækur útgáfunnar eru skrifaðar fyrir
aldurshópinn sem oftast verður útundan í
bókaflóðinu fyrir jól, þ.e. unglingana, og er
greinilegt að Marta Hlín og Birgitta Elín hafa
í huga að skrifa heilan bókaflokk. Yfirheíti
flokksins er Rökkurhæðir og svo fær hver
bók sinn undirtitil. Nú þegar eru komnar út
tvær bækur og fljótlega er von á þeirri þriðju
samkvæmt upplýsingum aftast ( annarri
bókinni en einnig má lesa um hana á vef
útgáfunnar.
Úthverfahryllingur
Bækurnar í Rökkurhæðaflokknum sem
komnar eru á markað heita Rústirnar (bók 1)
og Óttulundur (bók 2). Þær snúast um svipað
þema: draugagang og illar verur. Umhverfi
sagnanna er það sama, borgin Sunnuvík
með leyndardómsfullum úthverfum.
Eitt úthverfanna heitir Rökkurhæðir og
þar búa söguhetjur bókanna. í hvarfi frá
Rökkurhæðum er fjölbýlishúsalengja en